Eclesiastés 10:11 - Bible in Tzeltal de Oxchuc y Tenejapa

¹¹ ¿Bistuc ya yich' monel chan teme ti'awanixe? Tojol xanix ya yich' monel.

Bible in Tzeltal Bachajón

¹¹ Teme nahil ya xti'awan te chan te ma to ba mombil a, tojol te mach'a ya xmonawan.

Eclesiastés 10:11 Referans Kwoze

Jeremías 8:17

Te Cajwaltic jich ya yal: —Te ja'exe ya jticun tel ta atojolic jti'awal chanetic te ay svenenoil yeic te ya sti'ex ta apisilic; ma'yuc mach'a ya xju' yu'un slamantesbeyel yo'tanic —xi' te Cajwaltique.

Santiago 3:6

Te cac'tique jich bit'il c'ajc'. Ja' jun yawil te nojel ta mulil te ay ta jbaq'uetaltique te ya sboltes spisil te jbaq'uetaltique. Ja' nix ya xtilesbot jach'el yu'un spisil te jcuxlejaltic soc te c'ajc' te tilem tel ta bay infierno.

Proverbios 18:21

Teme ayotic ta swenta cuxlejal, o teme ayotic ta swenta lajel, ja' me chican te bila ya yal te quetique; te mach'atic ya xc'opojic bayal, ya me xc'ax swocolic yu'un.

Salmos 64:3

Ya sjuxbey ye yaq'uic c'oem jichuc puñal; soc jich te bit'il ya yich' t'imuyel bael yat'ejibal t'imalte', ya yac' bael sc'opic te ay svenenoile.

Salmos 52:2

Ja' nax baem ta awo'tan spasel te bila amene; mero jlo'laywanejat, jichat te bit'il cuchillo te juxbil ye.

Santiago 3:8

ja'uc me to, ma'yuc jtuluc te ya xju' yu'un ya stojtes te yaq'ue. Ma'yuc ta comel te sbolile, melel nojel ta veneno te ya yac' lajele.

Eclesiastés 10:10

Teme ya xlaj ye te yecheje, teme ma ba ya sjuxe, mero tulan ya sc'anix jimel. Te bitic ya yich' pasel, ja' lec teme buen lec ya yich' pasele, soc ja' lec teme soc p'ijilil ya yich' pasele.

Salmos 58:6

Dios cu'un, c'asbeya te sbaquel yeique; Cajwal, c'asbeya te colmilloetic yu'unic te león-chojetic c'oemique.