Eclesiastés 10:1 - Bible in Tzeltal de Oxchuc y Tenejapa

¹ Te ja te lajeme, teme tuube, ya xch'aybey yic' te lequil perfume. Ja' nix me jich te jp'al bol c'ope, ya me xch'aybey yutsil te lequil p'ijil c'ope.

Bible in Tzeltal Bachajón

¹ Te chamen hahetic ya sjimbeyic yic' te perfume; hich nix te jteb sonsohil, ya sjimbe yutsil te p'ijil-o'tanil soc ich'el ta muc'.

Eclesiastés 10:1 Referans Kwoze

Nehemías 13:26

—Ja' nix la smulin Salomón in to, ja' te muc' ajwalil yu'un Israel ae. Manchuc me ma'yuc yan muc' ajwaliletic ta yantic tsobol nacionetic te pajot yu'une, soc te c'ux ta o'tanil yu'un te Diose, soc la yac' ta muc' ajwalil ta stojol spisil Israel, pero ja' ac'bot sle smul yu'un te jyanlum-antsetique.

2 Crónicas 19:2

Ja'uc me to, te j'alwanej Jehú, te snich'an Hanani, loc' ta stael, jich la sjojc'obey: —¿Bi yu'un ya acoltay te mach'a amene, te jun awo'tan aba soc te mach'a scontroinej te Cajwaltique? Ja' swentail te ilinem Cajwaltic ta atojole.

Éxodo 30:25

Pasa spisil te aceite swenta ch'ultesele. Jich me ya xc'ot ta chajbanel awu'un te bit'il mach'a ya sna' spasel perfume. Ja' me ch'ul aceite te ya xtuun ta swenta ch'ultesele.

Nehemías 6:13

Tojot, swenta yu'un ya xiwteson, soc swenta yu'un jich ya jta jmul ta stojol Dios ta sc'opic a. Jich me ya staic te bi ya yutic ya yaq'uic bolobuc jc'oplal a, soc swenta yu'un jich ma'yuconix ta wenta ya xc'oon ta sc'opic.

Job 6:3

c'axem jich yalal ya xloc' a te bit'il yalal te sji'al mare. Ja' yu'un ta scaj jwocol te ya xjelawon ta c'ope.

Eclesiastés 9:18

Ja' bayal ya xtuun te p'ijil c'ope, ma ja'uc ya xtuun te at'ejibaletic yu'un guerra. Manchuc me jtul nax te mach'a ya sta falta, jc'axel bayal bila ya xjin yu'un.

Hageo 2:12

Teme ay mach'a ya spots bael ch'ultesbil ti'bal ta sc'u'e, soc teme ya sta waj te sti'il sc'u'e, o te bila paybile, vino, aceite, o biluc yan we'eliletic, ¿ch'ultesbil bal ya xjil yu'un te we'elile? —xi' te Cajwaltic la yaiy te Hageo. —Ma wan —xi' yu'un te sacerdoteetique.

Hageo 2:13

Jich la yal xan sc'op Cajwaltic ta stojol Hageo: —Teme ay mach'a boloben sc'oplal ta scaj spiquel te mach'a lajeme, teme ya xba spic te we'eliletique, ¿ma bal bolobenuc sc'oplal ya xjil yu'un jiche? —xi'. —Boloben ya xjil yu'un —xiic te sacerdoteetique.