Eclesiastés 1:8 - Bible in Tzeltal de Oxchuc y Tenejapa

⁸ Spisil te bitic ya xc'ax co'tantic yu'un, ma'yuc mach'a ya xju' yu'un yalel te bit'il aye. Ma'yuc mach'a ya yal te tiq'uix a te bila la yilixe, soc ma'yuc mach'a ya yal te tiq'uix a te bila la yaiy stojole.

Bible in Tzeltal Bachajón

⁸ Ta spisil ya yac' luhbel, c'ax hich a te ya xhu' yalbel te winique. Ma xluhb te sitil ta yilel, soc ma xluhb chiquinil ta ya'iyel.

Eclesiastés 1:8 Referans Kwoze

Proverbios 27:20

Te lajel, te muquenal, soc te sbic'tal co'tantic, mero ma'yuc bi ora te tic' ya yaiy a te bila ay ta swentae.

San Mateo 11:28

La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

San Mateo 5:6

“Bin nax me yutsil te mach'atic ayic ta wi'nal soc te taquin yo'tanic yu'un te bila toj ta pasele, te melel ya me xnojesbot ta yo'tanic te bila leque.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

Eclesiastés 2:11

Jajch'on ta stsajtayel quil te bitic jpasoje, soc ta spisil te cat'el ay jwocol ta spasele, c'ot ta co'tan te mero tojol ta jyalel, te ja' pajal soc te yacuc jtsactic te iq'ue, soc te ma'yuc bi ya cu'unintic ta balumilale.

Salmos 63:5

Mero bayal me yutsil co'tan ya xjilon, jich bit'il mach'a la yaiybey sbujts' we'elil ta tsoblej te buen bujts'ane. Bayal me yutsil q'uinal ya caiy a, ya calbat yutsil ac'oplal yu'un.

Eclesiastés 1:7

Te muc'ja'etic, spisilic ya xbajt'ic ta mar, pero te mar, ma'yuc bi ora ya xnoj stuquel. Te muc'ja'etic, ya xcha'sujt'ic xan ta bay jajch'em tel, yu'un ya xcha'sujt'ic bael ta mar, jich ayic ta beel spisil ora.

Hageo 1:9

“Te ja'exe bayal bila ya ac'an ya ataic, pero ma'yuc bayal ya ataic. Te bila ya aq'uej ta anaique, jo'on la jch'ojbeyex c'axel, jichuc ic' te ya x'eanot bael yu'un te sulile. Pero ¿bi yu'un? Melel ja' yu'un te jinem te jnae. Yan te ja'exe ja' nax bayal sc'oplal ta awo'tanic ta spasel te anaique. Jo'on Ajwalilon te jich ya cale.

Eclesiastés 6:7

Te ants-winique puro at'el nax ay yu'un ya sta swe'el, pero ma'yuc bi ora ya xnoj xch'ujt' yu'un.