Eclesiastés 1:13 - Bible in Tzeltal de Oxchuc y Tenejapa

¹³ Soc sp'ijil co'tan la cat'elin yilel soc snopel spisil te bitic ya yich' pasel ta balumilal. Ja' jich ay te bit'il Dios yac'ojbey yijc'ats te winiquetic, swenta yu'un ya yac' bic'tajuc ta stojol.

Bible in Tzeltal Bachajón

¹³ La jca'telin yilel soc slehel ta scuenta p'ijil-o'tanil spisil bin ya yich' pasel ta ye'tal ch'ulchan. Ha tulan a'tel a'bot yu'un Dios te yal-snich'nab ants-winiquetic scuenta yu'un ya x'a'tejic a.

Eclesiastés 1:13 Referans Kwoze

Eclesiastés 3:10

La jna'ix te ijc'atsil ya x'ac'bot scuch yu'un te Diose, swenta yu'un ya yac' bic'tajuc a.

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

1 Timoteo 4:15

Nopilaya me ta awo'tan spisil in to te la calbatixe; jc'axel me x'awac' awo'tan tey a, swenta yu'un jich me ya yilic spisilic te bit'il lec yac ta ju'el awu'un te awat'ele.

Eclesiastés 12:12

Te bi ya jtatic ta swentaique, ja' te ya yal caiytic te ya sc'an ya jtsajtay jbajtique. Te spasel tsobol libroetic ma'yuc slajibal; te bayal bi ya jnoptique ya xlubotic yu'un.

Eclesiastés 7:25

Och cat'elin sleel ta sna'el, ochon ta snopel, ta sleel bi p'ijil c'op ya jta xan. C'ot ta co'tan te mero ma lecuc te bol-o'tanile, soc te jowil jol te mero amen ya cac' jbajtique.

Eclesiastés 8:9

Spisil la quil te c'alal mero la cac' co'tan ta sna'el te bitic yac ta pasel ta balumilale, soc la quil te ay yip te winic ta yuts'inel te sjoy ta winiquile.

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

Eclesiastés 2:23

Te jayeb c'aal cuxule, c'ux obol sba, ay swocol yu'un yijc'ats c'oem. Ni ja'uc ya xcux yo'tan a te sjol ta ajc'ubale. Pero mero tojol ta jyalel.

Proverbios 23:26

Jnich'an, ac'a asit ta jtojol, ja' me xanopbon te bila ya jpas ya awile.

Proverbios 18:15

Te mach'atic ay sp'ijil yo'tanic soc te mach'atic ay sp'ijil sjolique, ya staic te p'ijil c'op ya sleique.

Proverbios 18:1

Te mach'a t'ut'e, stuquel ya sle te bila ya sc'an yo'tane, ma xyich' ta muc' spisil te lequil tojtesele.

Proverbios 4:7

Ja'uc me tulan sc'oplal awu'un te ya awich' sp'ijil awo'tane; ich'a me te sp'ijil ajole, jich me ya ana' te bila toj ta pasele.

Salmos 111:2

Muq'uic ta jyalel te at'eliletic spasoj te Cajwaltic; te mach'atic bin nax yo'tanic yu'un, ya snopilayic bit'il c'oemic.

Job 28:3

Te winic la slajinbeyix sc'oplal te ijc' q'uinale: ya xco bael ta mero sc'ubulil yutil lum, tey ta ijc' q'uinal ya sle tonetic.

Eclesiastés 3:11

Te bi ora jich la sc'ane, spisil t'ujbil la spas. La yac'bey sna' ta yo'tan te ants-winiquetic te bitic swenta sbajt'el q'uinal, manchuc me ma xju' yu'unic sna'el te smuc'ul sjamalul te bila spasoj te Diose, soc te bitic ya to spas baele.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Eclesiastés 11:5

Jich te bit'il ma ba ya ana' banti ya xbajt' te iq'ue, soc jich te bit'il ma ba ya ana' bit'il ya xchajbaj ta xch'ujt' sme' te alale, ja' nix jich ma xju' awu'un sna'el te bila ya spas te Diose, ja' te mach'a la spas spisil te bitic aye.

Proverbios 25:2

Ja' yutsilal Dios te ay ta yo'tan te bitic muquen aye; soc ja' yutsilal te muc' ajwaliletic te ya sna'ic snopele.