Daniel 9:9 - Bible in Tzeltal de Oxchuc y Tenejapa

⁹ Pero Dios cu'untic, te ja'ate atalel ay xc'uxul awo'tan soc ay perdón ta awo'tan. Pero te jo'otic la jtoy jbajtic ta atojol.

Bible in Tzeltal Bachajón

⁹ Yu'un Jehová, te Dios cu'untic, te c'uxultaywanej soc te perdón, aunque jtoyoj jbahcotic ta stojol,

Daniel 9:9 Referans Kwoze

Daniel 9:7

Te ja'at Cajwal, toj awo'tan atuquel. Pero te judiootique yo'tic ya xtal q'uexlal ta co'tantic, jichic te mach'atic ayic ta Jerusalén soc ja' nix jichic te yantic israeletic, te c'ubul ayique soc te nopol ayique, te la ach'oj c'axel ta scaj te la stoy sbaic ta atojole.

Daniel 9:5

La jta jmultic ta atojol, la jpastic te bila amen ta pasel ta asite, la jpastic te bila ma lecuque. Ma'yuc sc'oplal c'ot cu'untic te mandaliletic awu'une; la jch'aytic jilel te mandaliletic awu'un soc te bila chapal awu'une.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

Salmos 130:7

jich me xamaliy te Cajwaltic, ja'ex lum Israel. Melel ay c'uxtayel yu'un, soc mero ya x'ac'awan ta libre stuquel.

Jeremías 14:7

La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

Salmos 130:4

Pero ya jtatic perdón ta atojol, swenta yu'un jich ya quich'ticat ta muc'.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Isaías 63:7

Ya jc'an ya cal te xc'uxul yo'tan te Cajwaltique; ya jc'ajintay te yutsilale ta swenta spisil bitic spasoj ta jtojoltic. Ma p'isbiluc yutsil yo'tan ta stojol yal-snich'nab Israel; spasoj spisil ta swenta yutsil yo'tan soc te smuc'ul xc'uxul yo'tane.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

Ezequiel 20:13

Pero la stoy sbaic ta jtojol ta jochol taquin q'uinal, ma ba la xch'uunbonic te mandaliletic cu'une. La xch'ayic te mandaliletic la cac'bey yu'un ya sta xcuxlejal sc'oplal a te mach'a ya xch'uun spasele. Jc'axel la sboltesbon te sc'aalelal cux-o'tan cu'une. Ja' yu'un te jo'on la jnop ta co'tan te ya jt'omes bael ta stojolic te quilimbae, c'an jlajin ta jc'axel tey ta jochol taquin q'uinale.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

Nehemías 9:31

Ja'uc me to, ta swenta te xc'uxul awo'tane, ma ba jc'axel la alajin, soc ma ba la apijt'es; melel ja'at, Diosat te mero bayal te yutsil awo'tan soc te xc'uxul awo'tane.

1 Reyes 8:30

Aiybon te ya xc'opojon ta atojol, soc aiybeya sc'op te lum Israel awu'une, te c'alal ya jc'oponat ta templo in to. Aiybon awaiy jc'op c'alal ta ch'ulchan te banti nainemate, pasbotic me te perdone.

Daniel 9:6

Ma'yuc ta wenta c'ot cu'untic te abatetic awu'un, ja' te j'alwanejetic awu'une, ja'ic te c'opojic ta awenta ta stojolic te muc' ajwaliletic, te jwentainwanejetic, te antiguo jts'umbaltic, soc ta spisil te lum Israele.

Daniel 9:8

Cajwal, jo'otic, soc ja'ic nix te muc' ajwaliletic, te jwentainwanejetic, soc te antiguo jts'umbaltic, ya xtal q'uexlal ta jtojoltic, yu'un te la jta jmultic ta atojole.

2 Samuel 24:14

Te David la sutbey sc'op te Gad: —Mero tenbilon ya caiy. Yo'tic, ja' lec teme ja' ya x'ochotic ta sc'ab te Cajwaltic, te bit'il mero bayal ya sna' yo'bolil jbajtic stuquele, ma ja'uc ya x'ochotic ta sc'ab te winiquetique —xi'.