Daniel 9:8 - Bible in Tzeltal de Oxchuc y Tenejapa

⁸ Cajwal, jo'otic, soc ja'ic nix te muc' ajwaliletic, te jwentainwanejetic, soc te antiguo jts'umbaltic, ya xtal q'uexlal ta jtojoltic, yu'un te la jta jmultic ta atojole.

Bible in Tzeltal Bachajón

⁸ Jehová, ha cu'uncotic te q'uexlal soc yu'un te ajwaliletic soc príncipaletic cu'uncotic soc te jme'jtatcotic, yu'un la jta jmulcotic ta atojol.

Daniel 9:8 Referans Kwoze

Lamentaciones 3:42

“La jletic jmultic soc la jtoy jbatic ta atojole, ma la apasbotic perdón yu'un”, xootic me.

Lamentaciones 1:18

Te Cajwaltic stojil la spas, melel la jtoy jba ta stojol te mandaliletic yu'une. Aiya awaiy ta apisilic, lumetic; ila awilic te jwocole. Te queremetic ach'ixetic cu'une, ic'otic bael ta mosoil.

Jeremías 14:20

Cajwal, ya jna'tiquix te bila amen jpasojtique soc te smul te antiguo me'il-tatiletic cu'untique; jtaoj jmultic ta atojol te ja'ate.

Lamentaciones 5:16

Ch'ay coel ta joltic te corona; ¡obol nax jbatic te jtaoj jmultique!

Jeremías 32:32

ta swenta spisil smulic staojic ta jtojol, ta scaj sbolil yat'elic te lum Israel soc te lum ta Judá. Jich nix te muc' ajwaliletic, te jtsobwanejetic, te sacerdoteetic, te j'alwanejetic yu'unique, soc spisil te ants-winiquetic Judá soc Jerusalén.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

Daniel 9:9

Pero Dios cu'untic, te ja'ate atalel ay xc'uxul awo'tan soc ay perdón ta awo'tan. Pero te jo'otic la jtoy jbajtic ta atojol.

2 Reyes 21:15

Melel mero amen ta jsit te yat'elique. Ja' to nix te c'alal loq'uic tel ta Egipto te antiguo sme'-statique, c'alal ora yacalic ta yaq'uel ilinuc co'tan yu'unic —xi' te Cajwaltique.

2 Crónicas 6:37

teme ya xc'otic ta lum te bay bajt'ic ta chuquel, teme ya sujt'es yo'tanic ta atojol tey a, te ya yalbat wocol te ya sna' stojol te staoj smulic te spasoj te bitic amene,

Nehemías 1:6

yo'tic ya calbat wocol te yacuc awich'bon ta wenta te jc'op te yacon ta yalel ta atojol ta c'aal ta ajc'ubal, ta swenta sna'beyel yo'bolil sbaic te abatetic awu'une, ja' te israeletique. Ya jna' ta lec te jtaoj jmultic ta atojol te jo'otic te israelotique. Asta te mach'atic ay cu'un soc te jo'one, jtaoj jmultic ta atojol.

Isaías 64:4

Ma'yuc bay aiybil stojol, ni ma'yuc bay ilbil te ay yan Dios te bit'ilate, soc te ay bitic jchajp ya spas a ta swenta xc'uxtayel te mach'atic ya smuc'ulin yo'tane.

Jeremías 7:19

Ja'uc me to, c'ax to xan ya sbolc'optayonic a, soc ja' nix jich ya sbolc'optay sbaic a ta swenta xq'uexlalic. Jo'on Ajwalilon te jich ya cale.

Ezequiel 5:6

Pero te yajwal la stoy sbaic, ma ba la xch'uunic spisil te mandaliletic cu'une, c'axem jich amenic a te bit'il te yantic lumetic ayic ta sjoyobale, melel la sp'ajic spisil te mandaliletic cu'une, soc ma la xch'uunbonic spasel.