Daniel 9:7 - Bible in Tzeltal de Oxchuc y Tenejapa

⁷ Te ja'at Cajwal, toj awo'tan atuquel. Pero te judiootique yo'tic ya xtal q'uexlal ta co'tantic, jichic te mach'atic ayic ta Jerusalén soc ja' nix jichic te yantic israeletic, te c'ubul ayique soc te nopol ayique, te la ach'oj c'axel ta scaj te la stoy sbaic ta atojole.

Bible in Tzeltal Bachajón

⁷ Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.

Daniel 9:7 Referans Kwoze

Daniel 9:14

Ja' yu'un Cajwal, la achajban te bila amene, la awac' tel ta jtojoltic. Melel te ja'at Cajwal, Dios cu'untic, stojil ay stuquel spisil te bitic ya apase, pero jo'otic ma ba la jc'an caiytic te amandale.

Daniel 9:8

Cajwal, jo'otic, soc ja'ic nix te muc' ajwaliletic, te jwentainwanejetic, soc te antiguo jts'umbaltic, ya xtal q'uexlal ta jtojoltic, yu'un te la jta jmultic ta atojole.

Jeremías 3:25

Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.

Salmos 44:15

Spisil ora peq'uelotic ta stojolic; ya jmac jsit-quelawtic yu'un q'uexlal ya caiytic.

Deuteronomio 4:27

Te Cajwaltic ya me spuquex bael ta yantic nacionetic, ma me ayuquix bayal cuxul ya xjilex.

Romanos 6:21

Ja'uc me to, ¿bila loc' awu'unic a? Melel ja' nax la yaq'uex ta q'uexlal, melel ta slajibal te bitic ya apasique, ja' nax ya yaq'uex ta lajel.

Amós 9:9

Ya me cal mandal te ya yich' chijch'anel sts'umbal Israel, jich bit'il ya yich' chijch'anel trigo ta bay sloq'uesjibal, xujt' ma ba ya xch'ay jp'ijuc ta lum.

Ezequiel 36:31

Te c'alal ya ana'ic te amen atalelic, soc te bi yilel te amen awat'elic, ja'ex ni me ya xq'uexawex yu'un, ja' yu'un te amulic soc te amen awat'elique.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

Jeremías 24:9

Ya me cac' te ya x'ac'bot xiwel yu'un spisil nacionetic ta balumilal; soc ja'ic me sp'ijubtesjibal te nacionetic te bit'il ay te pejc'anel, te ilayel soc te bit'il ya xbolob sc'oplalique. Seña me ya xc'otic ta stojol te nacionetic te bay ya jpuc baele.

Jeremías 12:1

Cajwal, teme ay bila ya xjajch' calbate, ja' smelelil ya awalbon atuquel. Ja'uc me to, ay nix bila ya jc'an jojc'obat a ta swenta in bitic to: ¿Bi yu'un lec ayic te mach'atic amenique? ¿Bi yu'un jun nax yo'tanic ta cuxinel te ay bila muquen ya xchapique?

Isaías 45:16

Spisilic te mach'atic ya spasic loc'ombaetic ya me xq'uexawic yu'un; peq'uel me ya xjilic soc ma'yuc sc'oplalic ya xc'otic.

Isaías 11:11

Te c'alal ya sta yoraile, te Cajwaltic ya me yac' ta ilel yan buelta te yu'ele: Ya me stsob xan te mach'atic yu'un te cuxulic to, ya me yic' sujt'el te ayic ta Asiria soc ta Egipto, ta Patros, Etiopía, Elam, Sinar, Hamat soc ta lumetic ta ti'ti'mar.

Salmos 119:137

Cajwal, tojat atuquel, soc toj ayic te bila chapal awu'une.

Salmos 51:14

Dios cu'un, ac'awon ta libre yu'un te la caiy milaw, melel Diosat te Jcoltaywanejat cu'une; ya me jpucbat ac'oplal ta c'ayojetic te toj awo'tan atuquele.

Salmos 51:4

Ja'at nax te jtaoj jmul ta atojole, ja'at nax atuquel, melel jo'on la jpas te bila amen, te ya awac' castigo yu'une. Ja' yu'un te castigo ya awac'bone, stojil ay stuquel, ma'yuc ta ch'ayel te bila chapal awu'un atuquele.

Nehemías 9:33

Pero te ja'ate, mero ma'yuc amul ta spisil te bitic la awac' c'otuc ta jtojoltique. Melel te ja'ate, jun awo'tan ta jtojoltic, yan te jo'otique yacalotic ta spasel te bitic amene.

Esdras 9:13

“C'axix cu'untic spisil te bitic c'ot ta jwentatic ta scaj te amen cat'eltique, soc te mero tulan mulil cu'untique, manchuc me ma ba awac'ojbotic castigo te bit'il ya sc'an yu'un te jmultique, melel awac'ojotic ta libre in to.

Deuteronomio 32:4

Ja' Jcanantaywanej cu'untic, mero lec yat'el stuquel, mero toj spisil te bitic ya spase. Ja' Dios te jun yo'tan ta jtojoltic, ma'yuc lo'laywanej ta yo'tan; ¡mero stojil ya x'at'ej, mero lec stuquel!

Esdras 9:15

“Cajwal Dios yu'un Israel, mero toj awo'tan ta jtojoltic. Ja'at jich la sc'an awo'tan te jtsojp te jayeb xan jilemotic, jich bit'il chican ta ilel ta ora in to. Ta mero melel jo'otic te ay jmultic ta atojole. Ja' yu'un, ma snup'in te ya xtalotic ta atojole —xi' ta sc'oponel Dios te Esdrase.

Jeremías 23:6

Ta yorail te ay ta at'el ta muc' ajwalile, te Judá ya me xcol; jich nix te Israel, jun nax me yo'tan ta q'uinal. Ja' me sbiil ya awalbeyic in to: “Cajwaltic te toj ya yaiy tsalaw cu'untique” xaex me ta yalel —xi'.

Jeremías 33:16

Te bi yorail ya cale, te Judá ya me xcol soc Jerusalén, jun nax me yo'tan ya xcuxinic. Ja' me sbiil ya awalbeyic: “Cajwaltic te toj ya yaiy tsalaw cu'untique”, xi' me.

Ezequiel 6:12

Te mach'atic c'ubul ayique ya me xlajic yu'un bayal chamel; te mach'atic nopol ayique ya me xlajic ta guerra; te mach'atic cuxulic ya xjile, ya me xlajic yu'un wi'nal. Jich me ya xlaj yip te quilimba ta stojolique.

Daniel 9:18

Ich'bon ta wenta te jc'ope, Dios cu'un, aiybon awaiy te jc'ope. Ac'a asit ta yilel te bitic jinem cu'untique, soc te lum te banti ya yich' alel wocol ta atojole. Ma yu'unuc lec cat'eltic te ya caltic wocol ta atojole; ja' nax smuc'ulinej co'tantic te smuc'ul xc'uxul awo'tan te ja'ate.

Jeremías 4:17

Ya sjoytayic Judá, jich bit'il mach'atic ya scanantayic te c'altique, scaj te la stoy sba ta stojol te Cajwaltique”, xi' me. Jo'on Ajwalilon te jich ya cale.

Jeremías 7:19

Ja'uc me to, c'ax to xan ya sbolc'optayonic a, soc ja' nix jich ya sbolc'optay sbaic a ta swenta xq'uexlalic. Jo'on Ajwalilon te jich ya cale.

Jeremías 32:32

ta swenta spisil smulic staojic ta jtojol, ta scaj sbolil yat'elic te lum Israel soc te lum ta Judá. Jich nix te muc' ajwaliletic, te jtsobwanejetic, te sacerdoteetic, te j'alwanejetic yu'unique, soc spisil te ants-winiquetic Judá soc Jerusalén.

Ezequiel 5:10

Ta awolil ay me ya sti' yal-snich'anic te me'il-tatiletique, soc ay me alnich'anetic ya sti'ic te sme'-statique. Ya me cac' c'otuc ta pasel ta atojol te castigo. Te mach'atic cuxulic ya xjile, ya me jpuc bael ta xchanxujc'ul balumilal.