Daniel 9:6 - Bible in Tzeltal de Oxchuc y Tenejapa

⁶ Ma'yuc ta wenta c'ot cu'untic te abatetic awu'un, ja' te j'alwanejetic awu'une, ja'ic te c'opojic ta awenta ta stojolic te muc' ajwaliletic, te jwentainwanejetic, te antiguo jts'umbaltic, soc ta spisil te lum Israele.

Bible in Tzeltal Bachajón

⁶ Ma ba la jquich'cotic ta cuenta te jalwanejetic te a'batetic awu'un te c'opojic ta scuenta abihil ta stojol te ajwaliletic, te príncipaletic, jme'jtatcotic soc spisil te pueblo yu'un te q'uinale.

Daniel 9:6 Referans Kwoze

Daniel 9:10

Cajwal Dios cu'untic, la caiytic te ac'ope, pero ma ba la jch'uuntic te nopjibal awu'une, ja' te la awac'botic ta swenta te j'alwanejetic te ayic ta abatinel awu'un.

Nehemías 9:34

Ni ja'uc te muc' ajwaliletic cu'untic, te jwolwanejetic, te sacerdoteetic, ni ja'uquic te antiguo jme'-jtatic c'ot ta pasel yu'unic te mandaliletic awu'une, soc ni ja'uc ay sc'oplal c'ot yu'unic te tojtesel awu'une.

Esdras 9:7

Nameyix soc c'alal ora ayotic ta mero tulan mulil. Ta scaj te bila amen la jpastique, soc nix te muc' ajwaliletic soc sacerdoteetic cu'untique, ta jpisiltic ochotic ta sc'ab muc' ajwaliletic ta yantic nacionetic. La quich'tic ejch'entesel, la quijq'uitay jlumaltic, elc'anot jbiluctic soc la quich'tic ilayel, soc jich nix ayotic c'alal ora in to.

Hechos 13:27

Melel te mach'atic ayic ta lum Jerusalén soc te jwolwanejetic yu'unique, ma la sna'ic teme ja' Jcoltaywanej cu'untic te Jesuse, soc ma ba c'oem ta yo'tanic te bila yalojic te j'alwanejetic yu'un te Diose, te ya yich' alel ta sinagogaetic ta jujun sc'aalelal te cux-o'tane. Jich c'ot ta pasel ta swentaic te la yaq'uic ta lajel te Jesuse.

San Mateo 23:37

“¡Jerusalén, Jerusalén! Ya amilic te j'alwanejetic yu'un te Diose, soc ya ach'ojic ta ton te mach'atic ticunbilic ta c'op ta atojolique. Bayal buelta te c'an jtsobeyex te awal-anich'anique jich bit'il ya stsob yalatac ta yanil xic' te me'mute, ja'uc me to, ma la ac'anic.

Jeremías 44:16

—Ma xquich'tic ta muc' te c'op la awich'botic tel ta swenta te Cajwaltique.

Jeremías 29:19

Melel ma la yich'bonic ta muc' te sjultesjibal yo'tanic cu'un ta swenta te abatetic te j'alwanejetic cu'une, te la jticun bayal bueltae, ni ma la yaiybeyic stojol sc'op. Jo'on Ajwalilon, jich ya cal.

Jeremías 26:5

teme mero ma x'awich'ic ta muc' te sjultesjibal awo'tanic yu'un te j'alwanejetic te abatetic cu'une, te bayal buelta la jticun tel, te la ac'axintaybeyic te sc'ope,

Jeremías 7:13

Manchuc me ay la jultesbeyexix awo'tan asta cheb oxeb buelta te bit'il ay te awat'ele, te ja'ex ma x'ac'an ach'uunbonic jmandal, ma'yuc bay ajac'ojbonic jc'op. Jo'on Ajwalilon jich ya cal.

Nehemías 9:32

“Ja' yu'un yo'tic, Dios cu'untic, muc' Dios te spisil ya xju' awu'une, soc te ayat ta xi'ele, te cuxul awu'un te c'op chapal awu'un ta jtojoltique, soc te smuc'ul xc'uxul awo'tane, ayuc me sc'oplal ta awo'tan spisil te woclajel c'otix ta pasel ta stojol te muc' ajwaliletic cu'untic, te jwolwanejetic, sacerdoteetic, j'alwanejetic, soc te antiguo jme'-jtatic, soc ta spisil te yajwal lume, ja' to ta yorail te muc' ajwalil ta Asiria, c'alal ta ora in to.

2 Crónicas 33:10

Te Cajwaltic la sc'opon te Manasés soc te lum yu'une, pero ma la yich'bey ta muc'.

2 Reyes 18:12

Jich c'ot ta pasel melel ja'ic nix ma ba la xch'uunbeyic te smandal te Cajwaltic te Dios yu'unique. Yu'un la xc'axintaybeyic te bi c'opil chapal ta stojolic yu'une, soc ma ba la yich'beyic ta wenta spisil te bi la yal ta pasaw ta mandal ta stojolic te Moisés yabat te Cajwaltique, soc ma ba la spasic.

Daniel 9:9

Pero Dios cu'untic, te ja'ate atalel ay xc'uxul awo'tan soc ay perdón ta awo'tan. Pero te jo'otic la jtoy jbajtic ta atojol.

Nehemías 9:30

Bayal ja'wil la amaliy, soc la aticunbey ta alel ta swenta espíritu awu'un, soc ta swenta te j'alwanejetic awu'une. Pero ma ba la yich'ic ta muc'. Ja' yu'un la awac'bey ta sc'ab nacionetic ta spamal te lumq'uinale.

Jeremías 7:24

Ja'uc me to, ma la xch'uunbonic, ni ma la yich'bonic ta muc'; q'uejel la yac' sbaic ta nitel bael yu'un te stoybail yo'tanique. Sc'oplal te sujt'ic tel ta jtojole; ja'uc me to, ja' la yac'bonic tel te spatique.