Daniel 9:5 - Bible in Tzeltal de Oxchuc y Tenejapa

⁵ La jta jmultic ta atojol, la jpastic te bila amen ta pasel ta asite, la jpastic te bila ma lecuque. Ma'yuc sc'oplal c'ot cu'untic te mandaliletic awu'une; la jch'aytic jilel te mandaliletic awu'un soc te bila chapal awu'une.

Bible in Tzeltal Bachajón

⁵ La jta jmulcotic, la jpascotic te bintic chopol, la jpascotic te bin ma lecuc, la jtoy jbahcotic soc la jquihquitaycotic hilel te mandariletic awu'un soc te bin awaloj ta mandar.

Daniel 9:5 Referans Kwoze

Malaquías 3:7

Ja'uc me to, jowejemex, ma ja'uc at'unojic te mandaliletic cu'un. Jichex te bit'il jowejic te antiguo ame'-atatique, jich ma x'ac'an ach'uunonic ta ora to. Jo'on te Ajwalilon te Spisil ya xju' cu'une ya calbeyex: Sujt'anic tel ta jtojol, jich ya sujt'on tel ta atojolic te ja'exe. Ja'uc me to, ya awalic: “¿Bi ya sc'an ya jpastic te ya sujt'otic bael ta atojol ya awale?” xaex.

Daniel 9:11

Ta spisil Israel la xc'axintaybat te nopjibal awu'une, soc ma ba la sc'an la xch'uunbat te amandale. Ja' yu'un julem castigo ta jtojoltic, ja' te jc'axel albil sc'oplal ta mandaliletic te la yal te Moisés, ja' te abat awu'une. Jich c'ot, melel ja' yu'un te la jta jmultic ta atojole.

Daniel 9:15

“Cajwal Dios cu'untic, la awac' ta ilel smuc'ul awu'el te c'alal la awic' loq'uel ta Egipto te lum awu'une. Jich la awac' chicnajuc ta alel yutsil ac'oplal ja' to c'alal ta ora to. Pero te jo'otic la jta jmultic, la jpastic te bila amene.

Salmos 106:6

Pajal jtaojtic jmultic ta atojol, jich nix bit'il te antiguo jme'-jtatique; jowejemotic, la jpastic te bila ma lecuque.

Hebreos 3:12

Quermanotac, tsajtaya me abaic, ma me ayuc jtuluquex te ma junuc awo'tanic ta stojol te cuxul Diose, te jich ya awijq'uitayic jilel soc te ma x'ac'an ach'uunique.

Oseas 1:2

Jich jajch' yal te Cajwaltic ta stojol Oseas: —Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.

Ezequiel 6:9

Te mach'atic colic jilel ta lajele, ya me sna'onic te c'alal pujq'uemic ta nacionetique. Ya me xtal ta yo'tanic te bit'il la cac'bey swocolic ta scaj te ma junuc yo'tanic ta jtojole, soc ta scaj te la yijq'uitayon ta yo'tanique, te jajch' xch'uunic te lotil diosetique. Ja'ic ni me ya xjajch' yilayic ta patil te amen yat'elic la spasique, soc ta spisil te bitic ilaybil sba la spasique.

Lamentaciones 1:20

Cajwal, ilawilon, bayal ya jmel co'tan; ya smilbon ya caiy te co'tane. Te xc'uxule ya stenbon co'tan te c'alal ya jna' xan te toybail la jpase. Tey ta amac' ya smilbon jnich'nab te puñale, soc ta yutil ay lajel.

Jeremías 14:7

La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

Salmos 18:21

Melel ja' jt'unojbey sbe te Cajwaltic; ma'yuc bi ora la jle jmul ta stojol te Dios cu'une.

Jeremías 3:25

Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.

Isaías 59:13

Jelawotic soc ma tojuc co'tantic ta stojol Cajwaltic; ma la jc'an jt'untic te Dios cu'untique. La jpastic uts'inwanej soc muquen xchajbanel controinwanej; la jchajbantic aiyej ta swenta slo'layel a te yantique.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Salmos 119:102

Ma'yuc bay ya jch'aybat te tojtesel chajbanbil awu'un, melel ja'at te la ap'ijubtesone.

Esdras 9:6

jich la cal: —Dios cu'un, Dios cu'un, mero bayal ya xtal q'uexlal ta co'tan ya caiy, soc ma xtojob ya caiy te co'tane, soc ma jna' bi ya cal ta atojol. Melel mero c'axemix ta jyalel te falta cu'untique, c'oemix c'alal ta ch'ulchan te mulile.

Salmos 119:176

Ch'ayemon jichuc jcojt' chij, la' me, leawon, yu'un ma ba ch'ayem ta co'tan te mandaliletic awu'une.

Jeremías 44:3

ta scaj te bila amen la spasique. La yac' ilinucon yu'un te la xch'uunic lotil diosetic soc la yac'beyic pom; te lotil diosetique, ni ja'ic, ni ja'ex, ni te antiguo ame'-atatique, ma'yuc ta awo'tanic ta neelal to.

Lamentaciones 1:18

Te Cajwaltic stojil la spas, melel la jtoy jba ta stojol te mandaliletic yu'une. Aiya awaiy ta apisilic, lumetic; ila awilic te jwocole. Te queremetic ach'ixetic cu'une, ic'otic bael ta mosoil.

Lamentaciones 3:42

“La jletic jmultic soc la jtoy jbatic ta atojole, ma la apasbotic perdón yu'un”, xootic me.

Daniel 9:9

Pero Dios cu'untic, te ja'ate atalel ay xc'uxul awo'tan soc ay perdón ta awo'tan. Pero te jo'otic la jtoy jbajtic ta atojol.

2 Reyes 18:12

Jich c'ot ta pasel melel ja'ic nix ma ba la xch'uunbeyic te smandal te Cajwaltic te Dios yu'unique. Yu'un la xc'axintaybeyic te bi c'opil chapal ta stojolic yu'une, soc ma ba la yich'beyic ta wenta spisil te bi la yal ta pasaw ta mandal ta stojolic te Moisés yabat te Cajwaltique, soc ma ba la spasic.

2 Reyes 21:15

Melel mero amen ta jsit te yat'elique. Ja' to nix te c'alal loq'uic tel ta Egipto te antiguo sme'-statique, c'alal ora yacalic ta yaq'uel ilinuc co'tan yu'unic —xi' te Cajwaltique.

Isaías 64:4

Ma'yuc bay aiybil stojol, ni ma'yuc bay ilbil te ay yan Dios te bit'ilate, soc te ay bitic jchajp ya spas a ta swenta xc'uxtayel te mach'atic ya smuc'ulin yo'tane.

Jeremías 14:20

Cajwal, ya jna'tiquix te bila amen jpasojtique soc te smul te antiguo me'il-tatiletic cu'untique; jtaoj jmultic ta atojol te ja'ate.

Jeremías 30:14

Spisil te mach'atic yantsinejat c'oeme, ch'ayat meix ta yo'tanic, ma me xc'opojix yo'tanic ta atojol. Yu'un jo'on la quejch'entesat, jich c'oemon bit'il acontro. Tulan la cac'bat castigo ta scaj bayal te bila amen apasoj, ta scaj te ma x'ajtabaj te amule.

Ezequiel 5:6

Pero te yajwal la stoy sbaic, ma ba la xch'uunic spisil te mandaliletic cu'une, c'axem jich amenic a te bit'il te yantic lumetic ayic ta sjoyobale, melel la sp'ajic spisil te mandaliletic cu'une, soc ma la xch'uunbonic spasel.