Daniel 9:2 - Bible in Tzeltal de Oxchuc y Tenejapa

² Ta sbabial ja'wil yich'bel yat'el ta mandalteswanej a, jo'on Danielon yacon ta snopel te sjun j'alwanej yu'un Dios te Jeremías sbiile, te banti ay sc'oplal te lajuneb xchanwinic (70) ja'wil ya xc'ax a, te ya sts'acaj te jayeb c'aal jinem te Jerusalén, jich nix te bit'il albot yu'un Cajwaltic te j'alwaneje.

Bible in Tzeltal Bachajón

² ta shahchibal ha'bil yochel ta ajwalil a, ho'on Daniel, la jquil ta hunetic te bin halbot yu'un Jehová te Jeremías te jayeb ha'bil te ya xhalaj te jinel yu'un Jerusalén, ha lajuneb schanwinic (70) ha'bil.

Daniel 9:2 Referans Kwoze

Jeremías 29:10

“Soc jich ya yal te Cajwaltique: ‘C'alal ya sts'aquej lajuneb xchanwinic (70) ja'wil, ya xjajch'on ta at'el ta ac'uxtayelic te ja'exe, soc ya me jc'otes ta pasel te bila caloj ta jamal te ya jc'uxtayex soc te ya jsujt'esex tele.

2 Crónicas 36:21

swenta yu'un ya me xc'ot ta pasel te bila yaloj Dios ta swenta j'alwanej Jeremías. Jich yu'un te slum-sq'uinalique bin nax yo'tan c'oem, yu'un te la xcux yo'tan, melel xcuxoj bael yo'tan ta spisil te jayeb c'aal jineme, ja' to c'alal c'ax te lajuneb xchanwinic (70) ja'wile.

Apocalipsis 1:3

Bin nax me yutsil te mach'a ya sc'opon in jun to, soc te mach'a ya yaiybey stojol te sc'op te j'alwaneje, soc te ya yac' ta yo'tan te bila ts'ibubile, te melel nopol te ya xc'otix ta pasel.

Zacarías 7:5

—Albeya spisil te winiquetic ta spamal te lumq'uinal, soc nix te sacerdoteetique: “Te ja'exe ya acom awe'elic swenta seña mel-o'tan ta yo'ebal u soc ta sjuquebal u, te ayix ta lajuneb xchanwinic (70) ja'wile. Pero ma ba ya apasic ta swenta quich'el ta muc' jo'on;

Esdras 1:1

Ja' in to ja' sc'oplal te bila c'ot ta pasel ta sbabial ja'wil yochel ta muc' ajwalil yu'un Persia a te Ciro. Jich c'ot ta pasel a te bila yaloj Cajwaltic ta swenta te Jeremías. Te Cajwaltic la stijbey yo'tan te Ciro te yacuc yal mandal ta stojol te israeletique. La yich' puquel ta alel sc'oplal soc ta ts'ibubil junetic ta spamal q'uinal te banti c'alal swentaineje. Jich ay te smandale:

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Jeremías 27:7

Spisil te nacionetic ya me yac' sbaic ta abatinel yu'un, soc ta stojol te snich'an, soc nix ta stojol te smame, ja' to me c'alal ya xc'ot sc'aalelal ya x'och ta c'abal yu'un niwactic nacionetic soc tulanil ajwaliletic uuc.

Jeremías 25:18

La cac'bey yuch' te Jerusalén, te lumetic yu'un Judá, te muc' ajwaliletic yu'une, soc te jtsobwanejetique, ta swenta sjinelic soc te ya xc'atp'ujic jilel ta jinem ts'ajq'uetic te ya yac' xiwel soc nijq'uel. Ja' me seña te boloben sc'oplalic asta ora to.

Jeremías 7:34

Ya cac' ch'ayuc ta jc'axel te c'ayojetic yu'un q'uin soc sbujts-o'tanil, soc te c'ayojetic yu'un nujbinel, ta lumetic ta sq'uinal Judá soc ta calleetic ta Jerusalén. Spamal te lum ya xc'atp'uj jilel ta jochol taquin q'uinal —xi' te Cajwaltique.

Isaías 64:10

Te ch'ul lumetic awu'une, c'atp'ujiquix ta jochol taquin q'uinal; te lum Jerusalén jc'axel bolobix, jinbilix ta jyalel.

1 Timoteo 4:13

Te jich xan yipal c'aal te ma xtalone, at'elina me yilel yaiyic te Sjun Dios ta stojol te lume. Aiya me tac'uwanej soc p'ijubteswanej ta stojolic.

Hechos 8:34

Te eunucoe la sjojc'obey te Felipee: —Wocoluc albon caiy te mach'a sc'oplal in to, te la yal te j'alwaneje. ¿Ja' bal sc'oplal la yal stuquel, o yan bal a te mach'a la yalbey sc'oplale? —xi'.

San Marcos 13:14

“Te j'alwanej yu'un Dios te Daniel sbiile la yalbey jilel sc'oplal te jinwanej te ya sboltes te ch'ul awilale. (Te mach'a ya yil te bila ts'ibubil li'to, ac'a me sna' stojol.) Te c'alal ya awilic te ochemix tey a te banti ma ja'uc yawile, ac'a me anuquic bael ta witstiquil te mach'atic ayic ta sq'uinal Judea.

San Mateo 24:15

“Te j'alwanej yu'un Dios te Daniel sbiile, la yalbey jilel sc'oplal te jinwanej te ya sboltes te ch'ul awilale. (Te mach'a ya yil te bila ts'ibubil li'to, ac'a me sna' stojol.) Te c'alal ya awilic te ya xc'ot ta pasel te bila la yale,

Lamentaciones 1:1

Mero stuquel xanix jilem te lum te nojel yu'un ants-winiquetic ta sbabial. Pajalix yilel soc me'ba ants, te c'ax muc' ta neelal yu'un te yantic lumetique. Sujbilix ta spasel tulanil at'el te antsil ajwalil te cajal yutsilal ta sbabial.

Jeremías 26:6

ja' yu'un jich me ya jpasbey te templo te bit'il la jpasbey te templo ta Silo. Ja' in lum to te boloben sc'oplale, ja' seña ya xc'ot cu'un ta stojol spisil nacionetic ta balumilal, uta me —xi'.

Salmos 119:24

Bin nax co'tan yu'un te mandaliletic awu'un, melel ja' te ya stojtesone.

Jeremías 26:18

—C'alal ay ta q'uinal te Ezequías te muc' ajwalil yu'un te Judá, te Miqueas te talem ta Moreset c'opoj ta swenta te Cajwaltic ta stojol spisil te lum Judá, jich la yal: “Jich la yal te Cajwaltic te Spisil ya xju' yu'une: ‘Te Sión ya xc'atp'uj jilel ta jinem q'uinal, te Jerusalén busulbus ya xjil te sts'ajc'ule, te switsul templo ya xnoj ta pimil q'uinal’, xi' me”, xi' ta yalel.

Jeremías 1:1

Ja' te sc'op soc yat'el Jeremías, te snich'an Hilcías. Te Jeremías ja' sts'umbal te sacerdoteetic te nainic ta lum Anatot te ay ta sq'uinal sts'umbal Benjamín.

Daniel 9:3

La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.

Zacarías 1:12

Te ch'ul abat yu'un Cajwaltic, jich la yal: —Cajwal te Spisil ya xju' awu'une, ayix ta lajuneb xchanwinic (70) ja'wil te ilinemat ta stojol te Jerusalén soc te lumetic yu'un Judá. ¿Bi to ora soc bi to c'aalil te ya acha'na'bey xan yo'bolil sbaique? —xi'.

Ezequiel 29:11

Ma ba ya xc'ax ants-winiquetic, ni chambalamuc tey a. Cha'winic (40) ja'wil ma'yuc mach'a ya xju' ya xnain tey a.