Daniel 9:16 - Bible in Tzeltal de Oxchuc y Tenejapa

¹⁶ Cajwal, ya jna'tic te mero lec awo'tane. Wocoluc a, loq'uesaix ta Jerusalén te awilimba soc te sc'ajc'al awo'tane, melel ja' lum awu'un, soc ja' ch'ul wits awu'un. Ta spisil te yajwal yantic nacionetic te nopol ayotic soque, ya slabanic te Jerusalén, ja' te lum awu'une, ta scaj te jmultique, soc nix te smulic te antiguo jme'-jtatique.

Bible in Tzeltal Bachajón

¹⁶ Cajwal, hich te bin ut'il stojil spisil te bintic yac apas, loq'uesa awilimba soc te sc'ahc'al awo'tan ta stojol Jerusalén te pueblo awu'un, te ch'ul wits awu'une; como ta scaj jmulcotic soc schopolil te jme'jtatcotic te tse'laybil c'oht te Jerusalén soc te pueblo awu'un yu'un spisil mach'atic ayic ta joyobalcotic.

Daniel 9:16 Referans Kwoze

Zacarías 8:3

Ya me xcha'sujt'on xan bael ta nainel ta Jerusalén, tey me ya xnainon a. Ja' yu'un te Jerusalén, “Lum-Jun-Yo'tan”, xi' me sbiil ya xc'ot. Te wits yu'un Cajwaltic te Spisil ya xju' yu'une, “Ch'ul Wits” me sbiil ya xc'ot.

Joel 3:17

Jich ya yal te Cajwaltic: —Te ja'ex ya me ana'ic te Ajwalilon te Dioson awu'unique, nainemon ta Sión, ja' te ch'ul wits cu'une. Te Jerusalén ch'ul lum ya xc'ot; ma me ayuquix bi ora ya x'u'uninotix yu'un jyanlumetic.

Daniel 9:20

Yacon to ta sc'oponel Dios a, yacon ta yalel ta jamal te jmul, soc smul te jlumal Israel, soc yacon ta yalel wocol ta stojol te Cajwaltic te Dios cu'untic yu'un te ch'ul wits yu'une.

Salmos 31:1

Cajwal, ya jleat yu'un ya acanantayon; ma me xawac'on ta lo'layel. Coltayawon, melel toj awo'tan te ja'ate.

Salmos 79:4

Te mach'atic ayic ta sti'il te jq'uinaltic ya slabanotic yu'un; soc ya stse'luyotic te mach'atic ayic ta sjoyobale.

Salmos 71:2

Ac'awon ta libre, coltayawon, melel toj awo'tan te ja'ate. Aiybon a te jc'ope, la', coltayawon.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

1 Juan 1:9

Yan teme jamal ya caltic te jmultique, jna'ojtic stojol te jich ya spasbotic perdón te Diose, soc ya spocbotic loq'uel spisil ta jten te sbolil co'tantique. Yu'un toj yo'tan soc jun yo'tan stuquel te Diose.

2 Tesalonicenses 1:6

Melel te Diose, ja' stojil te ya yac'bey stoj ta woclajel te mach'atic ya scontroinexe.

Ezequiel 5:14

Jo'on me ya jinat, ya me jbusanat ta jinel, ja'at Jerusalén. Ya me cac' pejc'ajanic ta stojol te lumetic ayic ta ajoyobale, swenta yu'un ya yilic te mach'atic ya xc'axique.

Jeremías 32:32

ta swenta spisil smulic staojic ta jtojol, ta scaj sbolil yat'elic te lum Israel soc te lum ta Judá. Jich nix te muc' ajwaliletic, te jtsobwanejetic, te sacerdoteetic, te j'alwanejetic yu'unique, soc spisil te ants-winiquetic Judá soc Jerusalén.

Jeremías 29:18

Ya me yich' nutsel cu'un ta guerra, wi'nal, soc chamel. Ya me cac' te jchajp nax ya yaiyic yu'un te nacionetique. Ja' seña ya me xc'ot cu'un ta stojol te nacionetic te bila boloben sc'oplal soc te q'uexlaltic sbae. Jich me ya x'ac'botic nijq'uel soc xiwel spisil te nacionetic ta bay la jpuc baele.

Jeremías 24:9

Ya me cac' te ya x'ac'bot xiwel yu'un spisil nacionetic ta balumilal; soc ja'ic me sp'ijubtesjibal te nacionetic te bit'il ay te pejc'anel, te ilayel soc te bit'il ya xbolob sc'oplalique. Seña me ya xc'otic ta stojol te nacionetic te bay ya jpuc baele.

Salmos 143:1

Cajwal, aiybon awaiy stojol jc'op; aiybon awaiy stojol te ya calbat wocole. Jac'bon me te jc'ope, melel toj awo'tan atuquel soc jun awo'tan ta jtojol.

Salmos 41:13

Te Cajwaltic, te Dios yu'un Israel, jelawen yutsil sc'oplal ta ora to soc ta sbajt'el q'uinal. Jichuc.

Nehemías 9:8

La awil te ja'at smuc'ulinejat yo'tane, la achap ac'op soc, la awalbey te ya awac'bey sq'uinalin te sts'umbal te slum-sq'uinal cananeoetic, hititaetic, amorreoetic, ferezeoetic, jebuseoetic, soc te gergeseoetique. La awac' c'otuc ta pasel te bila la awale, melel puersa ya awac' c'otuc ta pasel te bila ya awale.

1 Samuel 2:7

Te Cajwaltic ya spasotic ta me'ba o ya spasotic ta jc'ulej; ya yac' yalucotic, soc ya yac' jajch'ucotic.

Salmos 85:4

Dios cu'untic soc jcoltaywanejat cu'untic, coltayawotic xan yo'tic, ma me spisiluc ora ilinemat ta jtojoltic.

Isaías 5:25

Ja' swentail te ilin Cajwaltic ta stojol te lum yu'une, soc te la stoy sc'ab ta yac'beyel castigo. Te witstiquile nijq'uic; te mach'atic lajemique ch'ojbilic jilel ta calleetic, jich bit'il c'a'pal. Ja'uc me to, te yilimba Cajwaltic ma to bay lamajem; ya to me yac' sc'ab ta yaq'uel castigo.

Jeremías 32:31

Ja' in jpam lum to, c'alal jajch' ta pasel, ja' to c'alal ora yo'tic, ja' nax yacalic ta spasel te ya sjachbon quilimba soc te ya yac' xc'ajc'ubone. Jich yu'un ya cac' ch'ayuc ta jc'axel,

Daniel 11:45

Ya me xba spas scampamento ta yolilic te mar soc te ch'ul wits yu'un te T'ujbil Lumq'uinal te xi' sbiile. Pero tey ni me ya staix yorail ya xlajix jilel a, ma me ayuc mach'a ya xcoltayotix yu'un.

Salmos 89:51

Cajwal cu'un, jich ya yuts'in co'tantic te acontrotaque; jich ya yuts'inbey yo'tan ta spisil ora te mach'a tsabil awu'une.

Ezequiel 22:4

Ja' amulinejic te la amilic yantic, soc ja' amulinejic te la apas awajcananique, te ja' la sboltesexe. Ja'ex nix ya awac' noptsajuc aworailic, soc ja'ex nix ya awac' sta yorail te slajibal c'aal awu'unique. Ja' yu'un, jo'on me ya cac' te ya x'ochex ta bolc'optayel yu'un te lumetic, ta spisil te nacionetic ya me x'och slabanex.