Daniel 9:13 - Bible in Tzeltal de Oxchuc y Tenejapa

¹³ Ta spisil te bitic amen julem tel ta jtojoltic, ja' yac ta c'oel ta pasel te bila ts'ibubil ta mandaliletic yu'un Moisés. Pero te jo'otique, ma ba ya jleticat, Cajwal Dios cu'untic, ma ba quijq'uitayejtic te bila amen ya jpastique, ni ma ba t'unbil cu'untic te smelelil c'op awu'une.

Bible in Tzeltal Bachajón

¹³ Hich te bin ut'il ts'ihbabil ta ley yu'un Moisés, c'oht ta jtojolcotic spisil te bintic wocol ini; pero ma ba calbeyejcotic wocol Jehová te Dios cu'untic, ma ba la jquihquitaycotic te jchopolilcotic o ma ba la jquich'cotic ta cuenta te smelelil c'op awu'une.

Daniel 9:13 Referans Kwoze

Daniel 9:11

Ta spisil Israel la xc'axintaybat te nopjibal awu'une, soc ma ba la sc'an la xch'uunbat te amandale. Ja' yu'un julem castigo ta jtojoltic, ja' te jc'axel albil sc'oplal ta mandaliletic te la yal te Moisés, ja' te abat awu'une. Jich c'ot, melel ja' yu'un te la jta jmultic ta atojole.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

Isaías 9:13

Ja'uc me to, te lume ma ba la sujt'es yo'tanic ta stojol Dios yu'un te castigo la yac'beye; ma la sc'an sleic te Cajwaltic te Spisil ya xju' yu'une.

Oseas 7:10

Te stoybail Israel ja' nix testigo te ya x'alot yu'une. Manchuc me jich, ma ja'uc ya sujt'ic tel yu'un, ma ba ya sleic te Cajwaltic te Dios yu'unique.

Jeremías 31:18

Ay caiyoj ajc'an ta c'axem to xan ta lum Efraín, jich la yal: “Jo'on jichon te bit'il jcojt' tat wacax te ma xju' ta pasel ta manso, yan te ja'ate la apason ta manso; ic'awon sujt'el ta atojol, melel ja'at Cajwalat te Diosat cu'une.

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Salmos 119:27

Ac'bon c'otuc ta co'tan sna'el te mandaliletic awu'un; ya jc'an ya jnopilay ta co'tan te jchajp at'eliletic awu'une.

Job 36:13

—Te mach'atic amen yo'tanic bayal ya x'ilinic, soc manchuc me ayic ta chuquel, pero ma ba ya sc'anic coltayel.

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

Efesios 4:21

teme melel te awaiyojbeyiquix stojol sc'oplal soc teme la awich'iquix p'ijubtesel ta swenta, jich te bit'il ay sc'oplal ta mero melel te Jesuse.

San Juan 10:35

Jich yu'un Dios la yal te ja' diosetic te mach'atic ac'bot ta swentaic te sc'op Diose. Jpisiltic jna'ojtic stojol te ma xju' ta ch'ayel te bi ya yal te Sjun Diose.

San Juan 8:32

Jich me ya ana'ic te bila melele. In te bila melele, ja' ya yaq'uex ta libre —xi'.

San Juan 6:45

Jich ts'ibubil jilel yu'unic te j'alwanejetique: “Dios me ya xp'ijubtesot yu'un ta spisilic”, te xie. Spisil mach'a ya yaiybeyic stojol sc'op te Jtate soc teme tey la snop a, ya me xtal ta jtojol.

San Lucas 24:45

Soc la sjambey yo'tanic yu'un sna'el stojol te bila ts'ibubil ta Sjun te Diose.

Oseas 7:14

Manchuc me ya x'awunic te c'alal ay ta swayibique, ma socuc yo'tanic ya sc'opononic. Ta swenta sc'anel trigo soc vino ya yejch'entes sbaic; la stoy sbaic, la scontroinonic.

Oseas 7:7

Ta spisilic jich ya xtil sc'aal yo'tanic te bit'il horno, ya slajinic te ajwaliletic yu'unique. Spisilic te muc' ajwaliletic lajemic; ma'yuc ni jtuluc te mach'a ya sc'oponone.

Lamentaciones 5:21

Cajwal, ic'awotic sujt'el ta atojol, jich me ya xtalotic. Ac'a cuxinucotic xan jich te bit'il ta neelale.

Jeremías 44:27

Melel ayon me ta yilel ta sticunel tel woclajel ta atojolic, te ma swentauc awutsilalique. Spisilic te judioetic te nainemic ta Egipto, ya me xlajic ta jc'axel ta guerra o ta wi'nal.

Isaías 64:7

Ma'yuc mach'a te ya sc'oponate, ma'yuc mach'a ya spas tulan te ya sc'anbat coltayele. Ja' swentail te la anac' aba ta jtojoltic, soc la apijt'esotic ta scaj te bila amen jpasojtique.

Isaías 42:9

Ila me awilic te c'ot ta pasel spisil te bi la cal ta nameye, ta ora yo'tic ja' ya calbeyix sc'oplal te bitic yach'ile; neel me ya cac'beyex ana'ic stojol te ja'exe te c'alal ma to xchicnaj a —xi' te Cajwaltique.

Salmos 119:73

Ja'at la apason, ja'at la awac'bon jbaq'uetal; ac'bon sp'ijil co'tan ta snopel te mandaliletic awu'une.

Salmos 119:18

Ac'bon quil q'uinal ta lec, swenta yu'un ya quil a te jchajp nax yutsilal te amandale.

Salmos 85:4

Dios cu'untic soc jcoltaywanejat cu'untic, coltayawotic xan yo'tic, ma me spisiluc ora ilinemat ta jtojoltic.

Deuteronomio 29:4

Pero ta ora to ma ba yac'ojbeyex sp'ijil awo'tanic te Cajwaltique, soc ma ba yac'ojbeyex ana'beyic swentail ta spisil.

Isaías 31:1

¡Ya me yil swocol te mach'atic ya xbajt'ic ta Egipto ta sleel coltayel! Ja' te mach'atic ya smuc'ulin yo'tanic te caballoetique, soc ja' te mach'atic ya smuc'ulin yo'tanic te ay bayal carretaetic yu'unic, soc te mero bayal yajtalul soldadoetic te ya xmoic ta caballo. Ma ja'uc ya sujt'es bael sitic ta stojol te Ch'ul Dios yu'un Israel, ma ja'uc ya sleic te Cajwaltique.

2 Reyes 22:16

te jo'one Ajwalilon jich ya cal: ‘Ya me cac' taluc tulan wocol ta stojol in q'uinal to, soc ta stojol te mach'atic nainemic tey a, jich te bit'il ya yal te libro la sc'oponix te muc' ajwalil ta Judá.

Isaías 43:22

“Ja'uc me to, ja'at Israel te lumat yu'un Jacob, ma la ac'oponon, lubat ta jtojol.

Isaías 64:6

Jpisiltic ma ba pocbilotic, jichotic te bit'il mach'a boloben. Spisil te lequil at'elil cu'untique jich c'oemic te bit'il xch'ailel c'a'pac'. Jpisiltic limilotic ta lum, jich bit'il yabenal te' ya xc'anub, ya xlubaj coel; soc te bitic amen jpasojtique, ja' ya stasotic bael jichuc ic'.

Jeremías 30:14

Spisil te mach'atic yantsinejat c'oeme, ch'ayat meix ta yo'tanic, ma me xc'opojix yo'tanic ta atojol. Yu'un jo'on la quejch'entesat, jich c'oemon bit'il acontro. Tulan la cac'bat castigo ta scaj bayal te bila amen apasoj, ta scaj te ma x'ajtabaj te amule.

Jeremías 44:23

Ja' te woclajel te ayix ta ora to, ja' me tal yu'un te la awac'beyic pom te lotil diosetique. Jich la ata amulic ta stojol te Cajwaltique, melel ma la ach'uunbeyic te p'ijubtesel soc te mandaliletic yu'une, ma la awich'ic ta muc' —xi' te Jeremiase.

Ezequiel 16:43

Te ja'ate ch'ay ta awo'tan te bi awilel te c'alal jch'iel ach'ixat to ae, la awac' jajch'uc quilimba ta scaj te amen awat'el te mero ilaybil sbae. Ja' yu'un, jo'on ya cac'bat castigo yu'un te amen awat'el. Jo'on Ajwalilon te jich caloje.