Daniel 9:12 - Bible in Tzeltal de Oxchuc y Tenejapa

¹² Te ja'ate, te bit'il la awac'botic tel ta jtojoltic te bitic mero amene, jich c'ot ta pasel awu'un te awaloj te ya awac'botic castigo soc te ajwaliletic cu'untique. Melel ma'yuc castigo jich c'oem ta pasel ta balumilal te bit'il julem ta stojol Jerusalén.

Bible in Tzeltal Bachajón

¹² Ha la sc'ohtes ta pasel te bin la yal ta jtojolcotic soc ta stojol te jcuentahinwanejetic cu'uncotic, ha te la yac' tal ta jtojolcotic bayel wocol; mayuc hich c'ohem ta pasel ta ye'tal ch'ulchan te bin ut'il c'oht ta stojol Jerusalén.

Daniel 9:12 Referans Kwoze

Ezequiel 5:9

Ma'yuc jich jpasojbat, soc ni ma'yuc bi ora ya jpasbat yan buelta. Ja'at nix, ta scaj te buen amen te awat'ele.

Lamentaciones 1:12

Ja'ex te ya xbeenex c'axel ta be, coma abaic ta yilel; ¿Ay bal mach'a pajal la awil soc te xc'uxul ya caiy te bayal ayon ta woclajel? Te Cajwaltic la sticunbon woclajel te c'alal til ta jtojol te yilimbae.

Isaías 44:26

Ja'uc me to, ja' ya cac' c'otuc ta pasel sc'op te abatetic cu'une; soc te lecuc ya xc'ot ta loq'uel te bitic chajbanbil yu'un te mach'atic jticuneje. Ya me cal ta jamal, te Jerusalén ya xnoj xan yajwal, soc te lumetic yu'un ta Judá ya me yich' xan pasel. Jo'on ya cac' jajch'uc xan te jinem ts'ajq'uetic yu'une.

Lamentaciones 2:17

Te Cajwaltic la sc'otes ta pasel te bi chapal yu'une, la sc'otes te sc'ope. Ma la sna'bey yo'bolil sba ta sjinel te namey la xchajbanbey sc'oplale. La yac' stse'luyat te acontro, soc ja' la yac'bey bayal yip stuquel.

Lamentaciones 2:13

Jerusalén te t'ujbilate, ¿bila ya xju' ya jpajat soc? ¿Bila ya xju' ya jmuc'tesbat awo'tan a, ja'at Sión te ma bolobenucat soc awutsilal ta neelale? Muc' ta jyalel te ajinel, jich bit'il smuc'ul mar; ¿mach'a ya xju' yu'un ya slamantesbat q'uinal awaiy?

Job 12:17

Ja' ya yac' ch'ayuc sp'ijil yo'tan te jp'ijil-o'tanetique, soc ja' ya yac' jowejuc sjolic te juecetique.

Romanos 15:8

Ja' ya calbeyex sc'oplal te Cristo te tal yac' sba ta abatinel yu'un te judioetique swenta yu'un tal sc'otes ta pasel te bila yaloj ta stojol te tatiletic cu'untique. Jich la yac' ta ilel te smelelil te bila yaloje.

San Lucas 21:22

Yu'un ja' me yorailix te castigo ta stojolique. Jich me ya xc'ot ta pasel spisil te bila ts'ibubil jilel sc'oplal ta Sjun te Diose.

San Marcos 13:19

Melel ma'yuc bay jich woclajel ay tel te c'alal la yich' pasel yu'un Dios te balumilale. Soc ta patil ma'yuquix jich ya xc'ot ta pasel.

San Mateo 24:21

Ya me xtal bayal woclajel, te ma'yuc bay jich c'oem ta pasel ta xjajch'ibal to tel balumilal, soc ta ora to, soc ta patil bael.

San Mateo 5:18

Jamal ya calbeyex, manchuc teme ya xlaj te ch'ulchan balumilale, xujt' ma xch'ay sc'oplal junuc jota ni junuc tilde te mandalile. Ya me xc'ot ta pasel spisil.

Zacarías 1:8

Ay jun ajc'ubal, ay bila la quil yilel: Ay mach'a la quil cajal ta tsajal caballo, cotol ta sjuclej ta yolil ch'in te'etic te mirto sbiile. Ta sjejch'elul bael ay jtsojp caballoetic, ay tsajic, soc ay ijc'al-tsaj, soc ay saquic.

Zacarías 1:6

Pero te c'opetic soc te mandaletic cu'un te la calbey yalic te abatetic, ja'ic te j'alwanejetic cu'une, c'ot ta stojolic te antiguo ame'-atatique, jich sujt'ic ta jtojol. C'ot ta yo'tanic te jo'on Ajwalilon te Spisil ya xju' cu'une, te la cac'bey sna'ic ta yo'tanic, chican bi yilel stalelic soc bi yilel yat'el spasojic”, uta me —xi' te Cajwaltique.

Amós 3:2

—Ja'ex nax atuquelic te la jtsaex ta yolilic spisil te lumetic ta balumilal. Jich yu'un ya cac'beyex castigo yu'un spisil te bila amen apasojique —xi'.

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Ezequiel 13:6

Te bila ya yalic ta swenta te bila la cac'bey yil ta sc'opique, ma meleluc, soc te bila ya yalic sc'oplal ya xc'ot ta pasele, slotic. Ya yalic te jo'on jc'op te ya yalique, pero ma jo'ucon jticunej. Tojol ya smaliyic te ya xc'ot ta pasel te bila ya yalique.

Lamentaciones 4:6

Te smul te jlumal Israele, ja' muc' xan yu'un a te smul Sodoma; ta ora nax laj ta jinel, manchuc me ma'yuc mach'a tal sjin.

Proverbios 8:16

Jo'on ta jwenta te ch'uunbil smandalic te jwentainwanejetic yu'un te lume, jo'on ta jwenta te ya xchucawanic soc te ma xchucawanic te mach'atic yich'oj yat'elique.

Salmos 148:11

Albeyaic yutsilal te muc' ajwaliletic ta balumilal soc ta spisil ta jpam lumetic, ta spisil te jmandalteswanejetic soc jwentainwanejetic ta balumilal,

Salmos 2:10

Ja'ex muc' ajwaliletic soc yantic ajwaliletic ta q'uinal, ac'a c'otuc ta awo'tanic, nopaic ta lec te bila ya cac'beyex anopique.

1 Reyes 3:9

Ac'bon c'otuc ta co'tan spisil, swenta yu'un ya xju' cu'un sna'el te bila leque, soc te bila ma lecuque. Melel ¿mach'a ya xju' yu'un swentainel te lum awu'un te mero bayale? —xi'.

Jeremías 30:7

Ya me xnoptsaj tel sc'aalelal te mero xiweltic nax sbae; ma me ayuc jich sc'aalelal ya xc'ot yan a. Ja' me sc'aalelal te ya yaiy mel-o'tan te lum yu'un Jacob; ja'uc me to, ya me jcoltay.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Jeremías 39:16

—Baan ilawil, c'opona te Ebed-melec, te etiope-winique. Albeya: “Te Cajwaltic te Spisil ya xju' yu'une, te Dios yu'un Israel, ya yalbat: ‘Ya me jc'otes ta pasel te bila calojix yu'un te lume, ta swenta bila amen ta stojol, ma ta swentauc yutsilal. C'alal ya xc'ot ta pasel, ya me awil.

Jeremías 44:23

Ja' te woclajel te ayix ta ora to, ja' me tal yu'un te la awac'beyic pom te lotil diosetique. Jich la ata amulic ta stojol te Cajwaltique, melel ma la ach'uunbeyic te p'ijubtesel soc te mandaliletic yu'une, ma la awich'ic ta muc' —xi' te Jeremiase.

Daniel 12:1

“Ja' me yorail ya xchicnaj te Miguel, ja' te muc'ul jcanantaywanej ch'ul abat te ya scoltay te lum awu'une. Ja' yorail a te ay me bayal wocol, ma'yuc yan wocol jich c'oem ta pasel a te jayebix c'aal ay te nacionetique. Te c'alal ya sta yorail te jich ya xc'ot ta pasele, ya xcolic spisil te alumale, ja' te ts'ibubil sbiilic ta libro.

Zacarías 7:12

Tulanub te yo'tanique, jich bit'il te stulanil te diamante-ton c'ote. Jich ma ba la yaiybeyic te nopjibal yu'un soc te mandaliletic yu'un te Cajwaltic te Spisil ya xju' yu'une, te la yal ta swenta espíritu yu'un ta swenta te antiguo j'alwanejetic yu'une. Ja' yu'un mero bayal ilin yo'tan te Cajwaltique.

2 Reyes 22:16

te jo'one Ajwalilon jich ya cal: ‘Ya me cac' taluc tulan wocol ta stojol in q'uinal to, soc ta stojol te mach'atic nainemic tey a, jich te bit'il ya yal te libro la sc'oponix te muc' ajwalil ta Judá.

Isaías 43:28

te ajwaliletic awu'unic la sboltesbonic te templo. Ja' swentail te la quijq'uitay jilel te lum Israel, ja' te lum yu'un Jacob, te la yich'ic jinel soc ixtac'optayel.