Daniel 9:11 - Bible in Tzeltal de Oxchuc y Tenejapa

¹¹ Ta spisil Israel la xc'axintaybat te nopjibal awu'une, soc ma ba la sc'an la xch'uunbat te amandale. Ja' yu'un julem castigo ta jtojoltic, ja' te jc'axel albil sc'oplal ta mandaliletic te la yal te Moisés, ja' te abat awu'une. Jich c'ot, melel ja' yu'un te la jta jmultic ta atojole.

Bible in Tzeltal Bachajón

¹¹ Spisil Israel la sc'axuntaybat te Ley awu'un, la yihquitayic sch'uhunel ac'op. Ha yu'un tal ta jtojolcotic te bin ma lecuc sc'oblal soc te bin halbil ta jamal te ts'ihbabil ta ley yu'un Moisés, te a'bat yu'un Dios, como la jta jmulcotic ta stojol Dios.

Daniel 9:11 Referans Kwoze

Jeremías 9:26

Jich bit'il te Egipto, te Judá, Edom, Amón soc Moab, soc spisil te mach'atic ayic ta jochol taquin q'uinal te ya sjoxic te stsotsil sjolic ta xujc' xchiquinique. Melel spisil te lumetic to, soc nix te lum Israel, ta smelelil ma ba yich'oj circuncisión ta yo'tanique —xi'.

2 Reyes 22:16

te jo'one Ajwalilon jich ya cal: ‘Ya me cac' taluc tulan wocol ta stojol in q'uinal to, soc ta stojol te mach'atic nainemic tey a, jich te bit'il ya yal te libro la sc'oponix te muc' ajwalil ta Judá.

Isaías 1:3

Te j'at'el-wacaxe ya sna'bey sba te yajwale, te burro ya sna'bey sba te yawil swe'el yu'un yajwale. Yan te Israel te lum cu'une, ma sna'bonic jba, ni ma'yuc bi ya sna'ic —xi'.

Isaías 43:28

te ajwaliletic awu'unic la sboltesbonic te templo. Ja' swentail te la quijq'uitay jilel te lum Israel, ja' te lum yu'un Jacob, te la yich'ic jinel soc ixtac'optayel.

Jeremías 2:29

¿Bi ya xju' ya awalbonic ta jtojol te ja'exe, te melel apisilic la atoy abaic? Jo'on Ajwalilon, jich ya cal.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Jeremías 40:3

Ta ora yo'tic la sc'otes ta pasel te sc'ope. Jich c'ot ta pasel ta atojolic te ja'exe, melel la apasic mulil ta stojol te Cajwaltique, ma la awich'beyic ta muc' te sc'ope.

Jeremías 44:23

Ja' te woclajel te ayix ta ora to, ja' me tal yu'un te la awac'beyic pom te lotil diosetique. Jich la ata amulic ta stojol te Cajwaltique, melel ma la ach'uunbeyic te p'ijubtesel soc te mandaliletic yu'une, ma la awich'ic ta muc' —xi' te Jeremiase.

Daniel 9:5

La jta jmultic ta atojol, la jpastic te bila amen ta pasel ta asite, la jpastic te bila ma lecuque. Ma'yuc sc'oplal c'ot cu'untic te mandaliletic awu'une; la jch'aytic jilel te mandaliletic awu'un soc te bila chapal awu'une.

Daniel 9:13

Ta spisil te bitic amen julem tel ta jtojoltic, ja' yac ta c'oel ta pasel te bila ts'ibubil ta mandaliletic yu'un Moisés. Pero te jo'otique, ma ba ya jleticat, Cajwal Dios cu'untic, ma ba quijq'uitayejtic te bila amen ya jpastique, ni ma ba t'unbil cu'untic te smelelil c'op awu'une.

Zacarías 7:12

Tulanub te yo'tanique, jich bit'il te stulanil te diamante-ton c'ote. Jich ma ba la yaiybeyic te nopjibal yu'un soc te mandaliletic yu'un te Cajwaltic te Spisil ya xju' yu'une, te la yal ta swenta espíritu yu'un ta swenta te antiguo j'alwanejetic yu'une. Ja' yu'un mero bayal ilin yo'tan te Cajwaltique.

Zacarías 8:13

Jich te ja'ex te yajwalex Judá soc te yajwalex Israel, te boloben ac'oplalic yu'unic te yantic nacionetic, yo'tic ya me jcoltayex; buen lec meix ac'oplalic yu'unic. Ma me xiwex; ac'aic me puersa —xi' te Cajwaltique.

Deuteronomio 8:20

Jich te bit'il ya slajin Cajwaltic te nacionetic ya ataic ta banti ya xc'axexe, ja' ni me jich ya awich'ic lajinel, teme ma ba ya ach'uunic te Cajwaltic te Dios cu'untique.

2 Reyes 18:12

Jich c'ot ta pasel melel ja'ic nix ma ba la xch'uunbeyic te smandal te Cajwaltic te Dios yu'unique. Yu'un la xc'axintaybeyic te bi c'opil chapal ta stojolic yu'une, soc ma ba la yich'beyic ta wenta spisil te bi la yal ta pasaw ta mandal ta stojolic te Moisés yabat te Cajwaltique, soc ma ba la spasic.

Jeremías 6:19

Aiya awaiy stojol, balumilal: Ay bi tulan swocolil ya cac'bey tel ta stojol te lume, ja'ix sit swocolil te bila amen la xchajbane; melel ma la spasic te la yich'bonic ta muc' te jc'ope, la yilaybonic te p'ijubtesel cu'une.

Jeremías 16:11

Te ja'ate jich me ya asujt'esbey te sc'opique: “Te Cajwaltic jich ya yal: ‘Ta melel te antiguo ame'-atatic la yijq'uitayon ta yo'tanic. Ja' bajt' ta yo'tanic te lotil diosetic ta xch'uunel soc ta yalel wocol ta stojol. Te jo'one la xch'ayon ta yo'tanic, ma la sc'otesic ta ch'uunel te mandalil la cac'beye.

Jeremías 30:14

Spisil te mach'atic yantsinejat c'oeme, ch'ayat meix ta yo'tanic, ma me xc'opojix yo'tanic ta atojol. Yu'un jo'on la quejch'entesat, jich c'oemon bit'il acontro. Tulan la cac'bat castigo ta scaj bayal te bila amen apasoj, ta scaj te ma x'ajtabaj te amule.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Zacarías 1:6

Pero te c'opetic soc te mandaletic cu'un te la calbey yalic te abatetic, ja'ic te j'alwanejetic cu'une, c'ot ta stojolic te antiguo ame'-atatique, jich sujt'ic ta jtojol. C'ot ta yo'tanic te jo'on Ajwalilon te Spisil ya xju' cu'une, te la cac'bey sna'ic ta yo'tanic, chican bi yilel stalelic soc bi yilel yat'el spasojic”, uta me —xi' te Cajwaltique.