Daniel 8:5 - Bible in Tzeltal de Oxchuc y Tenejapa

⁵ Yacon to ta sna'el a te bila la quile, ba quil xan talix jcojt' tat tentsun ta stojol smalib c'aal, mero buen animal yac ta talel, mero ma ba staoj lum te yacane. Te tat tentsune, ay jun smuc'ul xulub ta yolil xchebal te site.

Bible in Tzeltal Bachajón

⁵ C'alal yacon ta sna'el ini, tal jcoht tat tentsun ta stojol smahlib c'ahc'al, yac ta c'axel ta q'uinal, ma ba la sta lum. Te tat tentsun ay xulub ta yohlil sti'ba te chican ta lec.

Daniel 8:5 Referans Kwoze

Daniel 8:21

Te tentsun, ja' me sc'oplal te muc' ajwalil ta Grecia, te smuc'ul xulub ay ta yolil site, ja' te sbabial muc' ajwalile.

Daniel 11:3

Pero ta patil ya me yich' yat'el yan muc' ajwalil te bayal yip ta guerra. Ta scaj te mero bayal te yipe, bayal me mach'atic ya x'och ta sc'ab soc slum-sq'uinalic, soc ja' me ya spas te bila ya smulan spasel stuquele.

Daniel 8:8

Te tat tentsun yantic yilel yac ta yich'el xan yip, pero te bi ora bayal yip a, c'as te jch'ix smuc'ul xulube. Tey ta yawil loc' tel yan chanch'ix xulub, jich baemic sni'il ta jujun ta xchanxujc'ul te q'uinale.

Daniel 7:6

“Te yoxebale, pajal yilel soc leopardo-choj, pero ay chaneb xic' ta spat, soc la quil ay chaneb sjol. Te leopardo-choj la yich' ac'beyel yip ta mandalteswanej.

Daniel 2:39

Te c'alal ya xlaj yip te ajwaliletic awu'unic te ayic ta swenta Babilonia, ya me xchicnaj jchajp xan ajwaliletic te peq'uel yipe. Soc ta patil ya me xchicnaj jchajp xan te pajal yipic soc bronce.

Daniel 2:32

Te sjol te loc'omba, puro oro yich'oj pasel a. Te stan soc te sc'abe, pasbil ta plata. Te xch'ujt' soc te ya'e, pasbil ta bronce.

Daniel 8:6

C'alal noptsaj ta sts'eel te tat chij te ay cheb xulube, ja' te la quil ay ta sti'il muc'ja'e, c'o sta ta cujel ta spisil yip.