Daniel 8:21 - Bible in Tzeltal de Oxchuc y Tenejapa

²¹ Te tentsun, ja' me sc'oplal te muc' ajwalil ta Grecia, te smuc'ul xulub ay ta yolil site, ja' te sbabial muc' ajwalile.

Bible in Tzeltal Bachajón

²¹ Te tat tentsun, ha te ajwalil yu'un Grecia, soc te muc'ul xulubil te ay ta yohlil sti'ba, ha te shahchibal ajwalil.

Daniel 8:21 Referans Kwoze

Daniel 11:3

Pero ta patil ya me yich' yat'el yan muc' ajwalil te bayal yip ta guerra. Ta scaj te mero bayal te yipe, bayal me mach'atic ya x'och ta sc'ab soc slum-sq'uinalic, soc ja' me ya spas te bila ya smulan spasel stuquele.

Daniel 10:20

Ja' yu'un jich la yalbon: “¿Ya bal ana' bila swentail te tal quilate? Yu'un puersa me ya jcha'ac'bey xan guerra te jcanantaywanej ch'ul abat yu'un Persia. Te c'alal ya xlaj co'tan soc ta guerra, ya me xtal te jcanantaywanej ch'ul abat yu'un Grecia.

Daniel 8:20

“Te tat chij te ay cheb xulube, ja' ya yalbey sc'oplal te muc' ajwaliletic yu'un Media soc Persia.

Daniel 8:22

Te chaneb xulub loc' te c'alal c'oc te sbabial xulube, ja' ya yalbey sc'oplal te li' ta nación in to ya xchicnaj chanchajp ajwaliletic, pero ma pajaluc yipic soc te sbabial ajwalile.

Daniel 11:2

Yo'tic ya cac'bat ana'bey sba te bila smelelile: “Ya to me x'at'ejic ta muc' ajwalil oxeb winiquetic ta Persia. C'alal ya xlaj yat'elic, ya me yich' yat'el swenta xchanebal muc' ajwalil jtul winic te c'axem jich sc'ulejal a te bit'il oxtul yantique. Te c'alal ya sta yip ta swenta sc'ulejal, ya xchajban sba ta sjajch'el c'op ta stojol te nación Grecia.

Daniel 2:39

Te c'alal ya xlaj yip te ajwaliletic awu'unic te ayic ta swenta Babilonia, ya me xchicnaj jchajp xan ajwaliletic te peq'uel yipe. Soc ta patil ya me xchicnaj jchajp xan te pajal yipic soc bronce.

Daniel 7:6

“Te yoxebale, pajal yilel soc leopardo-choj, pero ay chaneb xic' ta spat, soc la quil ay chaneb sjol. Te leopardo-choj la yich' ac'beyel yip ta mandalteswanej.

Zacarías 9:13

Melel ay t'imalte' cu'un swenta guerra, ja' te Judá; soc la cac'bey ya'tejibalul, ja' te Efraín. Te ja'at Sión, ya me jpasat ta puñal; ya me jachbat te anich'nab ta swenta scontroinel te snich'nab Grecia —xi' te Cajwaltique.