Daniel 8:13 - Bible in Tzeltal de Oxchuc y Tenejapa

¹³ Patil la caiy yac ta c'op jtul ch'ul abat, la sjojc'obey yan ch'ul abat, jich yac ta yalel: —¿Bi to ora ya xlaj te bila chican yac ta pasel ta scajtijib ta chiq'uel milbil smajt'an Dios swenta jujun c'aale? ¿Jayeb c'aal ya xjalaj te mulil ilaybil sbae, ja' te ay ta c'abal soc yac ta pech'el ta teq'uel te ch'ul awilal yu'un Cajwaltic soc te mach'atic ch'uunbil yu'une? —xi'.

Bible in Tzeltal Bachajón

¹³ Patil la jca'iy te c'opoj jtuhl mach'a ch'ultesbil, ay yan mach'a ch'ultesbil hich la sjoc'obe te mach'a c'opoj: ¿Bin to ora ya xlaj te nahalsitil sc'oblal te milbil mahtanil scuenta jujun c'ahc'al, sc'oblal te toybahil te ya yac' jinel, soc te ya x'ac'otic ta ts'o'ts'o'teq'uel te tsobolic soc te ch'ul awilal? xchi.

Daniel 8:13 Referans Kwoze

Apocalipsis 11:2

Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

Apocalipsis 6:10

Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Daniel 9:27

Teme c'ax bael jun xan semana ya me spas trato soc bayal ants-winiquetic. Pero ta olil semana ya me scom ta aq'uel milbil smajt'an Dios, soc ya me scom ta aq'uel yantic majt'aniletic. Mero ilaybil me sba te bila ya yich' pasel yu'un ta sts'eel scajtijib milbil smajt'an Dios, ja' to teme jul te lajinel albil sc'oplal ta stojol te mach'a ya spas te at'el ilaybil sbae —xi' ta jtojol te Gabriel.

Daniel 11:31

“Te soldadoetic yu'un ya me sboltesbeyic te templo soc te anjibal yu'une, ya me scom ta aq'uel te milbil smajt'an Dios swenta jujun c'aale. Ja' me ya yac' tey a te bila mero ilaybil yu'un te Diose.

Daniel 4:13

“Ora nax la quil la caiy jtul ch'ul abat j'il-q'uinal, yac ta coel tel ta ch'ulchan,

1 Pedro 1:12

Ja'uc me to, Dios ac'bot sna'ic stojol yu'un te bit'il ma ja'uc ya xc'ot ta swentaique, yu'un ja' me ya xc'ot ta jwentatic jo'otic. La spucbeyic sc'oplal te bila la jcholbeyex awaiyic sc'oplal ta ora to, ja' te lec yach'il c'op ta swenta yu'el te Ch'ul Espíritu te ticunbil tel ta ch'ulchane. Spisil in to toyol yo'tanic yu'un uuc te ch'ul abatetic te yacuc x'ac'bot yilique.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

1 Tesalonicenses 3:13

Swenta yu'un ay me stulanil awo'tanic soc jun awo'tanic ta stojol te Jtatic Diose, soc te ma me ayuc amulic ta stojol te c'alal ya xtal te Cajwaltic Jesús soc spisil te mach'atic ch'ul lum yu'un te Diose.

San Lucas 21:20

“Te c'alal ya awilic te joytaybilix yu'un soldadoetic te Jerusalene, na'aic me stojol te yu'un yorailix ya yich' jinele.

San Marcos 13:14

“Te j'alwanej yu'un Dios te Daniel sbiile la yalbey jilel sc'oplal te jinwanej te ya sboltes te ch'ul awilale. (Te mach'a ya yil te bila ts'ibubil li'to, ac'a me sna' stojol.) Te c'alal ya awilic te ochemix tey a te banti ma ja'uc yawile, ac'a me anuquic bael ta witstiquil te mach'atic ayic ta sq'uinal Judea.

San Mateo 24:15

“Te j'alwanej yu'un Dios te Daniel sbiile, la yalbey jilel sc'oplal te jinwanej te ya sboltes te ch'ul awilale. (Te mach'a ya yil te bila ts'ibubil li'to, ac'a me sna' stojol.) Te c'alal ya awilic te ya xc'ot ta pasel te bila la yale,

Isaías 63:18

Te ch'ul lum awu'une ma ba jal c'aal la yu'unin te slumale. Te jcontrotic la spech'bat ta teq'uel te templo awu'une.

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Salmos 79:5

Cajwal, ¿jayeb xan me ora te ilinemate? ¿Spisil bal ora te yac ta tilel jichuc c'ajc' te awilimbae?

Judas 1:14

Jich nix la yalbey sc'oplal uuc te Enoc te ja' sjuccumul sts'umbal te Adane. Jich la yal: “La quil te Cajwaltique, sjoinej tel bayal ta jmil te ch'ul abatetic yu'une.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

Zacarías 14:5

Te ja'ex ya me x'anex bael ta suclej te ya xjil ta olil yu'un te witsetique, ja' te ya xc'ot c'alal ta Azal, ta sjejch'elul baele. Jich me ya x'anex bael te bit'il anic bael ta namey te antiguo ame'-atatic, ja' te anic ta swenta xi'el te nijq'uel, te c'ax te c'alal ay ta muc' ajwalil a te Uzías, ja' te c'alal swentainej a te sq'uinal Judá. Ya me xtal te Cajwaltic te Dios cu'un, sjoinej me ya xtal spisil te mach'atic jun yo'tan la yac' sbaic ta stojole.

Zacarías 1:19

La jojc'obey te ch'ul abat yacon ta c'op soque: —¿Bi swentail te xulubiletique? —la cut. La sjac'bon, jich la yalbon: —Te xulubiletic ja' ya yac' ta na'el te yipic te mach'atic la spuquic bael ta bayuc te yajwal Judá, Israel soc Jerusalén —xi'.

Daniel 12:11

Jmil soc lajuneb yo'lajunwinic (1,290) c'aal ya xc'ax a te c'alal ya yich' quejch'anel ta aq'uel te milbil smajt'an Diose, ja' te swenta jujun c'aal ya yich' aq'uel ae, soc te c'alal ya yaq'uic tey a ta templo yu'un Cajwaltic te bila mero ilaybil yu'un te Diose.

Daniel 7:23

“Jich la yalbon: ‘Te xchanebal te muc'ul chambalam, seña me xchanebal jmandalteswanej te ya xchicnaj ta sba te balumilale, ma pajaluc soc ta spisil te yantique. Ya me sbic' c'oem ta spisil te balumilal, ya me spech' ta teq'uel soc ya me slajin.

Daniel 7:16

Ja' yu'un noptsajon bael ta sts'eel jtul te mach'atic tey tec'ajtic a, la calbey te yacuc yalbon caiy sc'oplale. La xch'uun te ya yalbon caiye.

Daniel 4:23

La awil te ay j'il-q'uinal ch'ul abat te yac ta coel tel ta ch'ulchane, te jich yac ta yalele: “Ts'etaic te te' soc lajinaic ta jc'axel, pero ijq'uitayaic ta lumq'uinal stuquel te xchumante'el soc te yisime. Chucaic jilel ta cadena pasbil ta hierro soc ta bronce, ijq'uitayaic ta yolil ja'maltic. Ac'a c'otuc ts'ujul ta sba, soc ac'a scomon lo'ic wamal soc chambalametic ta ja'maltic juqueb ja'wil”, te xie.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Salmos 74:9

Ma ba chicaniquix te ch'ul señailetic cu'untic; ma'yuquix ni jtuluc j'alwanej yu'un Dios, soc ni yacuc jna'tic jayeb c'aal te jich aye.

Jueces 13:18

Te ch'ul abat la yalbey: —¿Bistuc ya ac'an ana' te jbiile? Jchajp a soc ma'yuc ta na'el —xi'.

Deuteronomio 33:2

jich la yal: —Te Cajwaltic tal ta Sinaí; c'alal to ta Seir yac'ojbotic tel xojobil. La sacubtes tel q'uinal c'alal ta witsetic yu'un Parán, jajch'em tel c'alal ta Meriba-cades, ta swa'el c'ab yich'ojbotic tel te mandaliletic te bayal xojobile.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Lucas 10:22

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna' stojol te mach'a a te Nich'anile. Ja' nax ya sna' stojol te Tatile. Soc ma'yuc mach'a ya sna' stojol te mach'a a te Tatile. Ja' nax ya sna' stuquel te Nich'anile, soc uuc te jayeb mach'a ya yac'bey sna'bey sbae —xi' te Jesuse.

Salmos 74:10

Dios cu'un, ¿jayeb xan c'aal te jich ya yuts'in co'tantic ta c'op te controe? ¿Jayeb xan ora te ya sbolc'optayate?

Isaías 28:18

Te trato awu'un soc te lajele, ya xch'ay ta jc'axel; te trato awu'un soc te muquenal, ma'yuquix yip ya xc'ot. Ya me xtal te tulan woclajel te xiweltic nax sba, ya me stenex te ja'exe.

Jeremías 12:10

Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

Daniel 12:8

La caiy te bila la yale, pero ma xujt'uc la jna'bey swentail. Ja' yu'un la jojc'obey: —Cajwal, ¿bi ya xc'ot ta pasel ta patil yu'un spisil te bitic jchajp xanix sc'oplal ta alel ae?” la cut.

Daniel 4:10

Te bitic la quil la caiy te c'alal wayalon ae, jich ay: “Ta yolil te lumq'uinale, ay jpejt' te' mero toyol.