Daniel 8:11 - Bible in Tzeltal de Oxchuc y Tenejapa

¹¹ soc la stoy sba ta stojol te jwentainwanej yu'un te eq'uetique. La yac' quejch'ajuc ta aq'uel milbil smajt'an Dios swenta jujun c'aal. La sboltesbey sc'oplal te awilal banti ya yich' ich'el ta muc' te Diose.

Bible in Tzeltal Bachajón

¹¹ Muc' la yac' sba ta scontrahinel te príncipe yu'un te tsobolic yu'un te ch'ulchan; la yac' quehchajuc yac'ulanel te milbil mahtaniletic yu'un, soc la sjin cohel c'alal lum te ch'ul awilal yu'une.

Daniel 8:11 Referans Kwoze

Daniel 12:11

Jmil soc lajuneb yo'lajunwinic (1,290) c'aal ya xc'ax a te c'alal ya yich' quejch'anel ta aq'uel te milbil smajt'an Diose, ja' te swenta jujun c'aal ya yich' aq'uel ae, soc te c'alal ya yaq'uic tey a ta templo yu'un Cajwaltic te bila mero ilaybil yu'un te Diose.

Daniel 11:31

“Te soldadoetic yu'un ya me sboltesbeyic te templo soc te anjibal yu'une, ya me scom ta aq'uel te milbil smajt'an Dios swenta jujun c'aale. Ja' me ya yac' tey a te bila mero ilaybil yu'un te Diose.

Daniel 8:25

Ta swenta sp'ijil yo'tan ta lo'laywanej, ya xju' yu'un tsalaw. Ya me xnoj ta yo'tan toybail, bayal me ya smuquen-mil te mach'atic jun yo'tanic ta stojole. Ya me stoy sc'ab ta stojol te Ajwalil yu'un ajwaliletique. Pero jc'axel me ya xlajinot yu'un stuquel.

Ezequiel 46:14

Ja' nix jich ta jujun c'aal ta sab ya me yich' ac'beyel smajt'anin Cajwaltic juqueb litro harina, soc jun litro aceite yu'un ya yich' malel ta sba harina. Ja' te jmandal chapal te puersa me ya yich' pasulayel spisil ora.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Isaías 37:23

¿Mach'a la abolc'optay soc te la awixtac'optaye? ¿Mach'a a te toy ac'op ta stojole, soc te la atoy asit yu'un te toyolat la awaiy yu'une? Ja' la apas ta stojol te Ch'ul Dios yu'un Israel.

Hebreos 2:10

Spisil te bitic aye ja' yu'un te Diose, soc ja' ta swenta te la yich' pasele. Jich la sc'an yo'tan Dios te ya sjoin ta utsilal spisil te alnich'anetic yu'une. Ja' swentail te ja' lequil Jcoltaywanej c'ot yu'unic te Jesucristoe, ta swenta bit'il c'ax bayal swocol.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Daniel 8:12

Ta scaj te sbolile, la yal mandal te och ta scampamento soldadoetic yu'un te banti la yich' ac'beyel milbil smajt'an te Diose, la xch'oj coel ta lum c'oem te smelelil c'ope. Spisil bila la sc'an yo'tan la spas, spisil ju' yu'un spasel.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Jeremías 48:42

Te Moab ma ba nación ya xjilix, melel jelaw ta jtojol te Ajwalilone.

Jeremías 48:26

Yacubtesaic te Moab, melel la stoy sba ta stojol te Cajwaltique. Jich yu'un te Moab ya me sbalan sba ta xe, spisilic ya me yich'ic labanel.

Isaías 37:29

Ya jna' te sc'ajc'al awo'tan soc te atoybaile, jich yu'un ya cac'bat staq'uinal ani' soc sfrenoil awe, ya cac' sujt'at bael ta abe te bay nix talate”, xi' te Cajwaltique —xi' te Isaías.

Números 28:3

“Albeya te ja'ic me majt'aniletic te ya yich' chiq'uel ta jtojol swenta quich'jibal ta muc': Jujun c'aal ma me spas falta cha'cojt' chijetic te jun ya'wilal te ma'yuc bila boloben ta sbaq'uetal.

2 Tesalonicenses 2:4

Ya me scontroin spisil te bila yu'un te Diose, soc te bila ch'uunbile. Ya me snajc'an sba ta bay yutil templo yu'un te Diose soc ya me xcaj yal sba te ja' cuxul Dios ta sc'op stuquele.

Daniel 8:24

Mero bayal me yip ya xc'ot, pero ma nix mero yu'unuc te yipe; c'ax bayal ya xlajinwan, spisil me ya xju' yu'un te bi ya spase. Ya me slajin te winiquetic bayal yipique, soc ay me ya slajin te lum yu'un te Diose.

Daniel 9:25

Ya sc'an te ya ana'bey swentail in to soc te ya xc'ot ta awo'tan ta mero melel: Te bi ora ya yich' alel mandal ta jachel xan te Jerusalén soc te ya me yich' cha'pasel xan, ja' to teme jul tel te ch'ul jwentainwanej, ya me xc'ax juqueb semana. Te calleetic soc joyob ts'ajc' te ya yich'ix xan pasel ta Jerusalén, ya me xjalajic cheb xchanwinic (62) semana, pero ta spisil in c'aal to, ay me bayal wocol a.

Daniel 11:22

Jc'axel me ya slajin te mach'a ay yip ya xtal ta stojole, soc ya me smil te mach'a swentainej te trato.