Daniel 8:10 - Bible in Tzeltal de Oxchuc y Tenejapa

¹⁰ Mero bayal muc'ub, c'ot c'alal ta banti ay eq'uetic ta ch'ulchane. Ay la scojt'es tel te eq'uetique, la spech' ta teq'uel,

Bible in Tzeltal Bachajón

¹⁰ Muc'ub bahel ha to c'oht c'alal ta banti ay te tsobolic yu'un te ch'ulchane. Ay la sjin cohel c'alal ta lum j'ohlil te tsobolic yu'un te ch'ulchan soc te eq'uetic, la sts'o'ts'o'tec'ticlan.

Daniel 8:10 Referans Kwoze

Apocalipsis 12:4

Ta sne la smes coel jteb ma oliluc te eq'uetic ta ch'ulchane, soc la xch'oj coel ta balumilal. Te muc'ul chane la stejc'an sba ta stojol te ants te ya x'ayinix te yale, swenta yu'un ya me sbic'bey ta ora te c'alal ya x'ayine.

Isaías 14:13

Ja'at la awal ta awo'tan: “Ya xmoon bael c'alal ta ch'ulchan, ya xba cac' muc'ul nactijib tey a ta sjelawel te eq'uetic yu'un Dios. Ta toyol ya xc'o najc'an jba ta stojol norte, ja' te bay wits te banti ya stsob sbaic te mach'atic ay yu'ele.

Daniel 8:7

Jich la sc'asbey ta xchebal te xulube. Te tat chij jc'axel laj yip, jich ma ba ju' yu'un te ya stsac sba soque. Te tat tentsun la sjip ta lum te tat chij, la spech' ta teq'uel, ma'yuc mach'a ju' te coltayot yu'une.

Daniel 7:7

“Te xchanebal muc'ul chambalam la quile, mero ilaybil sba soc xiweltic sba, soc mero bayal yip ta jyalel. Ay buen muq'uic sbaquel ye, taq'uin te yee. Spisil la sbic' soc la sjin, soc la spech' ta teq'uel te sobraile. Te chambalam, ma pajaluc soc te yantic la quil ta jwaiche, melel ay lajunch'ix xulub ta sjol.

Daniel 11:28

Te muc' ajwalil te talem ta norte, ya sujt' bael ta slum-sq'uinal. Ya me yich' bael spisil te biluquetic la yu'unin ta guerra. Patil ya me scontroin te ch'ul trato. Ya xc'ot ta pasel yu'un te bila ya xchape, patil ya me sujt' bael ta slumal.

Daniel 11:30

Te soldadoetic yu'un ya me x'ac'botic guerra yu'un soldadoetic te ya xtalic ta stojol smalib c'aal, ya me x'ic'otic tel ta barcoetic. Te c'alal ya x'u'uninot yu'un te xiwele, ya me sujt'ic bael. Te muc' ajwalil ta norte ya st'omes bael ta stojol te ch'ul trato te slab yo'tane. Jun yo'tan ya xc'ot soc te mach'atic la xch'ayic ta yo'tanic te trato swenta yu'un ya yac' sbaic ta abatinel yu'un a te muc' ajwalile.

Jeremías 48:26

Yacubtesaic te Moab, melel la stoy sba ta stojol te Cajwaltique. Jich yu'un te Moab ya me sbalan sba ta xe, spisilic ya me yich'ic labanel.