Daniel 8:1 - Bible in Tzeltal de Oxchuc y Tenejapa

¹ Ta yoxebal ja'wil yich'bel yat'el ta ajwalil a te Belsasar, jo'on Danielon ay bi yan la quil, ma ja'uc nax te bila la quil ta neelal toe.

Bible in Tzeltal Bachajón

¹ Ta yoxebal ha'bil yochel ta ajwalil a te Belsasar, ho'on Daniel la jquil nahalsitil, yan a te la jquil ta nahil to.

Daniel 8:1 Referans Kwoze

Daniel 7:1

Ta sbabial ja'wil yat'el ta mandalteswanej a te Belsasar ta Babilonia, ta jun ajc'ubal ay bitic la yil la yaiy ta swaich te Daniel. Te c'alal wijc' sit ta wayele, la sts'ibuy te bitic tulan sc'oplal la yil ta swaiche. Ja' la sts'ibuy in to:

Daniel 11:4

Pero te c'alal chapalix yu'un a te bay c'alal yu'uninej, ya me yich' jinel, soc ya me yich' pasel ta chansejp. Te yip te muc' ajwalil ma xju' ya xc'ax ta stojol patil alnich'anetic yu'un, soc ma sta jich yip ya xc'ot te bit'il c'ot ta pasel ta neelal toe, melel ya me yich' xatel. Yantic meix mach'atic ya x'ochic ta ajwalil yu'un a te juju-jsejp q'uinale.

Daniel 10:7

Jo'on nax jtuquel la quil te bila ay ta ilel yaiyele. Te yantic winiquetic joineje, ma'yuc bila la yilic stuquelic. Melel mero u'uninotic yu'un te xiwele, jich animal ba snac' sbaic stuquelic.

Daniel 10:2

Te c'alal jich c'ot ta pasele, jo'on Danielon oxeb semana yacon ta mel-o'tan yu'un.

Daniel 9:2

Ta sbabial ja'wil yich'bel yat'el ta mandalteswanej a, jo'on Danielon yacon ta snopel te sjun j'alwanej yu'un Dios te Jeremías sbiile, te banti ay sc'oplal te lajuneb xchanwinic (70) ja'wil ya xc'ax a, te ya sts'acaj te jayeb c'aal jinem te Jerusalén, jich nix te bit'il albot yu'un Cajwaltic te j'alwaneje.

Daniel 8:15

Te bi ora yacon ta sna'ulayel a te bila la quil la caiye, yacon ta sna'el bit'il ay sc'oplal, ora nax chicnaj ta jtojol nojq'uetalil, pajal soc winic yilel.

Daniel 7:28

“Ja' slajibal ta alel te c'op in to. Jo'on Danielon, bayal bila tal ta jol yu'un, soc mero ch'ay jch'ich'el yu'un, pero ma'yuc mach'a la calbey te c'ope”, xi' te bila ts'ibubil yu'un te Daniele.

Daniel 7:15

“Jo'on Danielon, la caiy la yu'uninon te xiwele, melel mero tulan sc'oplal ta co'tan la caiy ta spisil te bitic la quile.

Ezequiel 1:1

Jo'on te sacerdote Ezequiel te snich'anon Buzi. Ay jun c'aal te ayon ta sti'il muc'ja' Quebar a, te ay ta sq'uinal Babilonia, soc ja' nix joy te yantic te ic'oton ta mosoil soque. Ja' yorail a la sjam sba te ch'ulchane, ac'boton quil te Diose. Yo'ebal c'aal a te xchanebal u, te slajunebal xcha'winic (30) ja'wile, jo'eb ja'wil sbael a te ic'ot bael ta chuquel te muc' ajwalil cu'untic Joaquín. Te Cajwaltic la yac' tel yu'el ta jtojol.

Daniel 1:17

Ta xchanebalic te queremetique, Dios ac'bot sp'ijil yo'tanic yu'un, soc ac'bot sna'ic ta lec te bit'il ay sc'oplal spisil ta jchajp libroetic soc spisil p'ijililetic. Te Daniel ya sna' yalbeyel sc'oplal spisil ta jchajp waichiletic soc te bitic ya x'ac'bot yil ya yaiye.

Daniel 8:2

Te c'alal ay bila yacon ta yilel la caiy ae, ayon ta lum Susa ta jsejp sq'uinal Elam, ta sti'il muc'ja' Ulai la caiy.