Daniel 7:22 - Bible in Tzeltal de Oxchuc y Tenejapa

²² ja' to te c'ot te Mamale te la xchajban ta stojil te lum yu'un te Dios mero toyole. Melel c'otix yorail sc'aalelal te ya yu'uninix spasel ta mandal te lum yu'un te Diose.

Bible in Tzeltal Bachajón

²² ha to c'alal tal te jtuhl Mamal, la schahpan ta stojil te mach'atic ch'uhltesbilic yu'un te Mach'a mero toyol ay, soc c'oht yorahil te mach'atic ch'uhltesbilic la yu'untayic te ban c'alal ay ta cuentahinel.

Daniel 7:22 Referans Kwoze

Daniel 7:18

Pero ta patil, te mandalteswanej yu'unique, ya me yich' ac'beyel ta swenta te lum yu'un Dios mero toyole, ja' me ya yu'uninic sbajt'el q'uinal stuquel’, xi'.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

Apocalipsis 5:10

La awac'beyix yat'elic ta ajwalil soc ta sacerdoteil ta stojol te Dios cu'untique, soc ya me xmandalajic ta balumilal”, xiic ta c'ayoj.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

2 Tesalonicenses 2:8

Teme ya yich' loq'uesele, ya me xchicnaj te mach'a mero jmulawil winique. Te Cajwaltic Jesuse ta sjab nax ye ya smil. Tic' ya sjinbey yu'el a te bit'il ya xchicnaj tel soc yip yu'el te Cajwaltique.

San Mateo 19:28

Te Jesús jich la yalbey yaiyic: —Jamal ya calbeyex, te bi ora ya yich' pasel ta yach'il spisil te bitic aye, te c'alal ya snajc'an sba ta bay yutsil smuc'ul nactijib te Nich'anile, ja'ex uuc te ajoinejique ya me x'ac'botex anactijibinic lajchayeb muc'ul nactijibaletic, yu'un ya me awaiyic chajbanwanej ta stojol te lajchaychajp israeletique.

Apocalipsis 1:6

soc la yac'otiquix ta ajwalil soc ta sacerdoteil te jich ya yabatinotic te Diose, ja' te Stat te Jesucristoe. Jelawenuc me yutsilal soc ayuc me tulan yat'el sbajt'el q'uinal stuquel. Jichuc.

Isaías 63:4

Jnopojix te ya sta sc'aalelal te ya jpas chajbanwaneje; c'otix yorail te ya x'ainic ta libre te lum cu'une.

Daniel 7:23

“Jich la yalbon: ‘Te xchanebal te muc'ul chambalam, seña me xchanebal jmandalteswanej te ya xchicnaj ta sba te balumilale, ma pajaluc soc ta spisil te yantique. Ya me sbic' c'oem ta spisil te balumilal, ya me spech' ta teq'uel soc ya me slajin.

Salmos 149:5

Bayaluc me yutsil q'uinal ya yaiyic yu'un te tsalaw, ja' te mach'atic jun yo'tanic ta stojol; manchuc teme wayalex c'ajinanic ta swenta sbujts' q'uinal.