Daniel 7:21 - Bible in Tzeltal de Oxchuc y Tenejapa

²¹ Te jich la quil yac ta yaq'uel guerra te lum yu'un Dios asta la stsalbey te lum yu'une,

Bible in Tzeltal Bachajón

²¹ La jquil te xulubil ini yac ta ya'beyel guerra te mach'atic ch'uhltesbilic, soc yac stsalbel,

Daniel 7:21 Referans Kwoze

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Daniel 8:24

Mero bayal me yip ya xc'ot, pero ma nix mero yu'unuc te yipe; c'ax bayal ya xlajinwan, spisil me ya xju' yu'un te bi ya spase. Ya me slajin te winiquetic bayal yipique, soc ay me ya slajin te lum yu'un te Diose.

Apocalipsis 17:6

La quil te antse yacuben yu'un xch'ich'el te mach'atic ch'ul lum yu'un te Diose soc te xch'ich'el te mach'atic la yich'ic milel yu'un te la yalic ta jamal te xch'uunejic te Jesuse. Te c'alal la quile, cham nax la caiy yu'un.

Apocalipsis 19:19

Soc la quil te muc'ul chambalam te xi'bantic sbae soc te muc' ajwaliletic te ayic ta balumilale soc te soldadoetic yu'unique. Spisilic stsoboj sbaic ta yaiyel guerra soc te mach'a cajal ta saquil caballo soc ta spisilic uuc te soldadoetic yu'une.

Daniel 8:12

Ta scaj te sbolile, la yal mandal te och ta scampamento soldadoetic yu'un te banti la yich' ac'beyel milbil smajt'an te Diose, la xch'oj coel ta lum c'oem te smelelil c'ope. Spisil bila la sc'an yo'tan la spas, spisil ju' yu'un spasel.

Daniel 11:31

“Te soldadoetic yu'un ya me sboltesbeyic te templo soc te anjibal yu'une, ya me scom ta aq'uel te milbil smajt'an Dios swenta jujun c'aale. Ja' me ya yac' tey a te bila mero ilaybil yu'un te Diose.

Daniel 7:20

Soc ja' nix jich co'tanuc xcaiybey sc'oplal te lajunch'ix xulube, soc nix te yan xch'in xulub te ay bayal site, te ay ye banti ya yalbey sc'oplal te bitic puro swenta toybaile, te c'axem jich smuc'ul a te bit'il te yantic xulubiletique, soc te oxeb xulubiletic te la yich' bulel loq'uel swenta sjojch'obtesel yawile.

Daniel 8:9

Pero ay jun te xulub te loc' xan tel yan ch'in xulubil tey a, te mero bayal najt'ub bael ta stojol sur, ta stojol sloq'uib c'aal, ta stojol te Lumq'uinal Mero T'ujbil te xi' sbiile.