Daniel 7:13 - Bible in Tzeltal de Oxchuc y Tenejapa

¹³ “Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

Bible in Tzeltal Bachajón

¹³ La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

Daniel 7:13 Referans Kwoze

San Mateo 26:64

La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

San Lucas 21:27

Jich me ya yilic te Nich'anile te yac ta talel ta tocal soc yu'el soc bayal xojobil te yutsilale.

Apocalipsis 14:14

Ay yan la quil: Ja' te saquil tocale, soc ay mach'a nacal ta sba te ja' pajal soc te Nich'anile. Ay scorona ta sjol te pasbil ta oro, soc ay ta sc'ab te os te ay yee.

San Mateo 24:30

Jich me ya xchicnaj ta yolil ch'ulchan te seña yu'un te Nich'anile. Spisil ta jchajp ants-winiquetic te ayic ta balumilale ya me xcaj yoq'uetay sbaic, soc ya me yilic te Nich'anile. Ya me yilic te ya xtal ta bay tocal ta sjamalul ch'ulchan soc yu'el soc ay bayal xojobil te yutsilale.

San Marcos 13:26

Jich me ya xchicnaj tel ta tocal ta sjamalul ch'ulchan te Nich'anile. Ay me bayal yu'el soc xojobil te yutsilale.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

Apocalipsis 1:13

Soc la quil ta yolil te jucch'ix xtuchtijib c'ajc' te ja' pajal yilel soc te Nich'anile. C'alal ta lum te snajt'il c'u' slapoje. Te xchujq'uil xch'ujt'e pasbil ta oro soc chucul c'alal ta yo'tan.

San Mateo 13:41

Te Nich'anile, ya me sticun te ch'ul abatetic yu'une. Ya xba stsobic loq'uel te mach'atic ya syaleswanic ta mulile soc te mach'atic ya spasic bayal ta jten muliletique.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Hechos 7:56

Jich la yal te Estebane: —Ilawilic, jamal ya quil te ch'ulchane. Tey teq'uel ta bay swa'el Dios ya quil te Nich'anile —xi'.

Hebreos 9:24

Melel te Cristoe, ma teyuc och bael a ta bay te templo pasbil ta sc'ab ants-winiquetic te ja' seña to nax te mero temploe. Tey och bael stuquel ta bay te ch'ulchane, tey yac'oj sba ta ilel ta stojol Dios cu'untic ta ora to.

Daniel 7:22

ja' to te c'ot te Mamale te la xchajban ta stojil te lum yu'un te Dios mero toyole. Melel c'otix yorail sc'aalelal te ya yu'uninix spasel ta mandal te lum yu'un te Diose.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

Hebreos 2:14

Te bit'il ch'ich'-baq'uet ayic te “alnich'anetic” te xie, jich nix ch'ich'-baq'uet c'ot uuc te Jesuse, swenta yu'un jich ju' yu'un tsalaw a te bit'il laje. Jich ju' yu'un te la slajinbey yip yu'el te lajele, ja' bi ja' te pucuje.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

Daniel 7:9

“Tey yacon ta yilel a, la quil chicnaj muc'ul nactijibaletic, ay jtul Mamal yilel najc'aj tey a. Te sc'u' mero sac jichuc toib; te stsotsil sjol pajal soc buen saquil stsotsil chij te buen saque. Te smuc'ul nactijib soc te ruedaetic yu'une, puro c'ajc' yilel,

Ezequiel 1:26

Ta sba te bila joyole, ay bila la quil tey a, jich yilel te bit'il jun muc'ul nactijibal pasbil ta t'ujbil yaxal ton. Ta sba te bila pajal soc muc'ul nactijibal yilele, ay mach'a ay tey a, pajal soc winic yilel.

Salmos 47:5

Te Cajwaltic Diose moix ta smuc'ul nactijib, joytaybil ta aw swenta yutsil q'uinal soc bayal yacal ta oq'uesinel oq'uesetic.

San Juan 12:34

La yal te ants-winiquetique: —Caiyojtic stojol te bit'il ya yal te mandalil cu'untic te stalel cuxul sbajt'el q'uinal te Cristoe. ¿Bit'il ay a te jich la awal te puersa ya xjijp'anot te Nich'anile. ¿Mach'a a te Nich'anil ya awale? —xiic.

San Juan 5:27

Soc ac'bot yich' yat'el ta chajbanwanej te Nich'anile.

Jeremías 49:19

Talon meix a te ya awile, jich bit'il león-choj ya xloc' tel ta pimil ja'mal ta ti'ti'ja' Jordán, te ya yantay bael ta bay unin aquiltic. Tey me ya cac' x'anic loq'uel a te mach'atic ay ta Edom, ya me cac' xmandalaj ta ajwalil tey a te mach'a ya sc'an co'tan ya jtsae. Melel ¿mach'a ya spajon te jo'one? ¿Mach'a ya xju' ya stsalon? ¿Mach'a jcanan-chij c'oem te ya xju' scontroinone?

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

San Lucas 24:27

Jich jajch' xcholbey spisil te bila ts'ibubil jilel ta Sjun Dios te bit'il ay sc'oplal te Cristoe. Tey jajch' ta Moisés ja' to c'alal ta slajibal te namey q'uinal j'alwanejetic yu'un te Diose.

1 Tesalonicenses 4:17

Ta patil te jo'otic te cuxulotic to jilele, maj nax ya x'ic'ototic moel soc ta tocal. Jich ya xc'o jta jbatic soc ta sjamalul ch'ulchan te Cajwaltique. Jich ya xc'o join jbatic soc sbajt'el q'uinal te Cajwaltique.

Salmos 110:2

C'alal to ta Sión ya yac'bat ta ac'ab Cajwaltic te abastón, seña yip te awat'ele. Mandalajan atuquel ta stojol te acontrotaque.

Daniel 7:2

“La quil ta jwaich ta xchanxujc'ul q'uinal tal ic', te la sjujch'iy soc la yac'bey stij sba te ya'lel muc'ul mar.

Daniel 7:12

Ja' nix jich te yantic muc'ul chambalametic, la yich'ic pojbeyel te yipique. Pero ma ba la yich'ic milel stuquelic, jilic to ja' to teme c'ot yorailique.

Daniel 8:15

Te bi ora yacon ta sna'ulayel a te bila la quil la caiye, yacon ta sna'el bit'il ay sc'oplal, ora nax chicnaj ta jtojol nojq'uetalil, pajal soc winic yilel.

Salmos 2:8

C'anbon te ya cac'bat te lumetic swenta yu'un ya me awu'unin, jo'on me ya cac'bat ja' to ta bay slajibal te balumilale.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.