Daniel 6:8 - Bible in Tzeltal de Oxchuc y Tenejapa

⁸ Ja' yu'un ya jc'antic te ya awac'bey xan yip te bila chapal cu'untic, soc ya awac' afirma, swenta yu'un ma me xju' ta jinel, jich te bit'il ya yal te ley yu'un te medoetic soc te persaetic, te ma xju' ta yantesele —xiic.

Bible in Tzeltal Bachajón

⁸ Yo'tic, ajwalil, pasa ta mandar soc pasa firmar scuenta yu'un ma xhu' ya yich' yanijtesel, hich te bin ut'il ay te ley yu'un Media soc Persia, te ma xhu' ta lajimbeyel sc'oblal, xchihic.

Daniel 6:8 Referans Kwoze

Daniel 6:15

Pero te winiquetic cha'c'otic xan ta stojol te muc' ajwalile, jich c'o yalic: —Muc' ajwalil cu'untic, ana'oj ta lec te bit'il ay te ley yu'un te medoetic soc persaetic, te spisil bila swenta comel, o c'op chapal, te yac'oj sfirma tey a te muc' ajwalil, ma xju' ta yantesel —xiic c'oel.

Ester 1:19

Ja' yu'un, teme lec ya awaiye, te ja'at te muc' ajwalilate, ac'a me ta puquel ta alel te mandalil in to, soc ac'a yich' aq'uel ochel ta sjunal leyetic yu'un persiaetic soc mediaetic, swenta yu'un jich ma xju' ya yich' c'axintayel a, ja' in to: “Te antsil-ajwalil Vasti ma'yuquix bi ora ya xju' ya stejc'an sba ta stojol muc' ajwalil”, xi' me. Te bit'il yich'oj aq'uel yat'el ta antsil-ajwalil, ya me yich' pojel, swenta yu'un ya me yich' aq'uel yan ants te mero snujp' stuquele.

Daniel 6:12

Jich ora ba sc'oponic te muc' ajwalile, swenta yu'un ya yalbeyic sc'oplal te c'op chapale, jich c'o yalbeyic: —Te ja'at te muc' ajwalilat, la apuc ta alel chajbanbil c'op, te banti ya yal teme ay mach'a ya yalbey wocol biluc diosil o winic ta sjunal te lajuneb xcha'winic (30) c'aal, teme ma ja'ucat te muc' ajwalilate, ya me yich' ch'ojel ochel ta xch'en león-chojetic, ¿Ma bal jichuc? —xi'. La sjac' te muc' ajwalil: —Jich nix a, melel te bi chapale, ya me xc'ot ta pasel, jich te bit'il ya yal te ley yu'unic te medoetic soc persaetic, te ma xju' ta yantesele —xi'.

Isaías 10:1

¡Ya me awil awocolic! Yu'un ya achajbanic mandaliletic yu'un uts'inel, soc ya apuquic bael te bitic chajbanbil awu'unic te mero ma xcujch'e.

Ester 8:10

Te cartaetic ja' la yich' pasel ta swenta te muc' ajwalil Asuero, soc ac'bot yich' te sello yu'une. Jich la yich' ticunel ta correoetic te moemic ta caballoetic te mero ya x'animajique, te ja' nix te caballoetic yu'un te muc' ajwalile.

Ester 3:12

Ta yoxlajunebal c'aal a te u swenta xjajch'ibal te ja'wile, la yich'ic iq'uel te secretarioetic yu'un muc' ajwalil. Ja'ic la sts'ibuyic te smandal te Amán, ja' te la sticunbey ta stojolic te ajwaliletic ta juju-jpam q'uinal soc te mach'atic yich'oj yat'elic ta jujun nación swentainej te muc' ajwalile. Te mandaliletic in to la yich' ts'ibuyel ta sletraic nix, soc ta sc'opic nix te juju-jpam q'uinal soc te jujun lume. La yich' pasel ta swenta te muc' ajwalil Asuero, soc la yich' te sello yu'un te muc' ajwalile.

Ester 8:8

Yo'tic, ya cac'beyex permiso swenta yu'un ya apasic cartaetic ta swenta jbiil jo'on. Ya xju' ya ats'ibuyic ta jun te bila ya amulanic te yutsil-slequil ya xc'ot ya awaiyic a te judioetique. Ac'beyaic sello te cartaetic, ja' xatuuntesic te sello cu'un te muc' ajwalilone —xi'. (Te jun carta yich'oj pasel ta swenta te muc' ajwalile, soc teme ja' nix yich'oj te sello yu'une, mero ma xju' ta lajinel sc'oplal.)

Ester 8:3

Ta patil te Ester la xcha'c'opon xan te muc' ajwalile, la spajc'an sba ta ye'tal yacan, soc yac ta oq'uel. La yalbey wocol te yacuc yal mandal te ya yich' jinel te sbol mandal Amán, soc te manchuc ya xc'ot ta pasel te bila chapal yu'un ta swenta slajinel te judioetique.

San Mateo 24:35

Ya xlaj te ch'ulchane soc te balumilale. Yan te jc'ope ma xlaj sc'oplal stuquel.

Daniel 5:28

PARSIN te xie, te bay c'alal awentainej ta muc' ajwalile, la yich'ix xet'el soc ya me yich' ac'beyel medoetic soc persaetic, xi' c'oem —xi' te Daniel.

Salmos 94:21

Ya xchajbanbeyic sc'oplal te mach'a ma'yuc bila amen spasoj, ya yaq'uic bael ta lajele.