Daniel 6:7 - Bible in Tzeltal de Oxchuc y Tenejapa

⁷ —Ta jpisiltic te ya jwentaintic te nacione, la jpastic tsoblej te banti la yich' chapel te ya yich' puquel ta alel chajbanbil c'op ta awenta, ja'at muc' ajwalil, te banti ya yal mandal te lajuneb xcha'winic (30) c'aal, ma'yuc mach'a ya yalbey wocol ni junuc dios, ni jtuluc winic, ja'at nax atuquel ya yich' alel wocol ta atojol. Te mach'a ma ba ya xch'uune, ya me yich' ch'ojel ochel ta xch'en león-chojetic.

Bible in Tzeltal Bachajón

⁷ Spisil te gobernadoretic yu'un te ban c'alal jcuentahinejtic, te j'il-a'teliletic, schebal ajwaliletic, príncipaletic soc capitanetic la schap sc'opic te ay bin ya yal ta mandar te ajwalil soc ya yac' te ya xc'oht ta pasel, ha te mach'ayuc a te ay bin ya sc'ambe jtuhl dios o jtuhl winic ta lajuneb scha'winic (30) c'ahc'al, te ma ba atuquel nax ya sc'ambat, ya yich' ch'ojel ochel ta sch'en chojetic.

Daniel 6:7 Referans Kwoze

Salmos 59:3

Melel ay winiquetic bayal yipic te ya smaliyic te bi ora ya xju' ya smilonique.

Daniel 3:27

Ta spisilic te mach'atic yich'oj yat'elic yu'un te nacione, te jayebic tey ayic ae, talic noptsajic tel ta stojolic te oxeb winiquetique. La yilic ta lec te mero ma'yuc chic'bot sbaq'uetalic yu'un te c'ajq'ue, ni jxujt'uc tsacbot ta c'ajc' te stsotsil sjolique, soc ni ayuc bila la spas jxujt'uc te sc'u'-spaq'ue, soc ni ayuc chican ta aiyel yic' bila c'ajq'uem yu'unic.

Daniel 3:6

Spisil te mach'atic ma ba ya sc'an ya squejan sbaic ta xch'uunel te loc'ombae, ora me ya yich'ic ch'ojel ochel ta horno yu'un c'ajc' te yaquix ta tilele —xi'.

Daniel 3:2

Ta patil la sticun ta iq'uel ta spisilic te ajwaliletic yu'un juju-jpam lum, capitanetic yu'un soldadoetic, ajwaliletic yu'un juju-jsejp q'uinal, jtojteswanejetic, tesoreroetic, juecetic, mach'atic tulan yat'elic, soc yantic mach'atic yich'oj yat'elic ta jsejpelsejp q'uinal, swenta yu'un ya me xc'otic ta yorail spasbeyel sq'uin te loc'omba la yac' ta pasel te muc' ajwalile.

Salmos 62:4

Ja' nax baem ta awo'tanic sna'el bi ya awut ya awaq'uic yalucon; te bi mero ya amulanic, ja' te lote. Ya awalbonic yutsil jc'oplal ta aweic, pero ya awalbonic bol c'op ta awo'tanic.

San Juan 12:10

Jich yu'un te jwolwanej-sacerdoteetique la xchajbanbeyic sc'oplal ta milel uuc te Lázaroe,

San Marcos 15:1

Te c'alal sacubix a te q'uinale, te jwolwanej-sacerdoteetic, te principaletic, te jts'ibojometic, soc ta spisil te Muc'ul Tsoblej yu'unique, la stsob sbaic ta xchapel sc'opic. Jich la xchuquic bael te Jesuse. Ba yac'beyic ta sc'ab te Pilatoe.

San Mateo 26:4

Jich la xchapic te bi ya yut ya stsaquic ta muquen te Jesuse, swenta yu'un ya smilic.

San Mateo 12:14

Jich te fariseoetique loq'uic bael. Ba snopic te bi ya yut ya smilic te Jesuse.

Salmos 10:9

Jich yilel te bit'il león-choj ta bay snailch'ene, snac'oj sba ta yilel a te me'bae, yac ta smaliyel, yu'un ya slumtay. Te c'alal ya xju' yu'un syaquele, ya stas bael.

Nahúm 2:12

Te león-choj la stsac smil te bila la stae, la spucbey te yantsilel soc te alal león-chojetic yu'une. Noj ta milbil chambalam te nailch'en yu'unique.

Miqueas 6:5

Lum cu'un, na'a me yo'tic te bitic chapal ta yo'tan te Balac te muc' ajwalil yu'un Moab, soc te bila sujt'ib sc'op la yac' te Balaam snich'an Beor. Na'a me c'alal ayat ta Sitim te c'axat bael ta Gilgal, soc na'a ta lec te la caiy tsalaw ta bayuc —xi' te Cajwaltique.

Daniel 3:11

Te mach'a ma ba ya spase, ya me yich' ch'ojel ochel ta horno te banti tulan yac ta tilel te c'ajq'ue.

Salmos 94:20

Te ja'at ma xju' ya ajoin te mach'atic ma stojiluc ya xchajbanwane, te ma lecuc ya x'at'ejic soc te ma ja'uc ya stuuntesic te mandaliletique.

Salmos 2:2

Te muc' ajwaliletic soc te yantic ajwaliletic ta balumilal ya stoy sbaic, jun nax ya yac' sbaic ta xchajbanel sc'oplal te Cajwaltic soc te muc' ajwalil te tsabilix yu'une.

Salmos 83:5

Ay bila la xchapiquix ta swenta acontroinel, la spajix sc'opic ta jun nax te winiquetique:

Daniel 6:16

Ja' yu'un te muc' ajwalil la sticun ta iq'uel te Daniel, swenta yu'un ya xch'ojic ochel ta xch'en te león-chojetique. Pero te c'alal ma to ba ch'ojbil coel a te Daniel, jich albot yu'un te muc' ajwalile: —Te Dios awu'une, ja' te mero jun awo'tan awac'oj aba ta abatinel yu'un, ac'a scoltayat —xi'.

Salmos 59:5

Jajch'an Cajwal, Diosat te Spisil ya xju' awu'une, Diosat yu'un te Israele. Ac'beya castigo te mach'atic ma ba xch'uunejat; ma me xac'uxtay te mach'atic amen yo'tanic te ya x'ac'awanic ta c'abale.

Daniel 2:4

Te mach'atic bayal bi sna'ojique, c'opojic, jich la yalbeyic te muc' ajwalile: —¡Muc' ajwalil, sbajt'el q'uinal cuxulat! Ala caiytic te awaiche, jo'otic te abatotic awu'une, ya me caltic awaiy te bi swentaile —xiic.

Daniel 6:22

Te Dios cu'un la sticun tel ch'ul abat yu'un, ja' la smacbey ye te león-chojetique. Jich ma'yuc bila la spasbon te león-chojetique, melel sna'oj te Dios te ma'yuc bila amen jpasojbat ta atojol te muc' ajwalilat cu'untique —xi'.