Daniel 6:5 - Bible in Tzeltal de Oxchuc y Tenejapa

⁵ Pero ma ba laj yo'tanic yu'un, puersa ay bila la snopic a, jich la yalic: —Ma ba ya jtatic bit'il ya jlebeytic smul te Daniel teme ma ja'uc ta swenta te bila xch'uuneje —xiic yu'un.

Bible in Tzeltal Bachajón

⁵ Ha yu'un hich la yalic: Ma ba ya jtahtic bin ut'il ya jlehbetic smul te Daniel, ha nax teme ay bin ya jtahbetic smul ta scuenta te ley yu'un te Dios yu'une, xchihic.

Daniel 6:5 Referans Kwoze

Ester 3:8

Ja' yu'un te Amán jich la yalbey te muc' ajwalil Asuero: —Ta spisil te lumetic te smacoj te juju-jpam q'uinal awu'uninej ta mandalteswanej, ja'at te muc' ajwalilate, ay jtsob te parte yac'oj sba ta stojol te yantique. Ay leyetic yu'un te ma pajaluc soc te yu'un te yantic lumetique, soc ma sc'an spas te bila mandal awaloj te ja'at te muc' ajwalilate. Ma lecuc te ya x'ainic xan ta atojol tey ta banti ya spasawanat ta mandale.

1 Samuel 24:17

jich la yal: —Buen lec te bi la apas te ja'ate, melel buen lec sujt'ib la awac'bon te bitic amen yacon ta spasel ta atojole.

1 Samuel 29:3

Te ajwalil-filisteoetic la sjojc'obeyic te Aquis: —¿Ja' xan te hebreoetic, bi ya spasic li'to? —xiic. Jac'botic yu'un te Aquis: —Ja' te David te ay ta abatinel yu'un Saúl ta neelal to, te muc' ajwalil yu'un Israel, pero ayix ja'wil te li' joineje. Ja' to nix te c'alal jul tel ta jtojol, c'alal ora ma'yuc bi falta jtaojbey —xi'.

Jeremías 29:7

At'ejanic me ta swenta te lum ta bay la cac'at bael ta mosoile, soc c'anbon me coltayel ta stojol te lum, melel ta swenta te slequilal te lume, tey me ya xtal a te alequilalic te ja'exe.

Salmos 37:32

Te mach'a amen yo'tane ya snac' sba ta smacliyel te mach'a lec yo'tane, yu'un snopoj ta yo'tan te ya smile;