Daniel 6:16 - Bible in Tzeltal de Oxchuc y Tenejapa

¹⁶ Ja' yu'un te muc' ajwalil la sticun ta iq'uel te Daniel, swenta yu'un ya xch'ojic ochel ta xch'en te león-chojetique. Pero te c'alal ma to ba ch'ojbil coel a te Daniel, jich albot yu'un te muc' ajwalile: —Te Dios awu'une, ja' te mero jun awo'tan awac'oj aba ta abatinel yu'un, ac'a scoltayat —xi'.

Bible in Tzeltal Bachajón

¹⁶ Ha yu'un te ajwalil la yal mandar te ya sticonic ta iq'uel te Daniel, hich la sch'ojic ochel ta sch'en te chojetique. Te ajwalil hich la yalbe te Daniel: Te Dios awu'un, te spisil ora awac'oj aba ta a'batinel yu'une, ac'a scoltayat, xchi.

Daniel 6:16 Referans Kwoze

Job 5:19

Ta spisil ora ya scoltayat loq'uel a te bila chujc'ule, ma xyac' te ya staat te bitic amene.

Daniel 3:28

Te Nabucodonosor c'opoj ta ora, jich la yal ta tulan: —Bin nax yutsil yu'el stuquel te Dios yu'un Sadrac, Mesac, Abed-nego, te la sticun tel ch'ul abat yu'un ta scoltayel te abatetic yu'un te jun yo'tanic ta stojole, te ja'ic te ma ba la xch'uunbonic jmandal jo'on te muc' ajwalilone, te la spas ta yo'tanic te manchuc me ya xlajic ta milel yu'un, pero ma ba la squejan sbaic ta xch'uunel yan dios te ma ja'uc te Dios yu'unique.

Isaías 43:2

Teme ay ya xc'axat ta mar, tey me ayon ta atojol; teme ay ya at'un c'axel muc'ja', ma ba ya ajic'an. Teme ay ya xc'axat ta c'ajc', ma ba ya xc'ajc'at; ma ba ya xchic'at te c'ajq'ue.

2 Samuel 3:39

Ja' yu'un te jo'one, manchuc me jo'on te muc' ajwalilon te tsabilon yu'un te Diose, pero ma'yuc quip ya caiy yu'un te bi la sjowil spasic te yalatac Sarvia. Ja' ac'a ac'botuc yu'un te Cajwaltic te bi yilel stojol ya sc'an te mach'a la spas te bi amen ta pasele —xi' te David.

Daniel 3:17

Melel te jo'otique, ay Dios cu'untic te ch'uunbil cu'untique. Te Dios cu'untic ja' me ya scoltayotic ta c'ajc' ta horno, soc ta spisil te bitic amen ya ac'an ya apas ta jtojoltique. Ya me scoltayotic stuquel.

Daniel 6:20

Te c'alal noptsaj bael te muc' ajwalile, bayal ay ta mel-o'tan a te la sc'opon te Daniel, jich la yalbey: —Daniel, abat yu'un te cuxul Diose, ¿la bal scoltayat ta ye león-chojetic te Dios awu'une, ja' te mero jun awo'tan awac'oj aba ta abatinel yu'une? —xi'.

Hechos 25:11

Teme ay bila muc' amen jpasoj te ya sc'an ya quich' milel yu'une, ac'a lajucon abi. Yan teme ma meleluc xujt'uc spisil te bila jmulinej ta sc'opique, ma'yuc mach'a ya xju' ya yac'on ta sc'abic. Ja' ya jc'an te ya xba quich' chajbanel yu'un stuquel te muc' ajwalil César —xi' te Pabloe.

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Romanos 13:3

Melel te mach'atic yich'oj tulan yat'elique, ma ja'uc yich'oj yat'elic ta xiwtesel te mach'atic lec yat'elique. Ja' ya xiwtesic te mach'atic amenique. Teme ya ac'anic te ma ba ya xiwex ta stojol te ajwaliletique, pasaic me te bila leque. Jich me lec ac'oplalic yu'un.

Daniel 6:7

—Ta jpisiltic te ya jwentaintic te nacione, la jpastic tsoblej te banti la yich' chapel te ya yich' puquel ta alel chajbanbil c'op ta awenta, ja'at muc' ajwalil, te banti ya yal mandal te lajuneb xcha'winic (30) c'aal, ma'yuc mach'a ya yalbey wocol ni junuc dios, ni jtuluc winic, ja'at nax atuquel ya yich' alel wocol ta atojol. Te mach'a ma ba ya xch'uune, ya me yich' ch'ojel ochel ta xch'en león-chojetic.

Daniel 3:15

¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

Jeremías 38:5

Te muc' ajwalil Sedequías la sjac'bey sc'opic: —Lec ay, pasbeyaic ta stojol te bila ya sc'an awo'tanique. Te jo'one ma'yuc bila ya xju' ya calbeyex yu'un —xi'.

Jeremías 26:14

Te jo'one ayon ta ac'abic, pasaic ta jtojol te bila ya sc'an awo'tanique.

Hechos 25:9

Ja'uc me to, te Festo la sc'an yo'tan te ya spasbey te bila lec yo'tanic yu'un te judioetique. Jich la sjojc'obey yaiy te Pabloe: —¿Ya bal ac'an xmoat bael ta Jerusalén, swenta yu'un ya awich' chajbanel cu'un tey a? —xi' te Festoe.

Hechos 24:27

Cheb ja'wil jich la spasulay te Felixe. Jich loc' ta ajwalil. Ja' la sjelolin jilel ta ajwalil te Porcio Festo. Te Félix la sc'an yo'tan te lecuc yo'tan ya xjilic yu'un te judioetique, jich la yijq'uitay ta chucjibal te Pabloe.

2 Corintios 1:10

Te Diose ja' la scoltayotic ta libre ta bay in lajel to, te c'axem to xan xiweltic sbae. Soc jujun c'aal ya scoltayotic xan loq'uel tey a. Jich jun co'tantic ya jmaliytic te ya scoltayotic loq'uel spisil ora ta bay te lajele,

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Jeremías 38:6

Jich och ta sc'abic te Jeremías. La yaq'uic coel ta taquin pozo yu'un Malquías te snich'an muc' ajwalile, te ay ta amac' yu'un soldadoetic. La scojt'esic ta lazo. Te bit'il ma'yuc ya'lel te pozo, ja' nax ay ajch'al tey a, jich yu'un te Jeremías ts'ajpaj c'oel yacan ta ajch'al.

Jeremías 39:17

Ja'uc me to, ya me xc'opojon awu'un, swenta yu'un ma x'ochat ta sc'abic te mach'atic ya axi'e. Jo'on Ajwalilon, jich ya cal.