Daniel 6:11 - Bible in Tzeltal de Oxchuc y Tenejapa

¹¹ Jich te winiquetique, pajal ochic bael ta sna Daniel, yac ta sc'oponel Dios soc yac ta yalel yutsilal sc'oplal Dios c'o staic.

Bible in Tzeltal Bachajón

¹¹ Hich te winiquetic la stsob sbahic, la stahic te Daniel yac ta sc'oponel Dios soc yac ta yalbeyel wocol ta stojol te Dios yu'une.

Daniel 6:11 Referans Kwoze

Daniel 6:6

Ja' yu'un te j'il-at'eletic soc te ajwaliletic la xchapic te ya xba sc'oponic te muc' ajwalil Darío. Te c'alal c'otic ta stojol, jich c'o yalbeyic: —¡Muc' ajwalil, sbajt'el q'uinal cuxulat! —xiic c'oel ta stojol.

Salmos 10:9

Jich yilel te bit'il león-choj ta bay snailch'ene, snac'oj sba ta yilel a te me'bae, yac ta smaliyel, yu'un ya slumtay. Te c'alal ya xju' yu'un syaquele, ya stas bael.

1 Reyes 8:48

teme ya sujt'es yo'tan ta atojol ta spisil yo'tanic soc ta spisil xch'ulelic ta nación yu'un scontroic te banti ic'otic bael ta chuquele, teme ya sc'oponat tel ta stojol ta lumq'uinal to te la awac'bey te antiguo me'il-tatiletic cu'untic soc te lum te atsaoj in to, soc te templo la jpasbate,

Salmos 28:2

Aiybon awaiy caw te c'alal ya jc'anbat te jcoltayele, ja' te c'alal ya jtoy bael jc'ab ta stojol te ch'ul templo awu'une.

Salmos 119:164

Juqueb buelta ta jun c'aal ya calbat awutsilal ta scaj te stojil ay te chajbanel awu'une.

Jeremías 51:50

Ja'ex te colex loq'uel ta bay milel, ananic bael, mero ma me xtejc'ajex. Na'aic me te Cajwaltique, manchuc me c'ubul ayexix bael a, soc na'aic me te Jerusalén.