Daniel 6:10 - Bible in Tzeltal de Oxchuc y Tenejapa

¹⁰ Te c'alal la yaiy te Daniel te la yac' sfirma, bajt' ta sna. La sjam te ventanaetic te banti ya xwaye, te ayic ta stojol bael Jerusalén. La squejan sba ta sc'oponel Dios soc ta yalel yutsilal. Jich la spas oxeb buelta ta jujun c'aal, jich nix te bit'il la spas spisil ora.

Bible in Tzeltal Bachajón

¹⁰ Te c'alal la ya'iy te Daniel te yich'oj firma te mandare, baht ta sna, la sjam te ventanahetic ta banti ya xway, te ayic ta stojol bahel te Jerusalén, la squejan sba oxeb buelta jujun c'ahc'al, la sc'opon Dios soc la yalbe wocol, hich te bin ut'il ya spasulan spisil ora.

Daniel 6:10 Referans Kwoze

Salmos 55:17

Ya me jc'an parte ta stojol, soc ya me coq'uetay jba ta stojol ta sacubel q'uinal, ta olil c'aal, soc ta yijc'ubel q'uinal; ja' me ya yaiybon jc'op stuquel.

Hechos 5:29

Te Pedroe soc te yantic jpuc-c'opetic la yalic: —Puersa me ja' ya jch'uunbeytic smandal te Diose, ma ja'uc te winiquetique.

Salmos 95:6

La'ic, la' jquejan jbatic ta xch'uunel; ac'a calbeytic wocol ta stojol te Cajwaltique, melel ja' la spasotic stuquel.

Hebreos 13:15

Jich yu'un ya sc'an te spisil ora ya calbeytic yutsilal Dios ta swenta te Jesucristoe. Ja' milbil smajt'an Dios cu'untic te ya caltic ta jti'tic te yutsil sbiile.

Filipenses 4:6

Ma me ayuc bila ya awac' woclajuc awo'tanic yu'un xujt'uc. Ja' ya sc'an ya ac'oponic Dios yu'un ta spisil. C'anbeyaic Dios te bila ya sc'an te awo'tanique, soc albeyaic me wocol yu'un.

Salmos 34:1

Ya calbey yutsilal sc'oplal Cajwal ta spisil ora; ya me xloc' ta que ta yalbeyel sc'oplal spisil ora.

Salmos 5:7

Yan te jo'one, ta scaj te smuc'ul xc'uxul awo'tane, ya xju' x'ochon ta templo awu'un; ya xju' ya jquejan jba ta atojol soc co'tan, ta yilel bael te ch'ul templo awu'une.

Hechos 9:40

Te Pedro la sticun loq'uel ta spisilic. Jich la squejan sba ta sc'oponel Dios, soc la sujt'es sba ta yilel te animae. Jich la yalbey: —Tabita, jajch'an —xi'. Jich wijc' sit te antse. La yil te tey ay a te Pedroe. Jich la snajc'an sba.

Jonás 2:4

Jich c'oemon la caiy te bit'il jc'axel loq'uesbilon ta atojole; soc jich la jcuy te ma'yuc bi ora ya quilix te ch'ul templo awu'une.

1 Reyes 8:54

Te c'alal laj yo'tan ta sc'oponel Dios te Salomón, te quejel ta stojol scajtijib ta chiq'uel smajt'an Dios, soc te stoyoj sc'ab ta stojol ch'ulchan,

1 Reyes 8:44

“Te c'alal ya xloc' bael ta yaq'uel guerra te scontrotac te lum awu'une, ta bayuc te ya aticun baele, teme la sc'oponat bael ta stojol te lum in to te ja'at atsaoje, soc ta stojol te templo te la jpasbate,

Efesios 3:14

Ja' swentail te ya jquejan jba ta stojol te Stat te Cajwaltic Jesucristoe,

Hechos 10:9

Ta yan c'aalil te bit'il ayiquix ta beele, nopol xc'otiquix ta lum Jope. Jich ora te mo bael ta sba yamac'ul na ta sc'oponel Dios te Pedroe. Olilix c'aal a.

Daniel 6:13

C'opojic xan bael, jich la yalic: —Ja' te Daniel, te ja' jtul sjoy te judioetic te ic'otic tel ta mosoile, ma sc'an xyich'at ta muc' ja'at te muc' ajwalilat cu'untique, soc mero ma sc'an xyich' ta muc' te c'op chapal la apuc ta alele. Yu'un la quiltiquix te yac ta yalel wocol oxeb buelta jujun c'aal ta stojol te Dios yu'une —xiic.

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.

1 Reyes 8:38

aiybeya me sc'op jiche spisil mach'atic ya sc'oponat soc ya xbic'taj ta atojol, mach'auc a, o ta spisil te lum Israel awu'une, te c'alal ya yil teme ay swocole, teme ay bi c'ux obol sba yu'une, teme ya stoy tel sc'ab ta sc'oponbelat ta stojol te templo in to, aiybeya me c'alal ta ch'ulchan. C'alal ta banti nainemat, pasbeya me te perdón, coltaya, ac'a c'otuc ta swentaic awu'un chican te bi yilel te bila spasojique, melel ja'at nax ana'oj te bila xchapoj ta yo'tan soc te bit'il ay te yo'tan te ants-winiquetique.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Colosenses 3:17

Spisil te bila ya apasique soc te bila ya awalique, pasaic spisil ta swenta sbiil te Cajwaltic Jesuse. Soc albeyaic wocol te Jtatic Dios yu'un spisil te bila yac'ojbeyexe.

Filipenses 1:20

Ja' nax bayal sc'oplal ta co'tan te manchuc ayuc bila ya jta q'uexlal yu'un, soc te jamaluc co'tan ya xc'opojon jich nix te bit'il ayon tel spisil orae. Jich me c'axem to xan ya x'ich'ot ta muc' ta jwenta te Cristoe. Chican teme ya to xcuxinone, o teme tey ya xlajonix ae.

Hechos 20:36

Te c'alal laj yo'tan ta c'ope, la squejan sba ta sc'oponel Dios soc te ancianoetique.

Nehemías 6:11

Pero jich la calbey: —Te jo'one ma x'anon, soc ma x'ochon ta templo yu'un ya jxi' milel. Te jo'one, ma ba ya jnac' jba ta templo —la cut.

2 Crónicas 6:38

teme ya yac' sbaic ta atojol yan buelta soc spisil yo'tanic soc spisil xch'ulelic, soc teme ya stojlinat tel ta c'op tey ta bay q'uinal te la awac'bey te antiguo jme'-jtat soque soc te lum te la atsae soc te templo jpasojbate,

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Filipenses 1:14

Jteb ma spisiluc quermanotactic te toyol yo'tanic ta yalel sc'op Dios yu'un te bit'il ayon ta chuquele. Ma xiwic ta yalel, soc ay stulanil yo'tanic ta swenta te Cajwaltique.

Hechos 21:5

C'axix a te juqueb c'aale, jich bootic. Jich la sjoinotic bael spisil te jnopojeletique soc yinamic yal-snich'anic c'alal ta patlum. Ta bay te ti'mare, la jquejan jbatic ta sc'oponel Dios,

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

Hechos 7:60

La squejan sba. Tulan awun: —Cajwal, ma me xawich' ta wenta in mulil to —xi'. Te c'alal jich la yal te Estebane, way sbaq'uetal.

Hechos 5:20

—Baan tejc'ana abaic ta templo. Albeya yaiyic spisil lum te bit'il ay sc'oplal in yach'il cuxlejal to —xi'.

Hechos 4:29

Ta ora to, Cajwal, ya me awilbotic te bila yalojbotic ta tulan mandale, soc ya me awac'botic stulanil co'tantic, jo'otic te awabatotic, te manchuc ya xiwotic ta yalel te ac'ope.

Hechos 3:1

Jun c'aal te Pedro soc te Juane, moic bael ta templo ta sc'oponel Dios ta oxeb ora sts'ejbujel te c'aale.

Hechos 2:15

Melel ma ba yacalic ta yacubel in winiquetic to, jich te bit'il acuyojique, yu'un baluneb to nax ora te c'aale.

San Lucas 22:41

Bajt' xan jich spimil te bit'il ya jch'ojtic bael te tone. Tey la squejan sba ta sc'oponel Dios a.

San Lucas 14:26

—Te mach'a ya xtal ta jtojole, teme ma c'axuc jich c'uxon ta yo'tan a te bit'il te state, te sme'e, te yiname, te snich'nabe, te sbanquiltaque, te xwixitaque, te yijts'inabe, soc uuc te xcuxlejal ta q'uinale, ma xju' te jnopojel ya xc'ot cu'une.

Salmos 86:3

Cajwal, na'bon yo'bolil jba, melel ja'at te ya calbat wocol spisil ora.

Esdras 9:5

Jich ora jajch' xan ta lecubel q'uinal la caiy te bit'il mero pejc'aj q'uinal la caiye. Ja' to nix jlapoj a te jc'u' jatsemique, jajch'on ta sc'oponel te Cajwaltic te Dios cu'une,

2 Crónicas 6:13

Te muc' ajwalil moem ta plataforma te pasbil ta bronce. Yich'oj cheb metro soc jo'eb xcha'winic (25) centímetro te snajt'ile, ja' nix jich te sjamalule. Yan te stoylejale jun metro soc jo'lajuneb xcha'winic (35) centímetro. Ay ta yolil yamac'ul templo. Ora la squejan sba ta sitic te lum Israel, la stoy moel sc'ab ta ch'ulchan,

1 Reyes 8:30

Aiybon te ya xc'opojon ta atojol, soc aiybeya sc'op te lum Israel awu'une, te c'alal ya jc'oponat ta templo in to. Aiybon awaiy jc'op c'alal ta ch'ulchan te banti nainemate, pasbotic me te perdone.

Daniel 9:4

La jc'opon te Cajwaltic te Dios cu'une, jich la calbey ta jamal: —Cajwal, muc' Diosat te Spisil ya xju' awu'une, spisil ora ya awac' c'otuc ta pasel te bi ya achape, soc ya awac'bey yil xc'uxul awo'tan te mach'atic c'uxat ta yo'tanique soc te ya xch'uunic spasel te mandaliletic awu'une.

San Marcos 3:3

Te Jesús la sc'opon ts'iin te winic te sicuben xchial sc'abe: —Jajch'an, tec'lan ta olilal —la yut.