Daniel 5:23 - Bible in Tzeltal de Oxchuc y Tenejapa

²³ Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Bible in Tzeltal Bachajón

²³ La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Daniel 5:23 Referans Kwoze

Job 12:10

Ja' yich'oj ta sc'ab te cuxlejale, ja' cuxul yu'un spisil te bitic cuxajtique.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Jeremías 10:23

“Cajwal, ya jna' te ants-winiquetic te ma yu'unuc te xcuxlejalique, ma ja'uc ya spas mandal te bit'il ya xbajt' ta loq'uel te xcuxlejale.

Isaías 37:23

¿Mach'a la abolc'optay soc te la awixtac'optaye? ¿Mach'a a te toy ac'op ta stojole, soc te la atoy asit yu'un te toyolat la awaiy yu'une? Ja' la apas ta stojol te Ch'ul Dios yu'un Israel.

Isaías 2:12

Ja' te bi c'aalil ya x'at'ej te Cajwaltic te Spisil ya xju' yu'un, ta yilbeyel yo'tan spisil mach'a jtoybaetic te muc' yac'oj sbaic soc yixtailique; ta yilbeyel yo'tan spisil mach'atic te toyol yac'oj sbaique, swenta yu'un ya me yich'ic pejc'anel;

Jeremías 50:29

Te Cajwaltic ya yal: —Ic'aic tel spisil te jt'imuywanejetique, swenta yu'un ya me yac'beyic guerra te Babilonia. Joyintayaic tel ta sjoyobal te lume, swenta yu'un ma me ayuc mach'a ya xcol loq'uel. Ac'beyaic stoj te bit'il ya sc'an te yat'ele; jich nix me ya apasbeyic te bit'il la spase. Melel la yal ixta c'op ta jtojol te Ajwalilon, te Ch'ul Dioson yu'un Israel.

Proverbios 20:24

Te Cajwaltic ja' ya stojtes ta beel te ants-winiquetic; ma'yuc mach'a ya sna' stojol te bi yilel ya xc'ote.

Job 31:4

¿O yu'un bal ma ba ya yil te Dios te bi ya jpase, soc yu'un bal ma ba ya yil te bit'il yacon ta beele?

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

Isaías 37:19

soc la xchic'beyic te diosetic yu'unique. Melel nix a ma diosuc te bitic nax pasbil ta te' o ton te spasoj te winiquetique, jich yu'un la sjinic.

Salmos 139:3

Awiloj spisil te banti ya xbeenon; ana'oj spisil te bitic ya jpase.

2 Reyes 14:10

Puersa ya quich' ta muc' te bit'il la atsalix te edometique. Teme ja' ya atoy aba yu'une, lec ay, toya aba. Pero ja' lec ainan ta ana. ¿Bi yu'un te ja'at nix ya ale te awocole, soc te ya alebey swocol te Judá?” xi' sc'oplal.

1 Timoteo 3:6

Te mach'a ya x'ac'bot yich' yat'ele ma me ja'uc te mach'a xch'uunbel to te Diose, teme repente ya xcaj stoy sba soc te yat'ele. Teme jiche, pajal me castigo ya yich' soc te pucuje.

1 Corintios 8:4

Jich yu'un te bit'il ay sc'oplal te we'elil yu'un te milbil majt'anil yu'un te loc'ombaetique, jna'ojtic stojol te tojol ay ta balumilal te loc'ombaetique, te melel jun nax te Diose, ma'yuc yan.

Hechos 17:25

soc ma smajanbey sc'ab winiquetic, melel ma'yuc bi ya xtuun yu'un stuquel. Ja' stuquel yac'ojbey xcuxlejal ta spisil ants-winiquetic, soc te yac'ojbey yich'ic iq'ue, soc ja' yac'ojbey spisil te bila ya xtuun yu'unique.

Habacuc 2:4

Ts'ibuya te ma ba xjalajic te toybaetic te c'ax amen yo'tanique; yan te mach'atic tojique ta swenta te bit'il jun yo'tanic ta stojol Dios ya me xcuxinic —xi' te Cajwaltique.

Ezequiel 31:10

“Aiya awaiy, jich ya yal te Cajwaltique: Mero toyol bajt' te te'e, te sni'il la sta c'oel tocaletic. Mero muc' bajt' te te'e, jich jajch' stoy sba yu'un.

Ezequiel 28:17

Ja' la yac'bat atoy aba te at'ujbilale, ja' te axojobil te la yac' ch'ayuc te ap'ijile. Jo'on la jch'ojat coel ta lum; la cac'at ta tse'luyel ta stojol muc' ajwaliletic.

Ezequiel 28:5

Ta scaj te bit'il mero ma'yuc wocol ya awaiy ta swenta te achonbajele, esmajix awu'un te ac'ulejale, pero te ac'ulejale, ja' la yac'batix atoy aba.

Ezequiel 28:2

—Ja'at winic, c'opona te muc' ajwalil yu'un Tiro, jich xawalbey: “Te Cajwaltic jich ya yalbat: ‘Te ja'ate noj toybail ta awo'tan, la acuy aba ta Dios; nacalat ta smuc'ul nactijib diosetic la awaiy, soc joytaybilat yu'un mar. Pero ma diosucat, winicat nax. Ya acuy aba te awich'ojbey sp'ijil yo'tan te Diose.

Isaías 42:5

Te Cajwaltic Dios, ja' la xchicnantes te ch'ulchane, la slim bael jichuc pac'. La xchajban te balumilal soc te bitic ya xch'i tey a; ja' ya yac'bey xcuxlejal soc ja' la yac'bey yich' ic' te ants-winiquetic te nainemic tey a. Jich ya yalbey te yabate:

Isaías 33:10

Te Cajwaltic ya yal: —Ta ora yo'tic ya x'at'ejon; ta ora yo'tic ya cac' ta ilel spisil te jmuc'ul soc te cat'ele.

Salmos 146:4

Melel teme lajique, ya sujt'ic ta ts'ubil lum; jich ora ya xch'ay bael te bitic snopojique.

Salmos 115:16

Te ch'ulchan ja' ay ta swenta te Cajwaltique; te balumilal ja' la yac'bey swentainic te ants-winiquetique.

Salmos 104:29

Teme ya anac' asit-awelaw ta stojolic, ya xiwic; teme ya apojbey te ic' yu'unic, ya xlajic, jich ya xcha'sujt'ic ta ts'ubil lum ta yan buelta.

Jueces 16:23

Te ajwaliletic yu'un te filisteoetic la stsob sbaic ta spasel sq'uinul te la yaiyic tsalawe, soc la yac'beyic milbil smajt'an te Dagón, te lotil dios yu'unique. La yaiyic c'ayoj: “Te dios cu'untic la yac'botic ta jc'abtic te Sansón, ja' te jcontrotique”, xiic ta c'ayoj.

Génesis 14:19

Te Abram c'anbot bendición, jich albot yu'un: —Ja'at Abram, ac'a yac'bat bendición te Dios te toyol ay stuquele, ja' te mach'a la spas te ch'ulchan balumilal.

Génesis 2:7

Jich te Dios la spas ta ts'ubil lum jtul winic, la sjujch'ibey sni', jich cuxul c'ot. Jich caj ta cuxinel ta q'uinal te winique.

Apocalipsis 9:20

Ja'uc me to, te jayeb xan mach'atic ma ba lajic yu'un te miljibaletique, ma la sujt'es yo'tanic yu'un te bila spasoj ta sc'abique. Ma la yijq'uitayic ta ch'uunel te pucujetic soc loc'ombaetic te pasbilic ta oro soc ta plata soc ta bronce soc ta ton soc ta te', te ma xyilic q'uinal soc te ma xyaiyic stojol c'op soc te ma xju' ya xbeenique.

Isaías 13:11

Te Cajwaltic ya yal: —Ya cac'bey castigo te mach'atic ayic ta spamal balumilal ta scaj te bitic amen spasojique, ja' te mach'atic amenic ta jyalel yu'un te smulique. Ya jlajinbey sc'oplal te stoybail te mach'atic cajal nax yac'oj sbaique, ya jpejc'an te mach'atic toybaetic soc te ya x'ixta-c'opojique.

Isaías 14:13

Ja'at la awal ta awo'tan: “Ya xmoon bael c'alal ta ch'ulchan, ya xba cac' muc'ul nactijib tey a ta sjelawel te eq'uetic yu'un Dios. Ta toyol ya xc'o najc'an jba ta stojol norte, ja' te bay wits te banti ya stsob sbaic te mach'atic ay yu'ele.

Jeremías 48:26

Yacubtesaic te Moab, melel la stoy sba ta stojol te Cajwaltique. Jich yu'un te Moab ya me sbalan sba ta xe, spisilic ya me yich'ic labanel.

1 Samuel 17:26

Jich te David la sjojc'obey te mach'atic ayic ta sts'eele: —¿Bila ya yac'beyic te winic ya smil te filisteo, te jich ya xlaj sc'oplal ta labanel te soldado-israeletique? ¿Mach'a ya scuy sba a te filisteo te ma ba xch'uunej te cuxul Diose te jich tal stijulabey jajch'el slab yo'tanic te soldadoetic yu'un te cuxul Diose? —xi'.

1 Samuel 17:36

Manchuc me león-choj, manchuc me oso, pero ya jmiltic te jo'on te abaton awu'une. Te filisteo te ma ba xch'uunej te cuxul Diose, ja' ni me jich ya xc'ot ta swenta; melel ya stijulabey slab yo'tan te soldadoetic yu'un te cuxul Diose.

Jeremías 50:28

(Te ants-winiquetic colemic loq'uel ta Babilonia, ya xc'o yalic ta Sión te bit'il te Cajwaltic Dios la yac'bey stoj Babilonia te bila la spasbey te templo.)

Daniel 8:11

soc la stoy sba ta stojol te jwentainwanej yu'un te eq'uetique. La yac' quejch'ajuc ta aq'uel milbil smajt'an Dios swenta jujun c'aal. La sboltesbey sc'oplal te awilal banti ya yich' ich'el ta muc' te Diose.

Daniel 11:12

Te bit'il ya yaiy tsalaw, soc te bayal te scontro ju' yu'un smilele, ya me xjajch' stoybail yu'un, pero te yipe ma ba ya xjalaj bayal c'aal.