Daniel 5:11 - Bible in Tzeltal de Oxchuc y Tenejapa

¹¹ Li' nix ta banti yacat ta pasaw ta mandal ay jtul winic te wentainbil ta espíritu yu'un te ch'ul Diose. Te c'alal ja' ay ta muc' ajwalil a te atate, te winic ya calbate la yac' ta ilel sp'ijil sjol, buen lec snopjibal yu'un soc buen lec sp'ijil yo'tan jichuc diosetic. Ja' yu'un te atate, te muc' ajwalil Nabucodonosor, la yac'bey yat'el te winique ta swentainel te mach'atic ay sp'ijilic, soc te mach'atic ya sna'ic syoljoltayel, soc te mach'atic spisil ay bila sna'ojic, soc te mach'atic snopojic bitic ayic ta ch'ulchan ta spamal nación.

Bible in Tzeltal Bachajón

¹¹ Li' ta banti yac awa'iy cuentahinwanej ay jtuhl winic te ay ta yo'tan te espíritu yu'un te ch'ul diosetic, soc ta yorahil atat chicnaj te ya sna' q'uinal, ay bin ya sna' soc ay sp'ijil yo'tan hich te bin ut'il te sp'ijil yo'tan te diosetique. Te ajwalil Nabucodonosor, te atat, la ya'be ya'tel ta jtsobaw yu'un spisil te jpas-señahiletic, jmonawetic, caldeohetic soc jna'ojeletic,

Daniel 5:11 Referans Kwoze

Daniel 4:18

“Jo'on muc' ajwalilon te Nabucodonosor te la jwaichin in to. Jich la cal: ‘Yo'tic, Beltsasar, albon me caiy te bila swentail te jwaiche. Melel te banti ayon ta ajwalile, ma'yuc jtuluc te mach'a ay bila sna'oj te ya xju' yu'un sna'beyel swentaile. Pero te ja'ate ya xju' awu'un sna'beyel swentail, melel te ja'ate, awich'ojbey te espíritu yu'un te ch'ul Diose’, xoon.

Daniel 5:14

La yalbonic te ay ta awo'tan te espíritu yu'un te Diose, te jamal ta lec ajol, te ay buen lec snopjibal awu'un, soc te bayal bitic ana'oje.

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.

Hechos 12:22

Jich ora jajch'ic ta aw te lume: —¡Dios te yac ta c'ope, ma winicuc! —xi' sc'oplal yu'unic ta awtayel.

Daniel 2:11

Mero chujc'ul, ma'yuc mach'a ya xju' yu'un jtuluc te ya yalbate, muc' ajwalil cu'untic, ja' nax stuquel te diosetique, pero te diosetic ma ba sjoinejic te winiquetique —xiic.

2 Samuel 14:17

Jo'on te abaton awu'une ya jmaliy te sujt'ib ta atojol, swenta yu'un ja' me ya smuc'ubtesbon q'uinal caiy, melel te ja'ate ya ana' stsajtayel banti lec soc banti ma lecuc, jich te bit'il ch'ul abat yu'un te Diose. Ac'a sjoinat te Diose, ja' te Cajwaltique —xi' te antse.

Hechos 16:16

Ta yan buelta te c'alal yacotic ta bael te banti ya jtsob jbatic ta sc'oponel te Diose, la staotic jtul ach'ix te ay pucuj ta yo'tan te ya sna' yalel te bila ya xc'ot ta pasele. Ay cha'oxtul yajwal te la spasic bayal ganar yu'un te bila ya sna' yalele.

Hechos 14:11

Te bit'il la yilic te ants-winiquetic te bila la spas te Pablo, jajch'ic ta aw ta licaonia-c'op: —Coemic tel ta jtojoltic diosetic te scajt'anej sbaic ta winiquetique —xiic ta aw.

Génesis 41:38

Jich yu'un te faraón la yalbey te abatetic: —¿Banti c'an ba jtatic te mach'a jich yo'tan te bit'il in winic to, te wentainbil yo'tan yu'un te espíritu yu'un te Diose? —xi'.

Ezequiel 28:3

¿C'axem bal jich ap'ijil a jiche te bit'il Danel? ¿Yu'un bal ana'oj spisil bitic muquen ayic jiche?

Daniel 1:4

t'ujbil queremetic te ma'yuc sfaltaic ta sbaq'uetalique, te ay sp'ijil sjolic soc ay sp'ijil yo'tanique, te mero bayal bitic snopojic ta bayuque, soc te chapalic yu'un at'el ta palacio yu'un ajwalil, ya me awic' tel. Ja'ic me ya yich'ic ac'beyel snopic te jc'optic soc te libroetic cu'untic jo'otic te caldeootic —la yut.

Daniel 2:22

Ya yac' ta na'el te bila wocol ta na'ele; soc ya yac' chicnajuc te bila muquen aye. Ya sna'bey sba te bila ay ta ijc' q'uinale; melel ja' yich'oj stuquel te saquil q'uinale.

Daniel 5:7

Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

Ezequiel 28:4

Ta swenta ap'ijil soc ta swenta bit'il ya xju' awu'un, la ataix bayal c'ulejalil; la anojesix ta oro, ta plata te cajaetic awu'une.

Daniel 4:5

Pero ay jun ajc'ubal, te c'alal wayalonix ae, waichejon. Te jwaiche, bayal tal xiwel ta co'tan yu'un. Bayal bila la jnop ta jol, soc ay bila yacon ta yilel la caiy ta co'tan te mero xiweltic sbae.

Daniel 4:6

La cal mandal te ya xtalic ta jtojol spisilic te mach'atic bayal bi sna'ojic te ayic ta Babilonia, swenta yu'un ya yalbonic caiy te bila swentailuc te jwaiche.