Daniel 4:26 - Bible in Tzeltal de Oxchuc y Tenejapa

²⁶ Te mandal la awaiye, te ya yich' ijq'uitayel ta lum te xchumante'el soc te yisime, ja' ya yac' ta na'el te ya to xcha'ochat xan ta muc' ajwalile. Pero ja' to teme la ana' te ja' nax te Dios te ay yip yu'ele.

Bible in Tzeltal Bachajón

²⁶ Te mandar te ya yich' ihquitayel hilel ta lum te schumante'el soc slohp' te te', ha ya yac' ta na'el te ya to xcha'ochat xan ta ajwalil te c'alal yac ana' te ha ya xcuentahinwan te ch'ulchane.

Daniel 4:26 Referans Kwoze

Daniel 4:15

Pero ijq'uitayaic ta lumq'uinal stuquel te xchumante'el soc te yisime. Chucaic ta cadena pasbil ta hierro soc ta bronce, ac'a ainuc ta yolil ja'maltic. Ac'a yaluc ts'ujul ta sba, pajal ac'a slo' wamal ta q'uinal soc chambalametic.

San Lucas 15:21

Te quereme la yalbey te state: “Jtat, jtaoj jmul ta stojol Dios soc ta atojol uuc. Ma spasix te ya ap'ison ta anich'ane”, xi' ta stojol te state.

San Lucas 15:18

Ya me sujt'on bael ta sna te jtate. Jich me ya xc'o calbey: ‘Jtat, jtaoj jmul ta stojol Dios soc ta atojol uuc.

San Mateo 21:20

Te c'alal jich la yilic te jnopojeletique, jchajp nax la yilic. La sjojc'obeyic te Jesuse: —¿Bit'il ay a te taquej ta ora nax te higo-te'e? —xiic.

San Mateo 5:34

Ja'uc me to, jo'on ya calbeyex: Ma me biluc nax xawaq'uic ta testigo. Ma me xawaq'uic ta testigo te ch'ulchane, te melel ja' smuc'ul nactijib te Diose.

Daniel 4:23

La awil te ay j'il-q'uinal ch'ul abat te yac ta coel tel ta ch'ulchane, te jich yac ta yalele: “Ts'etaic te te' soc lajinaic ta jc'axel, pero ijq'uitayaic ta lumq'uinal stuquel te xchumante'el soc te yisime. Chucaic jilel ta cadena pasbil ta hierro soc ta bronce, ijq'uitayaic ta yolil ja'maltic. Ac'a c'otuc ts'ujul ta sba, soc ac'a scomon lo'ic wamal soc chambalametic ta ja'maltic juqueb ja'wil”, te xie.

Daniel 2:37

Te ja'ate, ja'at mero muc'at ta stojol te yantic muc' ajwaliletique, melel ja' nix te Dios ay ta ch'ulchan te la yac' ochan ta muc' ajwalile. La yac'bat awu'el, la yac'bat awip, la yac'at ta ich'el ta muc',

Daniel 2:18

Jich yu'un jajch'ic ta sc'anel coltayel yu'un Dios ta ch'ulchan ta sna'beyel sc'oplal te bila wocol ta na'ele, soc swenta yu'un jich ma ba ya yich'ic milel soc a te mach'atic ay sp'ijilic te ayic ta Babilonia.

Daniel 2:19

Te c'alal och ajc'ubale, ac'bot yil la yaiy te Daniel. Ja' yu'un te Daniel la yalbey yutsil sc'oplal te Dios ta ch'ulchane,

Daniel 4:31

Yac to ta c'op a te muc' ajwalile, chicnaj c'op ta ch'ulchan, te jich la yale: —Muc' ajwalil Nabucodonosor, aiya me awaiy te bila ya cale. Te ja'ate loq'uemix awat'el ta muc' ajwalil.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Daniel 5:20

Pero c'alal noj ta yo'tan toybail, soc te tulan la yac' sba ta scaj te stoybaile, la yich' pojbeyel te yipe, soc te yutsil sc'oplal ta muc' ajwalile.

Daniel 5:21

La yich' loq'uesel ta stojol te ants-winiquetique, la yich' c'atp'unel, pajal soc chambalam c'ot. Ja' la sjoin ta nainel te ja'mal burroetique. La slo' wamal jichuc wacaxetic, ajts'esot yu'un ts'ujul ta scojt'ol te sbaq'uetale, ja' to te la sna' te ja' nax te Dios mero toyol te ay yu'el ta stojol ta spisil te ajwaliletic ta balumilal, soc te ja' ya stojtes te mach'a ajwalil ya sc'an yo'tan ya stojtese.