Daniel 4:19 - Bible in Tzeltal de Oxchuc y Tenejapa

¹⁹ “Jich te Daniel, te Beltsasar yan sbiile, caj ta snopel soc ta sna'el ta yo'tan, melel xiw yo'tan yu'un te bila tal ta sjole. Pero jo'on te muc' ajwalilone, jich la calbey: ‘Beltsasar, ma me xamel awo'tan yu'un te jwaiche soc te bi swentaile’, la cut. La sjac' te Beltsasar: ‘¡Ay, spisil te bila swentailuc te awaiche, ja' me ac'a c'otuc ta stojol te acontroe!

Bible in Tzeltal Bachajón

¹⁹ Hich te Daniel, te Beltsasar yan sbihil, xch'ayet yo'tan, a'bot xiwel yu'un te bin la snope. Ha yu'un la yal te ajwalil: Beltsasar, ma me xiwat yu'un te wayichil o te sc'oblale, xchihon. La sjac' te Beltsasar: Ajwalil cu'un, te ha'uc yu'un acontratac te wayich, soc te ha'uc ya xc'oht te sc'oblal ta stojol te mach'atic ya scontrahinate.

Daniel 4:19 Referans Kwoze

Daniel 8:27

Jo'on Danielon, xquechet ta lajel quip la caiy, bayal c'aal la caiy chamel. Patil jajch'on, cha'ochon xan ta spasel te at'el ac'boton yu'un te ajwalil ta nacione. Pero ma ch'ay ta co'tan te bila la quil la caiye, melel ma xc'ot ta co'tan ya caiy.

Daniel 7:28

“Ja' slajibal ta alel te c'op in to. Jo'on Danielon, bayal bila tal ta jol yu'un, soc mero ch'ay jch'ich'el yu'un, pero ma'yuc mach'a la calbey te c'ope”, xi' te bila ts'ibubil yu'un te Daniele.

Daniel 4:24

Ja' ya yalbey sc'oplal te castigo ya yac'batix ta atojol te Dios mero toyole.

Jeremías 4:19

Ya jts'ot jba yu'un jwocol, te co'tan xwilwon nax ta jyalel. Ma xcomon ta c'op, ma xju' xch'abon. Ay la caiy stojol sc'op oq'ues, ay aw yu'un guerra.

1 Samuel 3:17

Te Elí la sjojc'obey: —¿Bitic a te la yalbat te Cajwaltique? Wocoluc, ma me x'amucbon ta awo'tan jxujt'uc. Ac'a yac'bat tulan castigo te Cajwaltic teme ma ba ya awalbon spisil te bi la yalbate —xi' te Elí.

Habacuc 3:10

Te witsetic ya xnijq'uic te c'alal ya yilate; ya xco tel ta ch'ulchan bayal ja'al. Te snabilal te mar ya x'awun, yu'un te ya stoyes moel yip te sbule.

Daniel 7:15

“Jo'on Danielon, la caiy la yu'uninon te xiwele, melel mero tulan sc'oplal ta co'tan la caiy ta spisil te bitic la quile.

Daniel 5:12

Melel te Daniel, ja' te Beltsasar yan sbiil la yac'bey te anima muc' ajwalile, ya xju' yu'un sna'beyel swentail ta lec te waichile, soc ya xju' yu'un yalbeyel sc'oplal te bila wocol ta na'ele. Ya xju' yu'un stojtesel spisil chujc'ul c'opetic, melel ay bayal sp'ijil yo'tan soc snopjibal yu'un stuquel. Ticuna ta iq'uel te Daniel, muc' ajwalil, ja' me ya yac'bat ana'bey swentail te bila ts'ibubil ta pajq'ue —xi'.

Daniel 2:26

Te muc' ajwalile, jich la yalbey te Daniel, ja' te Beltsasar yan sbiil yu'unique: —¿Ya bal xju' awu'un ya awalbon te bila la jwaichine, soc ya bal xju' awu'un sna'el te bila swentail te jwaiche? —la yut.

Daniel 1:7

Te queremetic jeltaybot sbiilic yu'un te jwentainwanej yu'un j'at'eletic ta palacio yu'un ajwalil: te Daniel, Beltsasar sbiil c'ot; te Ananías, Sadrac sbiil c'ot; te Misael, Mesac sbiil c'ot; te Azarías, Abed-nego sbiil c'ot.

Jeremías 29:7

At'ejanic me ta swenta te lum ta bay la cac'at bael ta mosoile, soc c'anbon me coltayel ta stojol te lum, melel ta swenta te slequilal te lume, tey me ya xtal a te alequilalic te ja'exe.

1 Reyes 18:7

Ta be loc' ta tael yu'un Elías te Abdías. C'alal la sna'bey sba, la stinan sba coel c'alal ta lum ta stojol, jich la yal: —Ja'at te cajwal Eliasate —xi'.

1 Samuel 26:15

Jich la yal te David: —¿Ma bal ja'ucat jiche ta spisil Israel ma'yuc mach'a winiquil te pajalat soque? ¿Bi yu'unix a jiche te ma ba la acanantay te awajwale, ja' te muc' ajwalile? Jtul jlumaltic och bael, yu'un ya c'an smil.

1 Samuel 24:8

Pero te David ta spat nax loc' bael ta nailch'en, jajch' yawtay: —¡Cajwal, cajwal! —xi'. Te Saúl la sut sit ta spat. Jich te David ora la stinan sba coel c'alal ta lum swenta seña yich'el ta muc'.

1 Samuel 1:15

Te Ana la yal: —Ma jichuc, tatic, ma yu'unuc cuch'oj vino, soc ma yu'unuc cuch'oj tulan uch'balil. Scaj te mero c'ux obol jba ya caiy, ja' yu'un yacon ta sc'anel c'uxtayel ta stojol te Cajwaltique.

Éxodo 32:32

Ya me calbat wocol te ya apasbey perdone. Teme ma xapasbey perdone, tup'bon jbiil ta libro te la ats'ibuye —xi'.

Génesis 32:18

“Ja' amajt'an yu'un te awabat Jacob, te la sticunbat tele te yajwalate, soc patil yac ta talel”, ya me awut —xi'.

Génesis 31:35

Te Raquel jich la yalbey te state: —Jtat, ma me x'ilinat yu'un te bit'il ma xjajch'one, yu'un yacon ta yilel jchamel —la yut. Jich te Labán la sle te yajcanane, pero ma ba la sta.

Génesis 40:12

José la yalbey: —Ya calbat awaiy bit'il ay swentail te awaiche. Te bit'il oxeb sc'ab te ts'usub la awil, oxeb c'aal c'oem swentail.

Daniel 2:37

Te ja'ate, ja'at mero muc'at ta stojol te yantic muc' ajwaliletique, melel ja' nix te Dios ay ta ch'ulchan te la yac' ochan ta muc' ajwalile. La yac'bat awu'el, la yac'bat awip, la yac'at ta ich'el ta muc',

Daniel 5:18

“Te Dios mero toyole la yac'bey ta swenta te at'el ta muc' ajwalil te Nabucodonosor, ja' te atate, soc la yac'bey yutsil sc'oplal soc la yac' ta ich'el ta muc'.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.