Daniel 4:16 - Bible in Tzeltal de Oxchuc y Tenejapa

¹⁶ Ac'a bolobuc sjol, jich ac'a c'otuc te bit'il chambalame. Ac'a jalajuc juqueb ja'wil te bila amen ta stojole.

Bible in Tzeltal Bachajón

¹⁶ Ac'a yich' jeltaybeyel yo'tan, ac'a yich' a'beyel yo'tan chambahlam; ac'a c'axuc huqueb ha'bil.

Daniel 4:16 Referans Kwoze

Daniel 4:23

La awil te ay j'il-q'uinal ch'ul abat te yac ta coel tel ta ch'ulchane, te jich yac ta yalele: “Ts'etaic te te' soc lajinaic ta jc'axel, pero ijq'uitayaic ta lumq'uinal stuquel te xchumante'el soc te yisime. Chucaic jilel ta cadena pasbil ta hierro soc ta bronce, ijq'uitayaic ta yolil ja'maltic. Ac'a c'otuc ts'ujul ta sba, soc ac'a scomon lo'ic wamal soc chambalametic ta ja'maltic juqueb ja'wil”, te xie.

Apocalipsis 12:14

Te antse ac'bot xiq'uin xchebal xic' te muc'ul águila, swenta yu'un ya xju' ya xwil bael c'alal ta bay yawil ta jochol taquin q'uinal te c'ubul ya yil sba soc te chane. Tey ya yich' mac'linel olil xchaneb ja'wil a.

Daniel 4:25

Te ja'at muc' ajwalil, ya me awich' pijt'esel ta stojol te ants-winiquetique, ya me xba ajoin ta nainel chambalametic. Ya me alo' wamaletic jichuc wacaxetic. Ya me yajts'esbat abaq'uetal te ts'ujule. Jich me ya x'ainat juqueb ja'wil tey a, muc' ajwalil, ja' to teme c'ot ta awo'tan te ay yip yu'el te Dios ya x'at'ej ta stojol ajwaliletic te ch'ich'-baq'uet naxe, soc te ja' nax stuquel ya yac' ochuc yat'el ta ajwalil te mach'a ya sc'an ya yac' ochel stuquele.

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

Hebreos 1:11

Ya xlaj te ch'ulchan balumilale, yan te ja'ate atalel ayat sbajt'el q'uinal. Melel spisil ya xpocob jichuc c'u'ul-pac'al.

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Daniel 11:13

Te muc' ajwalil yu'un norte, ya xcha'chap xan yan soldadoetic yu'un, c'axem jich yipal te bit'il yan soldadoetic yu'un ta neelal toe. C'alal ya xc'ax bael ja'wil, ya me xcha'bajt' xan yac'bey guerra te sur. Ya me xbajt' soc bayal soldadoetic yu'un, te buen chapalic ta lec yat'ejibic yu'un guerra.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

2 Samuel 18:32

Te muc' ajwalil la sjojc'obey te etiope-winic: —Ja'xan te querem Absalón ¿lec bal ay? —xi'. La sjac' te etiope-winic: —Ja' lec te jich slajibal ya xc'ot te bit'il c'ot ta swenta te querem ta spisil te mach'atic ya scontroinat soc te mach'atic ya stoy sbaic ta atojol, te ya slebat awocol te muc' ajwalilate —xi'.

Daniel 7:28

“Ja' slajibal ta alel te c'op in to. Jo'on Danielon, bayal bila tal ta jol yu'un, soc mero ch'ay jch'ich'el yu'un, pero ma'yuc mach'a la calbey te c'ope”, xi' te bila ts'ibubil yu'un te Daniele.