Daniel 3:4 - Bible in Tzeltal de Oxchuc y Tenejapa

⁴ Te mach'a ay ta swenta yalel te bi ora ya xjajch' te q'uine, jich la yal ta tulan: —Winiquetic te talemex ta juju-jpam lumetic, ta spisil ta jpam nacionetic soc ta spisil ta jchajp c'opiletic, aiybon awaiyic jc'op:

Bible in Tzeltal Bachajón

⁴ Te mach'a ay ta scuenta yalel, hich la yal ta aw: Pueblohetic, nacionetic soc spisil ta chahp c'opiletic, hich ay te mandar ta atojolic:

Daniel 3:4 Referans Kwoze

Daniel 6:25

Jich te muc' ajwalil Darío la sts'ibubey jun ta stojolic te ants-winiquetic ta spisil nacionetic soc ta spisil c'opiletic ta q'uinal, jich la yalbey: “Ac'a lamajuc q'uinal awaiyic soc ac'a toyuc xan yutsil awo'tanic.

Daniel 4:1

Te muc' ajwalil Nabucodonosor la sts'ibubey jun ta stojolic te ants-winiquetic ta spisil nacionetic soc ta spisil c'opiletic ta q'uinal, jich la yalbey: “Ac'a lamajuc q'uinal awaiyic soc ac'a toyuc xan yutsil awo'tanic.

Miqueas 6:16

Melel ja' at'unoj ta ch'uunel smandal soc ta spasel yat'el te Omri soc te mach'atic ay yu'un Acab, jich yacat ta spasel te bit'il la spasique. Ja' yu'un ya jpasbat ja'at soc te awinictac te ya awich'ic ilayel soc labanel; soc ya me xc'ot ta awenta te labanel yu'un te nacionetique —xi' te Cajwaltique.

Oseas 5:11

Efraín tenbil ta uts'inel, ma'yuc ta wenta c'ot stuquel, yu'un la yat'elin xch'uunel lotil diosetic.

Daniel 4:14

jich yac ta yalel ta tulan: ‘Ts'etaic te te'e, set'beyaic te sc'abc'abe; tulbeyaic te yabenale, soc pucbeyaic te site. Ac'a anuquic bael te chambalametic te yac ta antayel yaxinal yu'une, soc nix te mutetic ayic ta sc'abc'abe.

Isaías 58:1

Te Cajwaltic la yalbon: —Ma xiwat ta aw, tulan me x'awunat, jich xatoyes ac'op te bit'il sc'op oq'ues. Coma te lum cu'un te ya spasic te mulile; coma te lum yu'un Jacob te jelawiquix bayal ta jtojole.

Isaías 40:9

Moan, yajwal Sión, ta bay mero stoylejal te witse, tulan xawal loq'uel tey a te ac'ope, swenta yu'un ya apuc bael ta alel te lequil c'ope. Yajwal Jerusalén, ma me xiwat ta yalel loq'uel te ac'ope, pucbeya ta stojolic te lumetic ta sq'uinal Judá: “Li' ay te Dios awu'unic te ja'exe”, xaex me.

Ester 8:9

Te secretarioetic yu'un te muc' ajwalil ora la yich' iq'uel tel, ta oxeb xcha'winic (23) c'aal a te yoxebal u, o ja' nix te u Siván. Spisil te bila la yal te Mardoqueo, la yich' ts'ibuyel bael ta stojol te judioetique, te ajwaliletic ta juju-jpam q'uinal soc ta juju-jsejp q'uinal, soc te yantic mach'atic yich'oj yat'elic te ayic ta juqueb sjucwinic (127) ta jpam q'uinal te jajch'em tel ta India, c'oem to c'alal ta Etiopía. La yich'ic ts'ibuyel ta sc'opic nix soc ta sletraic nix.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

Daniel 3:3

Ta spisil te mach'atic muc' sc'oplalic yu'un te nación, la stsob sbaic ta stojol te loc'ombae, swenta yu'un ya spasbeyic sq'uin swenta te loc'ombae.

Daniel 3:7

Jich nix la spasic a, te c'alal la yaiyic ta spisilic te mach'atic stsoboj sbaic te c'opojix te at'ejibaletic yu'un música, la squejan sbaic, la xch'uunic te loc'omba pasbil ta oro.

Daniel 3:10

Te ja'at muc' ajwalilat cu'untic, la awalix mandal te spisil ants-winiquetic ya squejan sbaic ta xch'uunel te loc'omba pasbil ta oro te c'alal bi ora ya xchicnaj sc'op te at'ejibaletic yu'un música.