Daniel 3:25 - Bible in Tzeltal de Oxchuc y Tenejapa

²⁵ —Pero yacon ta yilel chaneb winiquetic, colemiquix, yacalic ta beel ta yolil te c'ajq'ue, ni xujt'uc ya xchic'otic yu'un te c'ajq'ue. Te xchanebale, pajal soc ch'ul abat yilel —xi'.

Bible in Tzeltal Bachajón

²⁵ Pero ya quil chantuhl winiquetic te colemic, te ayic ta behel ta yohlil te c'ahc', pero mayuc bin ya xpasbotic yu'un; soc te schantuhlul hich yilel te bin ut'il snich'an te diosetic, xchi te ajwalil.

Daniel 3:25 Referans Kwoze

Isaías 43:2

Teme ay ya xc'axat ta mar, tey me ayon ta atojol; teme ay ya at'un c'axel muc'ja', ma ba ya ajic'an. Teme ay ya xc'axat ta c'ajc', ma ba ya xc'ajc'at; ma ba ya xchic'at te c'ajq'ue.

Hechos 28:5

Ja'uc me to, te Pablo la slilan ochel ta c'ajc' te jti'awal chane. Xujt' ma'yuc bila pasbot yu'un.

San Marcos 16:18

soc ya me stsac ta sc'abic jti'awal chanetic, soc ya me yuch'ic te bila miljibale, ja'uc me to, ma ba ya xlajic yu'un, soc ya me scajanbey sc'abic ta sjol te jchameletic, jich me ya xcolic —xi' te Jesuse.

Job 1:6

Ay jun c'aal te la sta yorail te ba stejc'an sbaic ta stojol Cajwaltic spisilic te abatetic yu'un te ayic ta ch'ulchane. Tey c'ot uuc a te Satanase.

Daniel 3:28

Te Nabucodonosor c'opoj ta ora, jich la yal ta tulan: —Bin nax yutsil yu'el stuquel te Dios yu'un Sadrac, Mesac, Abed-nego, te la sticun tel ch'ul abat yu'un ta scoltayel te abatetic yu'un te jun yo'tanic ta stojole, te ja'ic te ma ba la xch'uunbonic jmandal jo'on te muc' ajwalilone, te la spas ta yo'tanic te manchuc me ya xlajic ta milel yu'un, pero ma ba la squejan sbaic ta xch'uunel yan dios te ma ja'uc te Dios yu'unique.

Salmos 34:7

Te ch'ul abat yu'un Cajwaltic ya scanantay soc ya scoltay te mach'atic ya yich'ic ta muc' te Cajwaltique.

1 Pedro 3:13

Teme ja' toyol awo'tanic ta spasel te bila leque, ¿mach'a c'an yuts'inex yu'un?

Daniel 3:18

Manchuc teme ma scoltayotic te Diose, pero na'a me, muc' ajwalil, te ma'yuc bi ora ya jch'uuntic te diosetic awu'une, soc ni ma'yuc bi ora ya jquejan jbajtic ta stojol te loc'omba pasbil ta oro —xiic.

Job 38:7

te c'alal yacalic ta comon c'ayoj a te eq'uetic ta sacubel q'uinale, te c'alal bin nax yo'tanic a te abatetic cu'un ta ch'ulchane?

Romanos 1:4

Ja'uc me to, ac'ot ta ilel te ja' Snich'an Dios te yich'oj yu'ele, melel cha'cux tel ta bay animaetic ta swenta te Espiritue te ya xch'ulteswane.

San Lucas 1:35

Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.

Proverbios 30:4

¿Mach'a moem soc coem tel ta ch'ulchan? ¿Mach'a ya xju' yu'un scomel te ic' ya stsac ta sc'abe? ¿Mach'a ya spots ta snajt'il c'u' te mare? ¿Mach'a la xchajban ta bay c'oem sti'il te balumilale? Ma me xawalbon te ya ana'bey sbiil soc sbiil te snich'ane.

Jeremías 1:8

Ma me ayuc mach'a ya axi' jtuluc, joinejat me, ya me xc'opojon awu'un. Jo'on Ajwalilon te jich ya cale —xi'.

Jeremías 1:19

Ja'ic ya yac'bat guerra, pero ma xju' yu'unic te ya stsalat, melel ya joinat soc ya jcanantayat. Jo'on Ajwalilon te ya cal te jc'ope —xi' te Cajwaltique.

Jeremías 15:21

Ya cac'at ta libre yu'un yipic te mach'atic amen yo'tanique; ya jcoltayat yu'un yipic te mach'atic bayal ya yuts'inate —xi'.

Daniel 3:24

Te Nabucodonosor ora tejc'aj jajch'el, jchajp nax la yil a, jich la yalbey te yantic j'at'eletic yu'une: —¿Ma bal oxtuluc te winiquetic c'olol la jch'ojtic ochel ta c'ajq'ue? —xi'. —Jich, oxebic —xiic.

Daniel 6:23

Te muc' ajwalil bin nax yo'tan yu'un, soc la sticun ta loq'uesel tel ta xch'en león-chojetic te Daniel. Te c'alal loc' tel yu'unique, ma'yuc ni jxujt'uc yejch'en la stabeyic, melel la yac' smuc'ul yo'tan ta stojol te Dios yu'une.

Job 5:19

Ta spisil ora ya scoltayat loq'uel a te bila chujc'ule, ma xyac' te ya staat te bitic amene.