Daniel 3:22 - Bible in Tzeltal de Oxchuc y Tenejapa

²² Melel la yal te muc' ajwalil te ora ya sc'an ya yich' pasel te bila la yale. Ja' yu'un yac ta buen tilel te c'ajc' ta horno, jich taotic ta c'ajc' uuc te soldadoetic la xch'ojic ochel ta c'ajc' te oxeb queremetic, jich lajic te soldadoetique.

Bible in Tzeltal Bachajón

²² Te bin ut'il ora la sc'an pasel te mandar yu'un te ajwalil soc te c'ax c'ahc'ubenix te horno, milotic ta yat c'ahc' te mach'atic la schuquic te Sadrac, Mesac soc Abed-nego.

Daniel 3:22 Referans Kwoze

Proverbios 21:18

Te mach'a amen yo'tan soc te ya spas lot, ya xc'ax swocol stuquel; ja' me ya xjil ta libre te mach'a toj soc te lec yo'tane.

Proverbios 11:8

Dios ya yac' ta libre yu'un swocol te mach'a toj yo'tane; ja' ya yac'bey sjelolin ta wocol te mach'a amen yo'tane.

Éxodo 12:33

Te egipcioetic jajch'ic ta sujel loq'uel te israeletic te yacuc loc'uquic bael ta ora ta bay slumal, yu'un la scuyic teme ya xlajic ta spisilique.

Hechos 12:19

Te Herodes la sticun ta leel, ja'uc me to, ma la staic. Jich la yich'bey sc'opic te soldadoetic te la scanantayique soc la yac' ta milel. Jich co bael ta sq'uinal Judea te Herodese. Ba ainuc ta lum Cesarea.

San Mateo 27:5

Jich la xch'oj jilel ta yutil templo te taq'uine. Ba sjojc'an sba ta te' ta smilbel sba.

Daniel 6:24

Ja' nix ta yorail a, te muc' ajwalil la sticun ta iq'uel te winiquetic la slebeyic smul te Daniel. Te winiquetic, ta spisil soc yinamic soc yal-snich'nabic, la yich'ic ch'ojel ochel ta xch'en león-chojetic. Ma to ba staojic c'oel a, wilic tel ta stojolic te león-chojetique, jich ti'otic ta ora yu'un.

Daniel 2:15

Jich c'o yalbey: —¿Bi yu'un te mero jc'axel tulan te mandal ya yac' te muc' ajwalile? —la yut. Albot yaiy yu'un te Arioc te bila swentaile.

Daniel 1:7

Te queremetic jeltaybot sbiilic yu'un te jwentainwanej yu'un j'at'eletic ta palacio yu'un ajwalil: te Daniel, Beltsasar sbiil c'ot; te Ananías, Sadrac sbiil c'ot; te Misael, Mesac sbiil c'ot; te Azarías, Abed-nego sbiil c'ot.

1 Reyes 13:28

Te mamal j'alwanej yu'un Dios bajt', chawal ta be c'o sta te mach'a lajeme, tey ayic ta sts'eel a te burro soc nix te león-choje. Te león-choje ma ba sti'oj te mach'a lajem, soc ma ba laj ta pich'ulayel stuquel te burro.