Daniel 3:21 - Bible in Tzeltal de Oxchuc y Tenejapa

²¹ Ta yoxebal te queremetic ja' to slapojic a te sc'u'ic swenta tulan yat'elique, la yich'ic c'olel, soc la yich'ic ch'ojel ochel ta horno te banti yac ta tilel te c'ajq'ue.

Bible in Tzeltal Bachajón

²¹ Hich te winiquetic ini la yich'ic chuquel soc smuc'ul-c'u'ic, stepic, spohtsil sjolic soc sc'u'ic, la yich'ic ch'ojel ochel ta horno banti yac ta tihlel te c'ahq'ue.

Daniel 3:21 Referans Kwoze

Jeremías 29:22

Jich te mach'atic ic'otic loq'uel ta Judá, te ic'otic bael ta mosoil ta Babilonia, teme ya sc'anic te ya sbolc'optayic yan, ya me staic ta alel: ‘Te Cajwaltic ac'a spasbat ta atojol, jich bit'il la spasbey te Sedequías soc te Acab, ja' te mach'atic la swo ta c'ajc' te muc' ajwalil yu'un Babilonia’, xiuc me ta yutel.

Daniel 3:20

Ora la yal mandal ta xchajbal te soldadoetic yu'une te ac'a yich' tsael soldadoetic te mero ay yipique, swenta yu'un ya sc'olic te Sadrac, Mesac soc Abed-nego, soc ac'a xch'ojic ochel ta horno te banti yac ta tilel te c'ajq'ue.

Daniel 3:27

Ta spisilic te mach'atic yich'oj yat'elic yu'un te nacione, te jayebic tey ayic ae, talic noptsajic tel ta stojolic te oxeb winiquetique. La yilic ta lec te mero ma'yuc chic'bot sbaq'uetalic yu'un te c'ajq'ue, ni jxujt'uc tsacbot ta c'ajc' te stsotsil sjolique, soc ni ayuc bila la spas jxujt'uc te sc'u'-spaq'ue, soc ni ayuc chican ta aiyel yic' bila c'ajq'uem yu'unic.

Génesis 39:20

Jich yu'un la sticun bael ta chucjibal, ta banti ay yantic jchuqueletic yu'un te ajwalile. Tey ac'ot ochel ta chuquel a.

Daniel 3:6

Spisil te mach'atic ma ba ya sc'an ya squejan sbaic ta xch'uunel te loc'ombae, ora me ya yich'ic ch'ojel ochel ta horno yu'un c'ajc' te yaquix ta tilele —xi'.

San Mateo 13:42

Ya me xch'ojic ochel ta bay yawil c'ajc' te yac ta tilele. Tey me ya xc'o yoq'uetay sbaic a, soc tey ya sjets'ulay yeic a.