Daniel 3:19 - Bible in Tzeltal de Oxchuc y Tenejapa

¹⁹ Te c'alal la yaiy te Nabucodonosor te bila la yalique, tsajub yelaw yu'un slab yo'tan ta stojol te oxeb queremetique. Ja' yu'un la yal xan tulan mandal te ya yich' xan toyesel juqueb buelta yip te c'ajc' ta hornoe.

Bible in Tzeltal Bachajón

¹⁹ Hich te Nabucodonosor bayel ilin, yanij sit yelaw ta stojol te Sadrac, Mesac soc Abed-nego, la yal mandar te ya yich' xan q'uixnayel huqueb buelta te sc'ahc'al te horno te c'ahyemic ta spasele.

Daniel 3:19 Referans Kwoze

Daniel 3:13

Te Nabucodonosor bayal jajch' slab yo'tan yu'un. La yal mandal te ya x'ic'ot tel ta stojol te Sadrac, Mesac soc Abed-nego. Te c'alal ayiquix ta stojol ae,

Levítico 26:24

ja' ni me jich tulan ya cac' jba ta atojolic, ya me cac'beyex juqueb xan buelta castigo yu'un te amulique.

Proverbios 21:24

Muc' scuyoj sba te jlabanwanej; soc te mach'a stoyoj sba ta jyalele ma x'ich'awan ta wenta.

Levítico 26:28

ja' ni me jich tulan ya cac' jba ta atojolic uuc, buen ilinemon me a ya cac'beyex castigo juqueb xan buelta yu'un.

Hechos 5:33

Te c'alal la yaiyic stojole, la smich' sba yo'tanic yu'un. C'an smilic.

Daniel 5:6

toj bael xch'ich'el yu'un. Ta scaj te mero bayal och xiwel ta yo'tan, jajch' ta nijq'uel ta yacan c'alal ta sjol.

Salmos 76:10

Te yilimba winic ya xc'atp'uj ta yutsil ac'oplal; manchuc me mero jxujt' te yilimbae ya xc'atp'uj ta acorona.

Levítico 26:21

“Teme stalel jich ayex baele, te tulan ya awac' abaic ta jtojole, soc te ma x'ac'anic te ya ach'uunbonic te jc'ope, ya me cac'beyex juqueb xan buelta castigo, chican te bit'il ay te amulique.

Levítico 26:18

“Manchuc jich ya jpasbeyex, pero teme ma ba ya ach'uunbonic te jmandale, ya me jtoy xan juqueb buelta castigo yu'un te amulique.

Hechos 7:54

Te c'alal la yaiyic stojol te bila la yal te Estebane, mich'ot yo'tanic yu'un ta c'axem to xan. La xc'ux yeic yu'un ta scontroinel.

Daniel 6:24

Ja' nix ta yorail a, te muc' ajwalil la sticun ta iq'uel te winiquetic la slebeyic smul te Daniel. Te winiquetic, ta spisil soc yinamic soc yal-snich'nabic, la yich'ic ch'ojel ochel ta xch'en león-chojetic. Ma to ba staojic c'oel a, wilic tel ta stojolic te león-chojetique, jich ti'otic ta ora yu'un.

Isaías 51:23

Ja' ya cac'beyix te mach'atic la yac'bat c'axuc awocole, ja' te mach'atic jich la yalbate: “Pajc'ana aba ta lum, ya me xc'axotic ta aba”, la yutat. Jich la apajc'an aba ta lum swenta yu'un jich la stec'at jichuc tan —xi' te Cajwaltique.

Proverbios 16:14

Te yilimba muc' ajwalil, ja' ya yalbey sc'oplal te lajele; pero te mach'a ay sp'ijile, ja' ya yac' puersa ta slamantesbeyel yo'tan.

Ester 7:7

Te Asuero mero bayal ilinem yo'tan a jajch' bael. La yijq'uitay jilel te yut na te banti yacal ta we'el swenta te q'uine, loc' bael ta nichimaltic te bay sti' spalacio. Pero te Amán la sna' te ayix ta yo'tan te muc' ajwalil te ya x'ac'ot ta lajel yu'une, ja' yu'un jil ta yutil na, yac ta yalel wocol ta stojol te antsil-ajwalil Ester te manchuc ya x'ac'ot ta lajele.

Génesis 31:2

Soc la yil te Jacob te bit'il ma jichuquix yo'tan Labán ta stojol te bit'il ta neelale.

Daniel 2:12

C'alal la yaiy te muc' ajwalil te jich la yalique, til jajch'el slab yo'tan yu'un. Jich la yal mandal ta milel ta spisilic te mach'atic bayal bitic sna'ojic te ayic ta Babilonia.

Daniel 3:20

Ora la yal mandal ta xchajbal te soldadoetic yu'une te ac'a yich' tsael soldadoetic te mero ay yipique, swenta yu'un ya sc'olic te Sadrac, Mesac soc Abed-nego, soc ac'a xch'ojic ochel ta horno te banti yac ta tilel te c'ajq'ue.

Ester 3:5

Te c'alal la sna' ta lec te Amán te ma ba ya squejan sba soc ma ba ya stinan sba te Mardoqueo te c'alal ya xc'axe, mero ilin yo'tan yu'un.