Daniel 3:18 - Bible in Tzeltal de Oxchuc y Tenejapa

¹⁸ Manchuc teme ma scoltayotic te Diose, pero na'a me, muc' ajwalil, te ma'yuc bi ora ya jch'uuntic te diosetic awu'une, soc ni ma'yuc bi ora ya jquejan jbajtic ta stojol te loc'omba pasbil ta oro —xiic.

Bible in Tzeltal Bachajón

¹⁸ Teme ma'uque, na'a me, ajwalil, te ma ba ya cac' jbahcotic ta a'batinel yu'un te diosetic awu'un soc ma ba ya jch'uhuntaycotic te loc'omba atehc'anej, xchihic.

Daniel 3:18 Referans Kwoze

San Mateo 10:39

Te mach'a c'ux nax ya yaiy sba soc te xcuxlejale, ya me xch'ay soc te xcuxlejale. Yan te mach'a ma xc'uxtay sba soc xcuxlejal ta jo'on jwenta, ja' me ya xcuxin stuquel.

Apocalipsis 12:11

Te quermanotactique la stsaliquix ta swenta xch'ich'el te Alalchije soc ta swenta te sc'op Dios te la stejc'an sbaic ta testigo yu'une. Melel ma la xc'uxtay sbaic soc te xcuxlejalique. Jun nax yo'tanic la yac' sbaic ta lajel yu'un.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.

Daniel 3:28

Te Nabucodonosor c'opoj ta ora, jich la yal ta tulan: —Bin nax yutsil yu'el stuquel te Dios yu'un Sadrac, Mesac, Abed-nego, te la sticun tel ch'ul abat yu'un ta scoltayel te abatetic yu'un te jun yo'tanic ta stojole, te ja'ic te ma ba la xch'uunbonic jmandal jo'on te muc' ajwalilone, te la spas ta yo'tanic te manchuc me ya xlajic ta milel yu'un, pero ma ba la squejan sbaic ta xch'uunel yan dios te ma ja'uc te Dios yu'unique.

Proverbios 28:1

Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

Job 13:15

Manchuc me ya smilon stuquel te Diose, pero te jo'one ma xyanaj co'tan, ja' me ay sc'oplal ta co'tan te ya jtejc'an jba ta stojol ta yalel te bila ya jcoltay jba a.

Hechos 4:19

Te Pedro te Juane jich la yalbeyic te tsobleje: —Te ja'exe nopa awaiyic teme lec ta stojol Dios te ja' ya jch'uuntic te bila ya awalique, o ja' ya jch'uuntic te bila ya yal te Diose.

Levítico 19:4

“Ma me xbaex ta stojolic te loc'ombaetique, soc ma me xapas adiosinic ultesbil taq'uinetic. Jo'on Ajwalilon, Dioson awu'unic.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

San Mateo 16:2

Ja'uc me to, te Jesús la yalbey yaiyic: —Te c'alal malix a te c'aale jich ya awalic: “Q'uepelix q'uinal pajel, yu'un tsaj te ch'ulchane”, xaex yu'un.

Hebreos 11:25

Ja' lec la yaiy te pajal ya yich' uts'inel soc te lum yu'un te Diose, soc ma la sc'an smulanbey yutsil che'oxebuc c'aal te bila swenta mulile.

1 Reyes 19:14

La sjac': —Mero bayal ac'oplal ya caiy ta co'tan, Cajwal te Diosat te Spisil ya xju' awu'une. Melel te jlumal israeletic la xch'ayix ta yo'tanic te bila chapal awu'un soque. La sbusq'uiniquix ta jinel te scajtijib ta chiq'uel amajt'ane, soc la smiliquix ta puñal te j'alwanejetic awu'une. Jtuquel xanix jilemon, pero ya sleonic yu'un ya smilonic uuc —xi'.

1 Reyes 19:18

Ja'uc me to, ya calbat in to: ay to jucmil (7,000) ta jtul ta Israel te ma ba squejanej sbaic ta stojol Baal soc te ma'yuc sbujts'iyejique. Ja'ic ya me yich'ic canantayel cu'un —xi'.