Daniel 3:10 - Bible in Tzeltal de Oxchuc y Tenejapa

¹⁰ Te ja'at muc' ajwalilat cu'untic, la awalix mandal te spisil ants-winiquetic ya squejan sbaic ta xch'uunel te loc'omba pasbil ta oro te c'alal bi ora ya xchicnaj sc'op te at'ejibaletic yu'un música.

Bible in Tzeltal Bachajón

¹⁰ Ha'at, ajwalil, awaloj mandar te spisil ants-winiquetic ya me squejan sbahic soc ya me sch'uhuntayic te loc'omba pasbil ta oro te c'alal ya xchicnaj sc'op te corneta, flauta, cítara, lira, salterio, gaita, soc spisil te a'tejibaletic yu'un música,

Daniel 3:10 Referans Kwoze

Daniel 6:12

Jich ora ba sc'oponic te muc' ajwalile, swenta yu'un ya yalbeyic sc'oplal te c'op chapale, jich c'o yalbeyic: —Te ja'at te muc' ajwalilat, la apuc ta alel chajbanbil c'op, te banti ya yal teme ay mach'a ya yalbey wocol biluc diosil o winic ta sjunal te lajuneb xcha'winic (30) c'aal, teme ma ja'ucat te muc' ajwalilate, ya me yich' ch'ojel ochel ta xch'en león-chojetic, ¿Ma bal jichuc? —xi'. La sjac' te muc' ajwalil: —Jich nix a, melel te bi chapale, ya me xc'ot ta pasel, jich te bit'il ya yal te ley yu'unic te medoetic soc persaetic, te ma xju' ta yantesele —xi'.

San Juan 11:57

Te fariseoetique soc te jwolwanej-sacerdoteetic yalojiquix mandal te ya me yalic teme ay mach'a ya sna' ta banti ay te Jesuse, swenta yu'un ya me xba stsaquic tel.

Amós 6:5

Ya atijic arpa te ya smulan awo'tanic; ya ac'ainbeyic yat'el David,ya anopic te bit'il ya sc'an pasel yantic músicaetic.

Daniel 3:15

¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

Isaías 10:1

¡Ya me awil awocolic! Yu'un ya achajbanic mandaliletic yu'un uts'inel, soc ya apuquic bael te bitic chajbanbil awu'unic te mero ma xcujch'e.

Eclesiastés 3:16

La quilix ta lec ta balumilal te ya jtatic te bitic amen ta banti sc'oplal ay lequil chajbanele, soc ya jtatic te bitic ma lecuc ta pasel ta banti sc'oplal ay stojil te c'ope.

Salmos 94:20

Te ja'at ma xju' ya ajoin te mach'atic ma stojiluc ya xchajbanwane, te ma lecuc ya x'at'ejic soc te ma ja'uc ya stuuntesic te mandaliletique.

2 Crónicas 29:25

Te muc' ajwalil Ezequías la yac' ta templo yu'un Cajwaltic te levitaetic te ya stijic te platilloetic, salterioetic soc cítaraetic, jich nix bit'il chapal yu'un te namey q'uinal muc' ajwalil David, soc Gad te j'alwanej yu'une, soc te j'alwanej Natán, melel jich mandal yu'un Cajwaltic te yac'ojbey ta swentaic te j'alwanejetic yu'une.

1 Crónicas 15:28

Spisil Israel jich la yich'ic bael te scajonil trato yu'un te Cajwaltique. Ayic ta aw soc sbujts' yo'tanic soc ta sc'op te xulub chij, ta sc'op oq'ues, platilloetic, salterioetic soc ta sc'op te arpaetique.

1 Crónicas 15:16

Te David la nix spas ta mandal te jtsobwanejetic yu'un te levitaetic, te ac'a yich'ic leel ta yolilal sts'umbalic te mach'atic ya xc'ajinic bael soc te at'ejibal yu'un música: ja' te salterioetic, te arpaetic soc te platilloetique. Binuc nax me yo'tanic ya stijic swenta sbujts' q'uinal yaiyic.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

Éxodo 1:16

—Te c'alal ya xba awilic te hebrea-antsetic te ya x'alajique, ilawilic ta lec te bi alalil te ya x'ayine. Teme ach'ixe, ac'a cuxinuc, yan teme quereme, milaic —xi' sc'oplalic.

Daniel 3:11

Te mach'a ma ba ya spase, ya me yich' ch'ojel ochel ta horno te banti tulan yac ta tilel te c'ajq'ue.