Daniel 2:44 - Bible in Tzeltal de Oxchuc y Tenejapa

⁴⁴ Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Bible in Tzeltal Bachajón

⁴⁴ Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

Daniel 2:44 Referans Kwoze

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

Salmos 145:13

Te awat'el ta ajwalil sbajt'el q'uinal ay; te wentainel awu'un sbajt'el q'uinal stuquel.

Daniel 6:26

Yo'tic ya cal tulan mandal ta stojol ta spisil te bay c'alal ayic ta jwenta, te ya me yich'ic ta muc' soc ac'a xch'uunic te Dios yu'un Daniel. Melel ja' mero cuxul Dios stuquel, soc sbajt'el q'uinal ay. Te mandalteswanej yu'une, ma'yuc bi ora ya xlaj, soc ma'yuc slajibal te yu'ele.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

Daniel 4:34

La yal xan te Nabucodonosore: “C'alal ts'acaj te castigo ta jtojole, jo'on te Nabucodonosor la quil moel te ch'ulchane. Te c'alal la quil moele, la caiy te lecubon te bit'il boloben te jole. Jich la calbey yutsil sc'oplal te Dios mero toyole, jich la calbey ta xch'ul-tojol te Mach'a cuxul ta swenta sbajt'el q'uinale: ‘Sbajt'el q'uinal ay yip te yu'ele; sbajt'el q'uinal ay ta ajwalinel yu'un spisil ta cajalcaj mach'atic ya xc'axic ta q'uinal.

Isaías 60:12

Te lum te ma xyac' sba ta abatinel ta atojole, ya me xch'ay ta jc'axel; spamal me sq'uinal ya yich'ic jinel ta jyalel.

Daniel 4:3

Mero c'ax yan yilel a te smuc'ul yat'el te yu'ele. Sbajt'el me q'uinal ma xloc' yat'el ta Ajwalil. Te yip yu'ele, ya me xc'ax ta stojol spisil ta caj mach'atic ya xc'axic ta q'uinal.

Daniel 2:37

Te ja'ate, ja'at mero muc'at ta stojol te yantic muc' ajwaliletique, melel ja' nix te Dios ay ta ch'ulchan te la yac' ochan ta muc' ajwalile. La yac'bat awu'el, la yac'bat awip, la yac'at ta ich'el ta muc',

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Daniel 2:28

Pero ay jun nax Dios ta ch'ulchan te ya sna' te bila wocol ta na'ele, ja' la yac'bat ana' te bila ya xc'ot ta pasel ta patil baele. Ya me calbat awaiy, muc' ajwalil cu'untic, te bila swentail te awaiche, soc te bitic la awil la awaiy te c'alal wayalate:

Ezequiel 37:25

Ya me xnainic tey ta lumq'uinal te la cac'bey te cabat Jacob, tey ta banti nainic uuc te antiguo sts'umbalique. Jc'axel me tey ya xnainiquix soc yal-snich'anic a, soc ta spisil te patil alnich'anetic yu'unique. Ja' me ajwalil yu'unic sbajt'el q'uinal te cabat David.

Apocalipsis 2:27

jich te bit'il yac'ojbon quich' cat'el te Jtate. Ya me xmandalajic soc sbastón-taq'uinic. Ya me swuyic c'oem te lumetique, jich bit'il ya yich' wuyel te oxome.

San Juan 12:34

La yal te ants-winiquetique: —Caiyojtic stojol te bit'il ya yal te mandalil cu'untic te stalel cuxul sbajt'el q'uinal te Cristoe. ¿Bit'il ay a te jich la awal te puersa ya xjijp'anot te Nich'anile. ¿Mach'a a te Nich'anil ya awale? —xiic.

Daniel 8:25

Ta swenta sp'ijil yo'tan ta lo'laywanej, ya xju' yu'un tsalaw. Ya me xnoj ta yo'tan toybail, bayal me ya smuquen-mil te mach'atic jun yo'tanic ta stojole. Ya me stoy sc'ab ta stojol te Ajwalil yu'un ajwaliletique. Pero jc'axel me ya xlajinot yu'un stuquel.

Daniel 2:34

Te c'alal yacat ta yilel ae, tojch tel jun ton; te tone ma'yuc mach'a tojchot tel yu'un, ta stuquel nax tojch tel. Te tone, jul smaj sba ta yacan te loc'ombae, toj wuyel yu'un.

Hebreos 12:28

Te bit'il jo'otic ya x'ac'ot ainucotic yu'un Dios tey a te banti ma stac' ta jinele, jich yu'un ac'a me calbeytic bayal wocol yu'un. Spisiluc me co'tantic ya cac' jbajtic ta abatinel ta stojol te Diose. Lecuc me yo'tan cu'untic, soc bayaluc me sc'oplal ta co'tantic te ya jlajin jbatic ta stojole.

Daniel 2:35

Ta ora nax, mero ts'ubiltic jil ta jc'axel te hierro, ajch'al, bronce, plata, soc te oro. Jich ts'ubiltic te bit'il ya quiltic ts'ubil lum ta yorail verano te c'alal ya yich' wuyel te trigoe. Jc'axel jujch'iyot bael yu'un te iq'ue, ma'yuc bila chican jilel. Pero te ton jul ta stojol te loc'ombae, c'atp'uj ta jun mero muc'ul wits. Te witse la smac spisil te lumq'uinale.

Daniel 2:43

Jich te bit'il la awil te hierro capal ta ajch'ale, jichic me te mach'atic ya yich' yat'elic ta ajwalil. Jun me ya xc'otic ta swenta nujbinel, pero ma me xju' te mero jun nax ya xc'otique, jich te bit'il te hierro, ma xju' ya scap sba soc te ajch'ale.

Hageo 2:7

Ya me cac' nijc'uc ta spisilic te nacionetique. Ya me yich'ic tel sc'ulejalic, te templo cu'un ay me bayal yutsil ya xc'ot —xi' te Cajwaltic te Spisil ya xju' yu'une. Soc jich ya yal ta jamal te Cajwaltique:

2 Samuel 7:13

Ja' me ya spasbon jun templo; soc ya me cac'bey yat'el ta muc' ajwalil sbajt'el q'uinal.

2 Samuel 7:16

Te ats'umbal soc te awat'el ta muc' ajwalil stalel ay cu'un sbajt'el q'uinal, jo'on ya jwentain. Soc nix te awat'el ta muc' ajwalil sbajt'el q'uinal chapal ya xjil”, uta me —xi' te Cajwaltique.

Daniel 6:27

Ja' ya xju' ya xcoltaywan, ja' ya xju' ya x'ac'awan ta libre. Ja' te ya spas jchajp señailetic ta ch'ulchan soc ta balumilal. Ja' la scoltayix ta ye león-chojetic te Daniel”, xi'.

Hageo 2:22

Ya me jlajinbey yipic te ajwaliletic ta balumilal; ya me jch'oj coel ta smuc'ul nactijibic. Ya me cac' balch'ujuc te carretaetic yu'un guerra soc te mach'atic ochemic a; soc ya me xlajic te caballoetic soc te mach'atic cajajtic a. Juju-jtul me ya smil sbaic; ya me slow sba soc ta puñal te yermanoe.