Daniel 2:25 - Bible in Tzeltal de Oxchuc y Tenejapa

²⁵ Te Arioc ora la yic' bael ta stojol muc' ajwalil Nabucodonosor te Daniel. Jich c'o yalbey: —Ta yolil te judioetic te ic'otic loq'uel tele, la jta jtul winic te ya xju' yu'un te ya yalbat awaiy te bila swentail te awaiche —xi' c'oel ta stojol te muc' ajwalile.

Bible in Tzeltal Bachajón

²⁵ Ha yu'un te Arioc ora la yic' bahel ta stojol ajwalil te Daniel, hich la yalbe: La jta ta yohlil te judiohetic te ic'bilic loq'uel tal ta slumalic te ya xhu' ya yalbe ya'iy te ajwalil te bin scuentahil te swayiche, xchi.

Daniel 2:25 Referans Kwoze

Daniel 6:13

C'opojic xan bael, jich la yalic: —Ja' te Daniel, te ja' jtul sjoy te judioetic te ic'otic tel ta mosoile, ma sc'an xyich'at ta muc' ja'at te muc' ajwalilat cu'untique, soc mero ma sc'an xyich' ta muc' te c'op chapal la apuc ta alele. Yu'un la quiltiquix te yac ta yalel wocol oxeb buelta jujun c'aal ta stojol te Dios yu'une —xiic.

Daniel 5:13

Jich bajt' ta iq'uel ta stojol muc' ajwalil te Daniel, jojc'obot yu'un: —¿Ja'at bal te Danielate, te ja' ajoy te judioetic ic'otic loq'uel tel ta Judea yu'un te anima muc' ajwalil Nabucodonosor, ja' te jtate?

Daniel 1:6

Ta yolil te queremetic tey ay a te Daniel, Ananías, Misael soc Azarías, te sts'umbal Judá ta spisilic.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Proverbios 24:11

Coltaya te mach'atic ic'biliquix bael ta lajele; coltaya me ta lajel te mach'atic ayiquix ta castigo.

Nehemías 7:6

“Ja' slistail sbiilic te israeletic ayinic ta Judá, te ac'bot yijq'uitayic slumalique, te ic'otic bael ta Babilonia yu'un te muc' ajwalil Nabucodonosor. Patil sujt'ic xan tel ta Jerusalén soc ta yantic lumetic ta Judá, chican te banti slumalic ta chajbalchajbe. Ja' ic'bilic yu'un te Zorobabel, Josué, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum soc Baana:

Génesis 41:14

Jich yu'un te faraón la sticun ta iq'uel te José. Animal nax la sloq'uesic ta chucjibal, la sjoxbeyic sjol, la yac'beyic slap yan sc'u'. Jich ic'ot tel stejc'anbeyic ta stojol faraón.