Daniel 2:23 - Bible in Tzeltal de Oxchuc y Tenejapa

²³ Ja'at, Diosat yu'un te jme'-jtate, ya me calbat wocol soc ya me calbat yutsil ac'oplal. Melel la awac'bon sp'ijil co'tan soc awac'ojbon quip. Yo'tic la awac'bonix jna' te bila la jc'anbate; la awaq'uix jna'tic te bila bayal sc'oplal ta yo'tan te muc' ajwalile —xi' te Daniele.

Bible in Tzeltal Bachajón

²³ Ha'at Diosat yu'un te jme'jtat, ya calbat wocol soc ya calbat yutsil ac'oblal, como la awa'bon sp'ijil co'tan soc quip, yo'tic la awa'bonix jna' te bin la jc'ambatcotic, la awa'botcotic jna'cotic te swayich te ajwalile, xchi.

Daniel 2:23 Referans Kwoze

Daniel 2:18

Jich yu'un jajch'ic ta sc'anel coltayel yu'un Dios ta ch'ulchan ta sna'beyel sc'oplal te bila wocol ta na'ele, soc swenta yu'un jich ma ba ya yich'ic milel soc a te mach'atic ay sp'ijilic te ayic ta Babilonia.

Éxodo 3:15

Te Dios la yalbey xan te Moisés: —Albeya xan te alumale: “Te Cajwaltic te Dios yu'un te antiguo jme'-jtatique, ja' te Dios yu'un Abraham, Isaac soc te Jacob, ja' la sticunon tel ta atojolic”, uta me. Ja' me te jbiile. Sbajt'el q'uinal ay, ma ba ya xch'ay sbajt'el q'uinal te jbiile.

San Lucas 10:21

Jich ora te ay bayal sbujts' yo'tan Jesús ta swenta te Ch'ul Espiritue. Jich la yal: —Jtat, te yajwalat ch'ulchan balumilale, jelawen yutsil awo'tan te ja' la awac'bey sna'ic stojol spisil in to te mach'atic peq'uel ayique te ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinale. Jich, Jtat, melel jich la sc'an awo'tan atuquel —xi'.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.

Daniel 1:17

Ta xchanebalic te queremetique, Dios ac'bot sp'ijil yo'tanic yu'un, soc ac'bot sna'ic ta lec te bit'il ay sc'oplal spisil ta jchajp libroetic soc spisil p'ijililetic. Te Daniel ya sna' yalbeyel sc'oplal spisil ta jchajp waichiletic soc te bitic ya x'ac'bot yil ya yaiye.

Isaías 12:1

Te bi c'aalil ya xc'ot ta pasele, jich me ya awal: —Ya calbat wocol, Cajwal; manchuc me ilinat cu'une, te awilimbae c'axix bael, la awac' sujt'uquix lamal q'uinal ta jtojol.

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

Apocalipsis 5:5

La yalbon ts'iin te jtul mamale: —Ma x'oc'atix. Melel ya xju' yu'un sjamel selloetic te León-choj yu'un te sts'umbal Judá te ja' nix sts'umbal te muc' ajwalil Davide. Melel ju'ix yu'un tsalaw. Jich ya xju' yu'un sjamel soc spolel te juqueb selloe —xi'.

Apocalipsis 1:1

Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.

San Juan 11:41

Jich la sloq'uesic te tone. Te Jesús la stoy moel sit ta ch'ulchan. Jich la yal: —Jtat, wocol awal te la awaiybonix stojol te jc'ope.

Eclesiastés 9:18

Ja' bayal ya xtuun te p'ijil c'ope, ma ja'uc ya xtuun te at'ejibaletic yu'un guerra. Manchuc me jtul nax te mach'a ya sta falta, jc'axel bayal bila ya xjin yu'un.

Eclesiastés 7:19

Te mach'a ay sp'ijile, ya x'ac'bot bayal yip yu'un te p'ijil-o'tanile. Ma ja'uc bayal yip ya xc'ot yu'un jpam lum, teme ay lajuntul te ajwaliletic yu'une.

Proverbios 24:5

Ja' bayal sc'oplal te ants-winic te ay sp'ijile; ma ja'uc bayal sc'oplal te mach'a ay yipe. Ja' cajal sc'oplal te sp'ijil sjole; ma ja'uc bayal sc'oplal te ipe.

Proverbios 21:22

Te mach'a ay sp'ijile ya xju' ya yac'bey guerra te jpam lum te buen scanantayej sbae, ya me slajinbey te yip te yich'oj sba ta muc' soque.

Proverbios 8:14

Jo'on ay ta jwenta te bila lec ya yich' chapele, jo'on ya cac' c'otuc ta pasel, jo'on te chajbajibalon soc te ay quipe.

2 Crónicas 20:6

jich la yal ta sc'oponel te Diose: —Cajwal, te Diosat yu'un te antiguo jme'-jtat cu'untic, ja'at Diosat yu'un ch'ulchan, ja'at ya xmandalajat yu'un spisil te nacionetique. Ay ta ac'ab te awip soc te awu'ele, mero ma'yuc mach'a ya stoy sba soc yip ta atojol.

1 Crónicas 29:13

Jich yu'un, Dios cu'un, ya caltic wocol ta atojol yo'tic, soc ya caltic te bin nax yutsil te ac'oplale.

1 Crónicas 29:10

Jich yu'un te David la yalbey yutsil sc'oplal te Cajwaltic ta stojol spisil te tsoblej, jich la yal: —Bin nax awutsil atuquel sbajt'el q'uinal, Cajwal, ja'at te Diosat yu'un te antiguo jtat Israel.

1 Reyes 18:36

C'alal la sta yorail te ya yich' aq'uel te chic'bil majt'anile, te j'alwanej Elías noptsaj bael, jich la yal: —Cajwal, Dios yu'un Abraham, Isaac soc Israel, ac'a ta na'el yo'tic te ja'at Diosat atuquel soc te jo'on awabaton, soc ac'a ta na'el te ja'at nix aticunejon ta spasel te bitic yacalon ta spasele.

1 Reyes 8:57

“Jich yu'un yo'tic te Cajwaltic te Dios cu'untique ac'a me sjoinotic, jich nix te bit'il ain soc te antiguo me'il-tatiletic cu'untique. Ma me xyijq'uitayotic soc ma me spijt'esotic.

Génesis 18:17

Jich la yal ta yo'tan te Cajwaltique: “Ma ba ya jmuc ta stojol Abraham te bila ya xc'ot ta pasel cu'un,

San Juan 15:15

Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

Eclesiastés 9:16

Pero jo'on ya cal ta jamal, ja' cajal sc'oplal te jp'ijiltique, ma ja'uc te quiptique. Ja'uc me to ma x'ich'ot ta muc' te p'ijil c'op yu'un te winique te ma'yuc bi ay yu'une, soc ma'yuc mach'a ya yaiybey te bila ya yal te me'ba winique.

Génesis 31:42

Te manchuc ja'uc joinej te Dios yu'un te Abraham te ich'bil ta muc' yu'un te Isaac, jich nix ma'yuc bila la awac'bon quich' sujt'el te jichuque. Pero Dios la sna'bon jwocol, soc la yil bit'il bayal at'ejon, jich yu'un la scomat ta ajc'ubal te naxe —la yut.

Salmos 21:2

La apasbey te bitic la sc'an yo'tane; ma'yuc la amacbey ta c'op te bitic la sc'anbate.

Salmos 21:4

La sc'anbat xcuxlejal, jich la awac'bey; najt'il cuxlejal la awac'bey te ya xjalaje.

Jeremías 33:3

Awtayawon, ya jac'bat. Soc jich ya calbat bitic muc' sc'oplal soc te bitic ma xju' ta na'el awu'une.