Daniel 2:21 - Bible in Tzeltal de Oxchuc y Tenejapa

²¹ Ja' ya sjelbey sc'aalelal, soc yajtalul. Ya xju' yu'un ya sloq'ues ajwaliletic, soc ya yac' ochel ajwaliletic. Ya xju' ya yac'bey sp'ijil yo'tan te mach'a ay sp'ijile; ya xju' ya yac'bey snopjibal yu'un te mach'a ay bila sna'oje.

Bible in Tzeltal Bachajón

²¹ Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

Daniel 2:21 Referans Kwoze

Daniel 4:17

Ja' te castigo la yaq'uic j'il-q'uinal ch'ul abatetic in to, swenta yu'un spisil me winiquetic ya sna'ic te ja' Dios mero toyol ay yip yu'el ta stojolic te chajbalchajp ajwaliletic ch'ich'-baq'uetetique. Ja' ya yac' ochel ta ajwalil te mach'a ya sc'an yo'tane, ya yac' ochel ta jwentainwanej ta stojol jun nación te mach'a mero peq'uele, ja' te mero peq'uel yu'un te winiquetique’, xi' sc'op te j'il-q'uinal ch'ul abate.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

Daniel 4:32

Ya me awich' loq'uesel ta yolil te ants-winiquetic, ya me xbaat ta nainel soc chambalametic. Ya me alo' wamal jichuc wacax. Jich me ya x'ainat juqueb ja'wil tey a, ja' to me teme c'ot ta awo'tan te ay yip yu'el ta stojol spisil nacionetic ta balumilal te Dios mero toyole, soc te ja' stuquel te ya yac'bey yat'el ta ajwalil te mach'a ya sc'an ya yac' ochele —xi'.

Job 12:18

Ya xju' ya sloq'uesbey yat'el muc'ul ajwaliletic, soc ya xju' t'anal a ya yac' bael ta chuquel.

1 Reyes 4:29

Te Salomón bayal sp'ijil yo'tan ac'bot yu'un Dios, soc bayal bitic ac'bot sna'bey swentail; mero bayal bitic ya xju' yu'un snopel, jich yipal te bit'il ji' ay ta sti'il mar.

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

1 Reyes 3:28

Ta spisil Israel chicnaj te bi la yut la xchajban te muc' ajwalile. Spisilic la yich'ic ta muc' te muc' ajwalil te c'alal la yilic te yich'ojbey sp'ijil Dios te toj ya yaiy chajbanwaneje.

Éxodo 31:3

La jnojesbeyix ta yo'tan te espíritu cu'une, soc ay sp'ijil ta spasel spisil te at'ele. Ay ta yo'tan te bila ya spas, soc yilojix ta pasel, ay smajt'an yu'un ta spisil.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Daniel 2:9

Ja' yu'un, teme ma ba ya awalbonic te bila la jwaichine, ta apisilic pajal ya xc'ot ta awentaic te lajele, melel te ja'exe achapojiquix te ya awac'bonic lotil sujt'ib te jc'ope ta swenta lo'laywanej, yu'un ya acuyic te jich ya xyanaj sc'oplal a te bila chapalixe. Albonic caiy jiche te bila la jwaichine, jich me ya jna' a te ya xju' awu'unic te ya awalbonic caiy te bila swentaile —xi'.

1 Crónicas 22:12

Te Cajwaltic ac'a yac'bat snopjibal ta lec soc p'ijil-o'tanil swenta yu'un, te c'alal ya yac'bat awat'el ta ajwalil ta stojol Israel, ya me ac'otes ta pasel te mandaliletic yu'un te Cajwaltic Dios awu'une.

1 Reyes 10:24

Ta spisil ants-winiquetic yo'tanuc ya yilic, soc yo'tanuc ya yaiybeyic te sp'ijil sc'op ac'bot yu'un te Diose.

Apocalipsis 19:16

Soc ay sbiil ts'ibubil ta bay te sc'u'e soc ta bay te ya'e: “Muc' Ajwalil yu'un te muc' ajwaliletique, Ajwalil yu'un te ajwaliletique”, xi' te sbiile.

Daniel 11:6

C'alal ya xc'ax bael te ja'wiletic, ay me ya spasic trato ta xchebalic: Te muc' ajwalil ta stojol sur ya me yac'bey yinamin yantsil-nich'an te muc' ajwalil ta stojol norte, swenta yu'un jich mero lamal q'uinal ya yaiyic ta xchebal a te nacionetique. Pero ya me xjin te bila chapal yu'unique, melel te antse soc te yale, te smamlal soc te abatetic yu'une, ya me yich'ic milel.

1 Crónicas 29:30

Tey ay a spisil sc'oplal te yat'el ta ajwalil, te yip yat'ele, soc te bitic c'ot ta pasel ta swenta, soc ta swenta te lum Israel soc ta swenta te yantic nacionetique.

Éxodo 31:6

Ja' me jcoltaywanej ya xc'ot yu'un te Aholiab te snich'an Ahisamac, te sts'umbal Dan. Soc spisil mach'atic te ay sp'ijilic yu'un te at'ele, ya to jtoyesbey xan te sp'ijilique. Jich me ya xju' spasel yu'unic spisil te bit'il calojbat mandal:

Ester 1:13

La sjojc'obey te mach'atic ay sp'ijil yo'tanic ta sna'el te leyetique, melel ja' scostumbreic te bila chajbanel ya sc'an yu'un te muc' ajwalil, ja' ya yich' nopel soc te mach'atic ya sna'ic te leyetic soc te mandaliletique.

Romanos 13:1

Spisil ants-winiquetic junuc me yo'tan ac'a xch'uunbeyic smandal te ajwaliletic te yich'oj yat'elique. Melel ja' ta swenta Dios te ay ajwaliletique, soc ja' nix Dios te ac'otic ta ajwalil yu'un te mach'atic yich'oj yat'elique.

Daniel 1:17

Ta xchanebalic te queremetique, Dios ac'bot sp'ijil yo'tanic yu'un, soc ac'bot sna'ic ta lec te bit'il ay sc'oplal spisil ta jchajp libroetic soc spisil p'ijililetic. Te Daniel ya sna' yalbeyel sc'oplal spisil ta jchajp waichiletic soc te bitic ya x'ac'bot yil ya yaiye.

Daniel 2:20

jich la yal: —Bayaluc me yutsil sbajt'el q'uinal te sbiil te Diose, melel ja' yu'un stuquel te p'ijil-o'tanile, soc ja' yu'un stuquel te yip yu'ele.

Daniel 2:23

Ja'at, Diosat yu'un te jme'-jtate, ya me calbat wocol soc ya me calbat yutsil ac'oplal. Melel la awac'bon sp'ijil co'tan soc awac'ojbon quip. Yo'tic la awac'bonix jna' te bila la jc'anbate; la awaq'uix jna'tic te bila bayal sc'oplal ta yo'tan te muc' ajwalile —xi' te Daniele.

Daniel 10:1

Ta yoxebal ja'wil yat'el ta muc' ajwalil yu'un Persia te Ciroe, te Daniel, te Beltsasar yan sbiile, ay bila ac'bot yil ta mero melel, pero chujc'ul ta na'beyel swentail. Te Daniel la yac' yo'tan ta sna'el, jich ju' yu'un sna'beyel swentail te bila ac'bot yile.

Daniel 4:14

jich yac ta yalel ta tulan: ‘Ts'etaic te te'e, set'beyaic te sc'abc'abe; tulbeyaic te yabenale, soc pucbeyaic te site. Ac'a anuquic bael te chambalametic te yac ta antayel yaxinal yu'une, soc nix te mutetic ayic ta sc'abc'abe.

Daniel 4:22

te te'e ja'at me ac'oplal c'oem te muc' ajwalilate, te muc'ubenat soc te ay bayal awipe. Te smuc'ul te awat'ele, te la staix c'oel te stoyolil ch'ulchane, ja' te ochemix ta ac'ab ta spisil te lumq'uinale.