Daniel 2:13 - Bible in Tzeltal de Oxchuc y Tenejapa

¹³ Te c'alal pujq'uemix ta alel a te mandale, la sticunic ta leel te Daniel soc te sjo'taque, swenta yu'un ya yich'ic milel uuc.

Bible in Tzeltal Bachajón

¹³ Puhc bahel te mandar te ya yich'ic milele. La slehic te Daniel soc te smohloltac yu'un ha'ic nix ya yich'ic milel.

Daniel 2:13 Referans Kwoze

Isaías 10:1

¡Ya me awil awocolic! Yu'un ya achajbanic mandaliletic yu'un uts'inel, soc ya apuquic bael te bitic chajbanbil awu'unic te mero ma xcujch'e.

Salmos 94:20

Te ja'at ma xju' ya ajoin te mach'atic ma stojiluc ya xchajbanwane, te ma lecuc ya x'at'ejic soc te ma ja'uc ya stuuntesic te mandaliletique.

Daniel 2:24

Ta patil, te Daniel ba yil te Arioc, ja' te yich'oj mandal yu'un muc' ajwalil te ya smil te mach'atic bayal bila sna'ojic te ayic ta Babilonia, jich la yalbey: —Ma xamil te mach'atic bayal bila sna'ojique. Ic'awon bael ta stojol te muc' ajwalile, jo'on me ya calbey spisil te bila swentail te swaiche —la yut.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.