Daniel 12:8 - Bible in Tzeltal de Oxchuc y Tenejapa

⁸ La caiy te bila la yale, pero ma xujt'uc la jna'bey swentail. Ja' yu'un la jojc'obey: —Cajwal, ¿bi ya xc'ot ta pasel ta patil yu'un spisil te bitic jchajp xanix sc'oplal ta alel ae?” la cut.

Bible in Tzeltal Bachajón

⁸ La jca'iy, pero ma ba la jna'be scuentahil. Ha yu'un hich la joc'obe: Tatil, ¿bin yilel ya xc'oht te slajibal te bintic ay ini? xchihon.

Daniel 12:8 Referans Kwoze

Hechos 1:7

La yal te Jesuse: —Te ja'exe, ma'yuc ta awentaic sna'el te bi orae soc te bi c'aalile. Ja' ay ta swenta te Jtat te tulan yat'el stuquele.

1 Pedro 1:11

La snopilayic mach'a a, soc te bi ora ya xc'ot ta pasel te bila la yal te Espíritu yu'un te Cristo te sjoinejique. La yalbey sc'oplal te bila woclajel ya yaiy te Cristoe, soc te bila utsilal ya sta ta patile.

San Juan 12:16

Ta xjajch'ibal te jnopojeletique ma ba la sna'beyic swentail te bila la yilic te c'ot ta pasele. Ja'uc me to, te c'alal ac'otix ta ilel yutsilal te Jesuse, jul ta yo'tanic te jich nix ts'ibubil jilel sc'oplale soc te jich nix c'ot ta pasel ta stojole.

San Lucas 18:34

Ja'uc me to, xujt' ma la sna'ic stojol te bila la yale, yu'un ma chicanuc la yaiyic te bit'il c'oem swentaile. Jich ma ba c'ot ta yo'tanic.

Daniel 12:6

Ay jtul c'opoj, la sjojc'obey te winic sc'u'inej lino-pac', ja' te ay ta yajc'olal te muc'ja'e, jich la yalbey: —¿Bi ora ya sta yorail slajibal te bitic jchajp xanix sc'oplal ae? —la yut.

Daniel 10:14

Ja' yu'un tal cac'bat ana'bey swentail te bila ya xc'ot ta pasel ta stojol ta patil te alumale, melel te bila la awil la awaiye, ja' ya yac' ta na'el te bila ya xc'ot ta pasele”, xi' te Gabriele.

Daniel 8:13

Patil la caiy yac ta c'op jtul ch'ul abat, la sjojc'obey yan ch'ul abat, jich yac ta yalel: —¿Bi to ora ya xlaj te bila chican yac ta pasel ta scajtijib ta chiq'uel milbil smajt'an Dios swenta jujun c'aale? ¿Jayeb c'aal ya xjalaj te mulil ilaybil sbae, ja' te ay ta c'abal soc yac ta pech'el ta teq'uel te ch'ul awilal yu'un Cajwaltic soc te mach'atic ch'uunbil yu'une? —xi'.

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Daniel 12:9

La sjac', jich la yal: “Jun awo'tan xbeenat, Daniel, melel spisil in to, muquen me ya x'ain ja' to teme la sta yorail te slajibale.