Daniel 12:3 - Bible in Tzeltal de Oxchuc y Tenejapa

³ Te mach'atic ay sp'ijilique, te la yiq'uic ta beel tsobol ta jtul ta tojil bee, jich me xojobil ya xc'otic te bit'il xojobil te ch'ulchane. Xlemet me xojobil sbajt'el q'uinal, jich te bit'il xlemet xojobil te eq'uetique.

Bible in Tzeltal Bachajón

³ Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

Daniel 12:3 Referans Kwoze

San Mateo 13:43

Te mach'atic toj yo'tanic ta stojol te Diose, ya me xojobajic jich bit'il te c'aal ta ba ay ta ajwalinel te Jtatique. Te mach'a ay xchiquine, ac'a me yaiy stojol ta lec.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Daniel 11:33

Te mach'atic ay sp'ijilic tey ta slumalic ya me sp'ijubtes tsobol ants-winiquetic, pero ora me ya yich'ic milel, ya me yich'ic chiq'uel, soc ya me x'elc'anbotic bael te biluc yu'une, ya x'ic'otic bael ta mosoil ta yantic lumetic. Ja' me in to ya me xjalaj jtebuc.

Daniel 11:35

Soc ay me ya yich'ic uts'inel te jp'ijubteswanejetic yu'un te lume. Melel ta swenta prueba ya yich' xan lecubtesel soc ya xtojobic xan ta mero lec, ja' to teme c'ot te yorail albilixe.

Proverbios 11:30

Te toj-o'tanil ya yac' cuxlejal; yan te mach'a jach-c'ope, ya xpojbot xcuxlejal.

Hebreos 5:12

Te bit'il bayalix c'aal ach'uunejic te Cristoe, ya sc'an te ja'ex ayex ta p'ijubteswanej te jichuque. Ja'uc me to, ya to sc'an ya awich'ic xan p'ijubtesel a te bila xjajch'ibal ay ta xch'uunel te sc'op Diose, melel pejc'ajemix awipic. Ja' ya xtuunix awu'unic yan buelta te leche, ma xju' awu'unic stuuntesel te tulan we'elile.

San Juan 5:35

Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

San Juan 4:36

Te mach'atic ya sc'ajique, ya me x'ac'bot stojol sc'ab yu'un. Soc te sit c'ajoj te ya stsobique, sbajt'el q'uinal ya xcuxin, swenta yu'un pajal me ya xbujts'naj yo'tanic soc te mach'atic la yaiyic awale soc te mach'atic la yaiyic c'ajoje.

1 Corintios 3:10

Ta swenta nax yutsil yo'tan te Diose, la yac'on ta maestro albañil ta yaq'uel yiptajib te sts'ajc'ule. Yan mach'a ya sts'ajc'uy moel ta sba. Ja'uc me to, juju-jtul ac'a yil te bi yilel ya xbajt' ta ts'ajc'uyel yu'une.

Jeremías 23:22

Te yu'unuc la sna'ic te bila ay ta co'tane, la yalbonic jc'op ta stojol te lum cu'un te jichuque; la yac'beyic yijq'uitay te amen be st'unojic te jichuque soc la yijq'uitayic te sbol at'elique —xi' te Cajwaltique.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

2 Pedro 3:15

Na'aic me stojol te ay swentail te jal c'aal smaliyejotic te Cajwaltique, yu'un ya sc'an yo'tan te ya scoltayotique. Jich nix la sts'ibubeyex uuc te quermanotic Pablo, te bayal c'ux ta co'tantique. Ta swenta sp'ijil yo'tan ac'bil yu'un Dios te la yale.

Efesios 4:11

Ja' nix Dios la yac'bey majt'aniletic ta stojol juju-jtul. Ay la yac'bey yich' yat'elic ta jpuc-c'op. Ay la yac'bey yich' yat'elic ta yalel sc'op Dios. Ay la yac'bey yich' yat'elic ta xcholel te lec yach'il c'ope. Ay la yac'bey yich' yat'elic ta pastoril. Soc ay la yac'bey yich' yat'elic ta p'ijubteswanej.

San Mateo 24:45

“¿Mach'a a te abat te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale, soc te ya yac'bey swe'elic ta mero yorail ta jujun buelta te ya xwe'ique.

San Mateo 19:28

Te Jesús jich la yalbey yaiyic: —Jamal ya calbeyex, te bi ora ya yich' pasel ta yach'il spisil te bitic aye, te c'alal ya snajc'an sba ta bay yutsil smuc'ul nactijib te Nich'anile, ja'ex uuc te ajoinejique ya me x'ac'botex anactijibinic lajchayeb muc'ul nactijibaletic, yu'un ya me awaiyic chajbanwanej ta stojol te lajchaychajp israeletique.

Hechos 13:1

Te jch'uunjeletic ta lum Antioquia ay j'alwanejetic yu'un Dios soc maestroetic yu'un te sc'op Diose: ja' te Bernabé, soc Simón te Negro yan sbiile, soc Lucio te talem ta lum Cirene, soc Manaén te pajal la yich' ch'ijtesel soc te Herodes te ajwalil yu'un te Galileae, soc te Sauloe.

Proverbios 3:35

Te mach'atic ay sp'ijilique, ja' me smajt'an ya xc'otic te lec-o'tanil ta stojolique; yan te mach'atic ma sna'ic q'uinale, ja' nix me ya x'ac'otic ta na'el yu'un te amen yat'elique.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Daniel 12:10

Ay me mach'atic bayal ya xc'ax yu'un te woclajel albil sc'oplale, pero buen lec me soc buen chapalic me ya xloq'uic yu'un. Te mach'atic amen yo'tanique, stalel me ya xjilic ta spasel xan te bitic amene, melel ma me xc'ot ta yo'tan stuquelic te bila ya xc'ot ta pasele. Yan te mach'atic ay sp'ijilique, ya me sna'ic spisil stuquelic.

Éxodo 34:35

Te bit'il ya yilic israeletic te xojobajem yelaw te Moisese, jich ya xcha'mac xan ta pac' te yelawe, ja' to c'alal ya xcha'och xan ta c'op soc te Cajwaltique.

Jueces 5:31

“Cajwal, jichuc me ac'a yich' jinel ta spisil te acontro, ja' ac'a xojobajuc te mach'atic c'uxat ta yo'tanic jich bit'il te c'aal ta spisil xojobil”, xiic ta c'ayoj te Débora soc Barac. Ta patil lamaj ta jc'axel te c'op ta bay te q'uinale, ja' to c'alal loc' cha'winic (40) ja'wil.

Eclesiastés 12:9

Bayal la yich' sp'ijil yo'tan te jp'ijubteswaneje, jich bayal bi la yac'bey snop te ants-winiquetique. Soc la yich' starea ta snopel mero bayal p'ijil c'opetic, soc buen lec xmelmon la xchap.