Daniel 12:10 - Bible in Tzeltal de Oxchuc y Tenejapa

¹⁰ Ay me mach'atic bayal ya xc'ax yu'un te woclajel albil sc'oplale, pero buen lec me soc buen chapalic me ya xloq'uic yu'un. Te mach'atic amen yo'tanique, stalel me ya xjilic ta spasel xan te bitic amene, melel ma me xc'ot ta yo'tan stuquelic te bila ya xc'ot ta pasele. Yan te mach'atic ay sp'ijilique, ya me sna'ic spisil stuquelic.

Bible in Tzeltal Bachajón

¹⁰ Ay tsobolic te lecubtesbil soc pocbil ya xc'ohtic; yan te mach'atic chopolic stalel schopol ya xhilic, soc mayuc ni jtuhluc te mach'a chopol yo'tan te ya sna'be scuentahil, pero te mach'atic p'ij yo'tanic ya me sna'beyic scuentahil.

Daniel 12:10 Referans Kwoze

Apocalipsis 22:11

Te mach'a amen yo'tane, jichuc ac'a spas xan bael te bila amene. Te mach'a bol yo'tane, jichuc ayuc bael te yo'tane. Yan te mach'a lec yo'tane, ac'a spas xan bael te bila lec ta pasele; soc te mach'a ch'ultesbil yu'un te Diose, ch'ultesbiluc me bael te yo'tane” —la yuton.

Daniel 11:35

Soc ay me ya yich'ic uts'inel te jp'ijubteswanejetic yu'un te lume. Melel ta swenta prueba ya yich' xan lecubtesel soc ya xtojobic xan ta mero lec, ja' to teme c'ot te yorail albilixe.

Oseas 14:9

Te mach'atic ay sp'ijilic soc te ya sna'ic stojole, ac'a me yaiyic stojol te bila ya cale: Te beetic yu'un te Cajwaltic toj ay stuquel. Te mach'atic toj yo'tanic, ja' me ya st'unic; yan te mach'atic amenic, ya me sc'ojch'in sbaic tey a.

San Juan 8:47

Te mach'atic yu'un te Diose, ya yaiybeyic stojol te sc'ope. Yan te bit'il ma yu'unuquex te Diose, jich ma x'ac'an awaiybeyic stojol te bila ya yale —xi' te Jesuse.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

San Juan 7:17

Te mach'a yo'tan ya spas te bila ya sc'an yo'tan te Diose, tey me ya sna' stojol a teme ja' nopjibal yu'un Dios te ya cac' ta nopele, o teme jo'on nax jc'op jtuquele.

San Lucas 24:25

Jich albotic yu'un te Jesuse: —Wocol cati ya xc'ot ta awo'tanic. ¿Bi to ora ya xch'uun awo'tanic spisil te bila yaloj jilel te namey q'uinal j'alwanejetic yu'un te Diose?

Apocalipsis 3:18

Jich yu'un ya calbat te ya amanbon te oro cu'un te lecubtesbil ta c'ajq'ue, swenta yu'un ay me ac'ulejal ta mero melel. Soc ya calbat te ya amanbon uuc te saquil c'u'ul ya alape, swenta yu'un ma ba ya xq'uexawat te bit'il t'analate. Soc ya me amanbon uuc spoxil asit swenta yu'un jich me ya apoxtay asit a. Yu'un jich ya xju' awu'un te ya awil q'uinale.

Proverbios 1:5

Te mach'a ay sp'ijile, ya me xc'ot ta yo'tan. Jich me ya yich' xan sp'ijil yo'tan soc ay me bi ya sna' xan yu'un:

1 Pedro 1:7

Melel te bit'il ay xch'uunjel awo'tanique, ay yiljibal awo'tanic yu'un. Jich c'oem te bit'il oro te bayal yutsilal te ya yich' ultesel ta c'ajc' yu'un ya yich' ilel teme ma'yuc scape. Te xch'uunjel-o'tanil te ya spasot ta pruebae, c'ax jich ay sc'oplal stuquel te bit'il ay sc'oplal te oro te puersa ya xlaje. Teme chican te ay xch'uunjel awo'tanique te pasbil ta pruebae, lec me sc'oplal ya xc'ot, soc ay me yutsil, soc bayal me sc'oplal ya xc'ot te c'alal ya xchicnaj tel te Jesucristoe.

Daniel 11:33

Te mach'atic ay sp'ijilic tey ta slumalic ya me sp'ijubtes tsobol ants-winiquetic, pero ora me ya yich'ic milel, ya me yich'ic chiq'uel, soc ya me x'elc'anbotic bael te biluc yu'une, ya x'ic'otic bael ta mosoil ta yantic lumetic. Ja' me in to ya me xjalaj jtebuc.

Ezequiel 47:11

Ja'uc me to ta pampam ja'etic ta sti'il te mare ma ba ya xc'atp'uj ta lequil ja' stuquel. Ya xjil ta ats'amil ja', yu'un ya xtuun ta sloq'uesibal ats'am.

Apocalipsis 19:14

Ts'aclinot yu'un tsobol soldadoetic te ayic ta ch'ulchan. Slapojic lequil lino-pac' te buen saque, soc cajalic ta saquil caballoetic.

Apocalipsis 19:8

Ac'botix ta swenta slapel te lequil lino-pac' te sacleman naxe”, xiic ta c'op la caiy. Te lequil lino-paq'ue, ja' seña te bila lec spasojic ta q'uinal te mach'atic ch'ul lum yu'un te Diose.

Apocalipsis 16:11

Ja'uc me to, ma la sujt'es yo'tanic yu'un te bila amen la spasique. Ja' nax la stoybac'optayic a te Dios te ay ta ch'ulchane, ta scaj te toyol xc'uxul la yaiyic te sc'a'el-chamelique.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

Hebreos 12:10

Te jtatic te ayotic ta balumilal soque, la yac'botic tojobtesel swenta nax jcuxlejaltic ta q'uinal, ja' chican bit'il la sc'an yo'tanic te la yaq'uique. Yan te Jtatic Diose, ya stojobtesotic ta swenta cutsteseltic, swenta yu'un pajal me ya quich'beytic te ch'ul yutsilale.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Marcos 4:11

Te Jesús la yalbey yaiyic: —Te ja'exe, Dios ya yac'beyex ana'ic stojol te bit'il ay ta ajwalinel te Dios te ma'yuc ta na'el stojol ta neelal toe. Yan te yantique, ja' ya x'albot yaiyic ta swenta seña-c'op stuquelic,

Daniel 12:3

Te mach'atic ay sp'ijilique, te la yiq'uic ta beel tsobol ta jtul ta tojil bee, jich me xojobil ya xc'otic te bit'il xojobil te ch'ulchane. Xlemet me xojobil sbajt'el q'uinal, jich te bit'il xlemet xojobil te eq'uetique.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Isaías 1:18

Te Cajwaltic la yal: —La'ic, ya jchaptic te aiyeje: Manchuc me jich amulic te bit'il mero tsaje, ya jc'atp'unbeyex ta sac, jichuc saquil toib; manchuc me jich te bit'il pac' ts'ajbil ta tsaj, sac ya xc'ot cu'un, jichuc saquil stsotsil chij.

Salmos 107:43

Te mach'a ay sp'ijile ya sc'an te ay ta yo'tan ta spisil, soc te yacuc sna'beyic swentail te xc'uxul yo'tan te Cajwaltique.

Salmos 51:7

Lecubtesawon soc hisopo, te jich me pocbil ya xc'oon; pocawon, jich me sac ya xc'oon te bit'il buen sac te toibe.

1 Samuel 24:13

Ay jun antiguo c'op te jich ya yal: “Ta yo'tan mach'atic amenic ya xloc' tel te bi amene”, te xie. Ja' yu'un te jo'on ma'yuc bi ora ya xyal jc'ab ta atojol.

Malaquías 3:3

Te Cajwaltic ya me slecubtes te sacerdoteetic, ja' te mach'atic sts'umbal Leví, jich bit'il mach'a ya slecubtes plata soc oro ta c'ajc'. Ta patil jich me ya xju' ya yaq'uic majt'anil ta stojol te Cajwaltique, jich te bit'il ya sc'an ya spasique.