Daniel 12:1 - Bible in Tzeltal de Oxchuc y Tenejapa

¹ “Ja' me yorail ya xchicnaj te Miguel, ja' te muc'ul jcanantaywanej ch'ul abat te ya scoltay te lum awu'une. Ja' yorail a te ay me bayal wocol, ma'yuc yan wocol jich c'oem ta pasel a te jayebix c'aal ay te nacionetique. Te c'alal ya sta yorail te jich ya xc'ot ta pasele, ya xcolic spisil te alumale, ja' te ts'ibubil sbiilic ta libro.

Bible in Tzeltal Bachajón

¹ Ta hich ora ya xhahch te Miguel, te muc'ul príncipal te ya scanantay te pueblo awu'une. Ha yorahil bayel wocol, mayuc hich c'ohem ta pasel c'alal hahchemic nacionetic c'alal ta hich ora. Pero ta hich ora ya x'ac'ot ta libre te pueblo awu'un, spisil te mach'atic ts'ihbabil sbihilic ta libro.

Daniel 12:1 Referans Kwoze

Jeremías 30:7

Ya me xnoptsaj tel sc'aalelal te mero xiweltic nax sbae; ma me ayuc jich sc'aalelal ya xc'ot yan a. Ja' me sc'aalelal te ya yaiy mel-o'tan te lum yu'un Jacob; ja'uc me to, ya me jcoltay.

San Mateo 24:21

Ya me xtal bayal woclajel, te ma'yuc bay jich c'oem ta pasel ta xjajch'ibal to tel balumilal, soc ta ora to, soc ta patil bael.

San Marcos 13:19

Melel ma'yuc bay jich woclajel ay tel te c'alal la yich' pasel yu'un Dios te balumilale. Soc ta patil ma'yuquix jich ya xc'ot ta pasel.

Daniel 10:13

Te ch'ul abat jcanantaywanej yu'un Persia, jun xcha'winic (21) c'aal tulan la yac' sba ta jtojol. Pero te Miguel te ja' jtul ta jwolwanejetic yu'un te ch'ul abatetic, ja' tal scoltayon. Melel te manchuc tale, tey jilon jtuquel ta yolilic te ajwaliletic ta Persia te jichuque.

Daniel 10:21

Yo'tic ya calbat awaiy te bila ts'ibubil ta slibroil te bila smelelile. Te guerra ya cac'bey jba soque, ja' nax ya scoltayon te Miguel, te jcanantaywanej ch'ul abat yu'un Israel.

Apocalipsis 12:7

Patil la quil te ay guerra ta yolil ch'ulchan. Te wolwanej ch'ul abat Miguele soc te ch'ul abatetique la stsal sbaic soc te muc'ul chan te xi'bantic sbae. Te chane soc te abatetic yu'une la yaq'uic puersa ta guerra,

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

San Lucas 10:20

Ja'uc me to, ma me ja'uc nax ay sbujts' awo'tanic yu'un te bit'il ya xch'uunbeyex amandalic te pucujetique. Ja'uc me ay bayal sbujts' awo'tanic yu'un te bit'il ts'ibubilix abiilic ta bay te ch'ulchane —xi' te Jesuse.

Daniel 9:12

Te ja'ate, te bit'il la awac'botic tel ta jtojoltic te bitic mero amene, jich c'ot ta pasel awu'un te awaloj te ya awac'botic castigo soc te ajwaliletic cu'untique. Melel ma'yuc castigo jich c'oem ta pasel ta balumilal te bit'il julem ta stojol Jerusalén.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Judas 1:9

Yan te Miguele, te jwolwanej yu'un te ch'ul abatetique, tulan c'opoj soc te pucuj ta swenta sbaq'uetal Moisés te c'alal lajemix ae. Ja'uc me to, ma ba jelaw sc'op te Miguele. Ma la yalbey xch'ayel te pucuje. Ja' nax jich la yalbey: “Te Cajwaltique ya me scomat stuquel”, xi' soc.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Efesios 1:21

Jich cajal c'ot yu'un spisil te mach'a ay yu'el soc ay yat'el, ja' te jmandalteswanej soc te ajwalile. Spisil cajal c'ot yu'un te bitic aye, chican teme ja' ta ora to o teme ja' te patil baele.

Romanos 11:26

Teme c'otix ta pasele, ya me xcol ta spisil te sts'umbal Israele, jich bit'il ts'ibubil jilel ta Sjun te Diose: “Ta wits Sión ya xtal te mach'a ya x'ac'awan ta libre. Ya me xch'aybey spisil smulic te sts'umbal Jacobe.

Ezequiel 13:9

Ya me jtoy jc'ab, ya me cac'bey castigo te lotil j'alwanejetic, ja' te mach'atic ma'yuc bila ya cac'bey yilic, soc te slotic te bi ya yalbeyic sc'oplal te ya xc'ot ta pasele. Ma me xju' ya xbajt'ic ta tsoblej soc te lum Israel cu'une. Ma me ba ya yich' ts'ibuyel sbiilic ta lista yu'un israeletic, soc ma xju' ya x'ochic bael ta slum-sq'uinal Israel. Jich me ya ana'ic te jo'on te Ajwalilone’, xi' te Cajwaltic”, uta me —xi'.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Isaías 4:3

Ja' te mach'atic cuxul ya xjilic ta lum Sión, ja' te mach'atic ayic to xan ta lum Jerusalén, te ya yich'ic xan permiso te ya x'ainic tey a, “Ch'ultesbilic yu'un te Cajwaltique”, xi' me sc'oplalic.

Salmos 69:28

Tup'beya sbiilic ta slibroil cuxlejal; ma me xawaq'uic ta slistaul te mach'atic toj yo'tanique.

Salmos 56:8

Ajtaybil awu'un te jayeb buelta anemone, ja'at me ya atsobon ta juju-jt'ul te ya'lel jsite. ¿Yu'un bal ma ba ts'ibubil awu'un ta libro?

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Romanos 11:15

Melel te bit'il ijq'uitayot te judioetic yu'un te Diose, jich junaj yo'tanic ta stojol Dios spisil te yantic ta balumilale. Ja'uc me to, c'alal ya xcha'ic'otic xane, ¿Ma bal jichuc ya xc'ot te bit'il cha'cux tel te mach'atic lajemique?

Daniel 11:45

Ya me xba spas scampamento ta yolilic te mar soc te ch'ul wits yu'un te T'ujbil Lumq'uinal te xi' sbiile. Pero tey ni me ya staix yorail ya xlajix jilel a, ma me ayuc mach'a ya xcoltayotix yu'un.

Ezequiel 34:24

Jo'on Ajwalilon, jo'on Dioson yu'unic. Te cabat David, ja' me jwentainwanej yu'unic stuquel. Jo'on Ajwalilon te jich caloje.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

Ezequiel 5:9

Ma'yuc jich jpasojbat, soc ni ma'yuc bi ora ya jpasbat yan buelta. Ja'at nix, ta scaj te buen amen te awat'ele.

Daniel 7:10

jun muc'ul c'ajc' yac ta loq'uel tel jichuc ja' tey a. Bayal ta jmil te mach'atic ya yac' sbaic ta abatinel yu'une; bayal ta millón tec'ajtic ta stojol. Te jtsojp jchajbanwanejetic, jajch'ic ta at'el, la yich' jamel te libroetique.

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Malaquías 3:16

(Te mach'atic yich'ojic ta muc' te Diose la yalbey sbaic; te Cajwaltic la yaiybey stojol ta lec te bila la yalique. Jich yu'un ta stojol te Cajwaltic la yich' ts'ibuyel libro, yu'un ya yich' na'el a te mach'atic yich'ojic ta muc' te Cajwaltic soc te ya yich'ic ta wenta.)

Jeremías 30:10

“Jo'on, Ajwalilon, jich ya cal: Ma me xiwat, lum Jacob, abatat cu'un; ma me xnijc' awo'tan, Israel. Melel te ja'ate soc te anich'nab ya me jcoltayex tel ta lum te c'ubul ay ta bay ic'bilex baele. Lamal me q'uinal ya xtal cuxinuquex, jun nax me awo'tanic, ma me ayuc mach'a ya xiwtesex.